Бастапқы әскери даярлықтан өтпеген әскер жасындағы жастардың бастапқы әскери даярлықты өткізу үшін оқу пункттерін құру туралы от 11.08.2003 г. № 33/3 (Бастапқы әскери даярлықтан өтпеген әскер жасындағы жастардың бастапқы әскери даярлықты өткізу үшін оқу пункттерін құру туралы)

Бастапқы әскери даярлықтан өтпеген әскер жасындағы жастардың бастапқы әскери даярлықты өткізу үшін оқу пункттерін құру туралы
Қазақстан Республикасы Үкіметінің 1996 жылғы 1 қарашадағы № 1340 «Бастапқы әскери даярлау туралы» Қаулысына, бастапқы әскери даярлықты (бұдан әрі – БӘД) өтпеген әскер жасындағы жастарды Қазақстан Республикасының Қарулы Күштердегі қызметке сапалы дайындауға сәйкес:

1. Әскер жасындағы жастардың бастапқы әскери даярлығын өткізу үшін, ауданның орта оқу орындары жанынан оқу пункттері құрылсын.

2. Аудандық білім беру бөлімінің меңгерушісі (Саят Қазтайұлы Қазтаев) оқу пункттеріне аудандық әскери комиссариаты ұсынған тізімдеріне келісті әскер жасындағы БӘД курсын өтпеген жастарды тіркесін.

3. Оқу орындар басшылары оқу пунктерінде оқу-сабақтарын Қазақстан Республикасы Үкіметінің 1996 жылғы 1-ші қарашадағы № 1340 «Бастапқы әскери даярлау туралы» Қаулысының 20-ші тармағына келесті 60 сағаттық бағдарлама бойынша жүргізсін.

4. Әскер жасындағы жастарды оқу пункттеріндегі оқу-сабақтарына келулеріне бақылау жасау осы жасөспірімдер жұмыс істейтін кәсіпорындар мен мекемелер басшыларына жүктелсін.

5. Жастар ісі және спорт жөніндегі бөлімінің бас маманы (Ерсін Қоңыртайұлы Дөкеев) әскер жасындағы жастардың дене тәрбиесін ұйымдастырылсын.

6. Әскер жасындағы оқу пункттерінде БӘД бойынша оқудан өткен жасөспірімдерден сынақ алу үшін № 1 қосымшаға келісті комиссия құрамы құрылсын.

7. Оқу пунктерінде сынақ алуды ұйымдастыру, бақылау жасау аудандық әскери комиссариатқа (Өмірбек Ыбырайұлы Әбілов) жүктелсін.

8. Аудандық білім беру бөлімінің меңгерушісі (Саят Қазтайұлы Қазтаев), аудандық әскери комиссары (Өмірбек Ыбырайұлы Әбілов) осы қаулының орындалу барысы туралы ақпаратты 2004 жылдың 23 маусымына аудан әкімі аппаратының әлеуметтік сала және ішкі саясат бөліміне тапсырсын.

9. Аудан әкімиятының 2002 жылғы 27 қыркүйектегі № 10/28 «Орта білімі жоқ және бастапқы әскери даярляқтан өтпеген жасөспірімдерді бастапқы әскери даярлықты өткізу үшін оқу пункттерін құру туралы» қаулысының күші жойылды деп танылсын (тіркеу нөмірі 981, аудандық №48 «Сарыарқа» газетінде 2002 жылдың 30 қарашасында жарияланған).

10. Осы қаулының орындалуына бақылау жасау аудан әкімінің орынбасары Виктор Петрович Лавриковке жүктелсін.