Об утверждении Положения о возврате средств, выделенных из республиканского бюджета на проведение поисково-оценочных работ по специальным решениям Правительства Республики Казахстан Қолданыста

Қазақстан Республикасы Үкіметінің арнайы шешімдері бойынша іздестіру-бағалау жұмыстарын жүргізуге арнап республикалық бюджеттен бөлінген қаражатты қайтару туралы ережені бекіту туралы Қазақстан Республикасы Үкіметінің арнаулы шешімдері бойынша іздестіру- бағалау жұмыстарын жүргізуге арнап республикалық бюджеттен бөлінген несие ресурстарын тиімді пайдалану және аталған қаражаттың республикалық бюджетке қайтарылуын қамтамасыз ету мақсатында Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Үкіметінің арнайы шешімдері бойынша іздестіру-бағалау жұмыстарын жүргізуге арнап республикалық бюджеттен бөлінген қаражатты қайтару туралы қоса беріліп отырған Ереже бекітілсін.

2. Осы қаулы 1998 жылдың 31 желтоқсанына дейінгі мерзімде күшінде болады деп белгіленсін.

Қазақстан Республикасы Үкіметінің 1998 жылғы 8 қазандағы N 1016 қаулысымен БЕКІТІЛГЕН Қазақстан Республикасы Үкіметінің арнайы шешімдерімен іздестіру-бағалау жұмыстарын жүргізуге арнап республикалық бюджеттен бөлінген қаражатты қайтару туралы ЕРЕЖЕ Осы Ереже іздестіру-бағалау жұмыстарына Қазақстан Республикасы Үкіметінің арнайы шешімдерінің негізінде республикалық бюджеттен бөлінген қаражатты жер қойнауын пайдаланушылардың кейін өтем жасаумен қайтарудың тәртібін реттейді.

1. Қазақстан Республикасының Экология және табиғи ресурстар министрлігі Стратегиялық жоспарлау және реформалар жөніндегі агенттігінің келісімімен Қазақстан Республикасы Үкіметінің арнайы шешімі бойынша іздестіру-бағалау жұмыстарын жүргізуге арналған жобалардың тізбесін бекітеді және белгіленген тәртіппен Қазақстан Республикасының Қаржы министрлігіне әр жоба бойынша қаржыландыру көлемін көрсете отырып, тапсырыс-жоспарды ұсынады.

2. Қазақстан Республикасының Қаржы министрлігі Қазақстан Республикасы Үкіметінің шешіміне сәйкес Қазақстан Республикасының Экология және табиғи ресурстар министрлігіне Қазақстан Республикасы Үкіметінің арнайы шешімдері бойынша іздестіру-бағалау жұмыстарын жүргізу үшін республикалық бюджеттен қаражат бөледі.

3. Қазақстан Республикасының Экология және табиғи ресурстар министрлігі геологиялық ақпарат (материалдық емес активтерді) алу мақсатында мердігерлер арқылы іздестіру-бағалау жұмыстарын жүргізеді.

4. "Жер қойнауы және жер қойнауын пайдалану туралы" Қазақстан Республикасы Президентінің 1996 жылғы 27 қаңтардағы N 2828 Жарлығына сәйкес алынған геологиялық ақпарат мемлекеттік меншік болып табылады және Қазақстан Республикасының Экология және табиғи ресурстар министрлігіне сақтауға беріледі.

5. Қазақстан Республикасы Үкіметінің арнайы шешімдері бойынша іздестіру-бағалау жұмыстарын жүргізуге жұмсалған қаражаттың есебін Қазақстан Республикасының Экология және табиғи ресурстар министрлігі жүргізеді.

6. Қазақстан Республикасы Үкіметінің арнайы шешімдері бойынша іздестіру-бағалау жұмыстарын жүргізуге шыққан және осы Ережеге сәйкес республикалық бюджетке қайтарылуға тиіс мемлекет шығындары Қазақстан Республикасы Экология және табиғи ресурстар министрлігінің деректері бойынша айқындалады және пайдалы қазбалар кен орындарын игеруге арналған келісім-шартта көрсетіледі.

7. Жоғарыда көрсетілген сомаларды республикалық бюджеттің кірісіне қайтаруды жер қойнауын пайдаланушы келісім-шарт күшіне енген сәттен бастап бір жылдың ішінде жүзеге асыруға тиіс.

8. Пайдалы қазбалар кен орнын игеруге арналған келісім-шартта республикалық бюджеттен бөлінген және іздестіру-бағалау жұмыстарын жүргізуге жұмсалған несие ресурстарына тең болатын сомаларды жер қойнауын пайдаланушының Қазақстан Республикасы Қаржы министрлігінің нұсқауы бойынша бюджеттік шотқа аударатыны айтылады.