О предоставлении санаторно-курортных путевок ветеранам Великой Отечественной войны, труженикам тыла и инвалидам от общего заболевания Қолданыста

Ұлы Отан соғысының ардагерлерін, тыл еңбеккерлерін және мүгедектерді санаторлық-курорттық жолдамамен қамтамасыз ету туралы Ұлы Отан соғысының ардагерлерін, тылдағы еңбеккерлерді және жалпы ауру мүгедектерін әлеуметтік қолдау мақсатында Қазақстан Республикасы Үкіметінің 2001 жылғы 21 желтоқсандағы «Мүгедектерді оңалтудың 2002-2005 жылдарға арналған бағдарламасы туралы» № 1758 Қаулысын, Қазақстан Республикасының 2001 жылғы 21 қаңтардағы «Қазақстан Республикасында жергілікті мемлекеттік басқару туралы» № 148-11 Заңының 6 бабынын 1-тармақтағы 1-тармақшасын және Қазақстан Республикасынын 2002 жылғы 16 мамырдағы «Мемлекеттік сатып алу туралы» № 321 Заңын басшылыкқа ала отырып, Алматы облыстык Мәслихаты ШЕШІМ қабылдады:

1. Ұлы Отан соғысының ардагерлерін, тылдағы еңбеккерлерді және жалпы аурудың мүгедектерін санаторлық-курорттық жолдамамен қамтамасыз ету туралы Ереже қосымшаға сәйкес бекітілсін.

2. Мемлекеттік сатып алулар бөлімі (Е.С.Түймебаев) облыс аумағында орналасқан санаторийлардан санаторлық-курорттық жолдамаларды сатып алуды жүзеге асырсын.

3. Облыстық еңбек, жұмыспен қамту және халыкты әлеуметтік қорғау басқармасы ( Н.Д.Бөлекбаева) санаторлық-курорттық жолдамаларды сатып алуды және оның соғыс ардагерлеріне, тыл еңбеккерлеріне, мүгедектерге берілуін қамтамасыз етсін.

4. Облыстық қаржы басқармасы ( М.А.Сәтқалиев) санаторлық-курорттық жолдамаларға ақы төлеу үшін уақытында қаржыландыруды қамтамасыз етсін.

5. Осы шешімнің орындалуын бақылау облыс Әкімінің бipiнші орынбасары В.А. Долженковқа жүктелсін.

Алматы облыстық Мәслихатының 2003 ж. «15» шілде № 35-205 шешіміне қосымша Ұлы Отан соғысының ардагерлеріне, тыл еңбекерлеріне және жалпы ауру мүгедектеріне санаторлық-курорттық жолдама беру туралы ЕРЕЖЕ

1. Жалпы ереже

1. Осы Ереже Қазақстан Республикасы Үкіметінің 2001 ж. 29- желтоқсандағы «Мүгедектерді оңалтудың 2002-2005 жылдарға арналған бағдарламасы туралы» № 1758 қаулысына және облыс Әкімінің, 2002 жылғы 15-сәуірдегі № 4-76 шешіміне сәйкес Ұлы Отан соғысының ардагерлерін, тыл еңбеккерлерін және жалпы ауру мүгедектерін санаторлық-курорттық жолдамамен қамтамасыз етудің тәртібін белгілейді.

2. Жекелеген санаттағы азаматтарды санаторлық-курорттық жолдамамен қамтамасыз етуді жүзеге асыратын мекемелер Қазақстан Республикасының 2002 ж. 16-мамырдағы «Мемлекеттік сатып алулар туралы» № 321 Заңына сәйкес анықталады.

2. Жолдамаларды есепке алу және беру тәртібі

3. Санаторлық-курорттық жолдама датасы, емдеген дәрігердің тиicтi нұсқамасымен медициналық мекеменің қорытындысын көрсете отырып жазылған өтініштің негізінде беріледі.

4. Жолдамалар бөлуді еңбек, жұмыспен қамту және халықты әлеуметтік қорғау басқармасы облыстық Ардагерлер Кеңесімен бірлесе отырып жүзеге асырады.

5. Жолдамаларды рәсімдеу және беру аудандық еңбек, жұмыспен қамту және халықты әлеуметтік қорғау бөлімдері сенімхатының және емдеу мекемесі берген санаторлық-курорттық карта негізінде жүзеге асырылады.

6. Есепке алу, өтініштерді және алушының қолын қойғыза отырып берілген жолдамаларды журналға тіркеу аркылы жүргізіледі (№ 1 қосымша).

3. Қаржыландыру көздері

7. Жолдамаларды сатып алу облыстық бюджет қаржысы есебінен жүргізіледі.

4. Санаторлық-курорттық жолдамаларды есепке алу тәртібі

8. Облыстық еңбек, жұмыспен қамту және халықты әлеуметтік қорғау басқармасында санаторлық-курорттық жолдамаларды есепке алу жолдама келіп түскен ұйымдардың кipic құжаттарының (үстеме шығындар (накладные), шоттар ) негізінде, оларды сақтауға қабылдап алғандардын, қол хаты мен жүзеге асырылады.

Ұлы Отан соғысының apдагерлерін, тылдағы еңбеккерлерді және жалпы ауру мүгедектерін санаторлық-курорттық жолдамамен қамтамасыз ету туралы Ережелерге № 1 қосымша Қабылданған өтініштерді және берілген жолдамаларды тіркеу Журналы № Аты- жөні Алушының дәрежеci Үйінің мекен-жайы, телефоны Өтініш қабылданған дата Дәрігердің нұсқауымен жіберілген санаторий Жолдаманың берілген датасы Жолдаманы алушының қолтаңбасы