О проведении месячника по социальной поддержке пожилых людей и инвалидов Күшін жойған

Қарттар мен мүгедектерді әлеуметтік қолдау бойынша айлық өткізу туралы Қарт адамдар және мүгедектермен жүргізілетін жұмыстың белсенділігін арттыру, олардың проблемалары шешілуіне қоғамның, мемлекеттік және мемлекеттік емес құрылымдардың назарын аудару үшін және Ақмола облыстық мәслихатының 2003 жылдың 27 шілдесіндегі № С-28-4 шешімімен бекітілген Ақмола облысында кедейшілікті азайту бойынша 2003-2005 жылдарға арналған бағдарламаны жүзеге асыру мақсатында облыс әкімдігі ҚАУЛЫ ЕТЕДІ:

1. Ақмола облысының аумағында қазан айының 1-нен бастап 31-не дейін қарттар мен мүгедектерді әлеуметтік қолдаудың дәстүрлі айлығы жариялансын.

2. Аудандардың, Көкшетау, Степногорск қалаларының әкімдеріне:

1) қарттар мен мүгедектерді әлеуметтік қолдаудың дәстүрлі айлығын өткізу бойынша іс-шаралар әзірлеу және жүзеге асыру;

2) өткізіліп жатқан айлық ішінде Қарттар күні мен Мүгедектер күні зейнеткерлерге, мүгедектерге, жалғызбасты азаматтарға моральдық және материалдық қолдау шараларын жүргізу;

3) шаруашылық субъектілерінің және коммерциялық құрылым басшыларының, бизнесмендердің қатысуымен қарт адамдардың қысқы мерзімге әзірленуіне, көкөністер және қосалқы шаруашылығы үшін мал азығын даярлауға көмек көрсету;

4) қалаларда, аудан орталықтарында, елді мекендерде мәдени-көпшілік шаралар, қарттар және мүгедектермен кездесулер өткізу, әсіресе интернат үйлері мен қарттар үйлерінде тұрып жатқандарға ерекше көңіл болу ұсынылсын:

3. Қарттар мен мүгедектерді әлеуметтік қолдаудың' дәстүрлі айлығын өткізу бойынша жүргізілген жұмыстар туралы ақпарат облыстық еңбек, жұмыспен қамту және халықты әлеуметтік қорғау басқармасына 2003 жылдың 5 қарашасына дейін тапсырылсын.

4. Осы қаулының орындалуын бақылау облыс өкімінің орынбасары Д.З.Әділбековқа жүктелсін.