О городской ономастической комиссии Қолданыста

Қалалық ономастикалық комиссия туралы «Қазақстан Республикасындағы жергілікті мемлекеттік басқару туралы» Қазақстан Республикасының Заңына және Қазақстан Республикасы Үкіметінің 1998 жылғы 21 сәуірдегі № 368 «Қазақстан Республикасы Үкіметінің жанындағы мемлекеттік ономастикалық комиссия туралы»қаулысына сәйкес Рудный қаласының әкімияты ҚАУЛЫ ЕТЕДІ:

1. Қалалық ономастикалық комиссия құрылсын.

2. Қалалық ономастикалық комиссияның жеке құрамы Рудный қалалық мәслихатының сессиясында бекітілуге енгізілсін.

3. Қалалық ономастикалық комиссия туралы ереже бекітілсін (қосымша).

4. Осы қаулының орындалуына бақылау жасау Рудный қаласы әкімінің орынбасары С.Б.Бөрібаеваға жүктелсін.

Рудный қаласы әкімиятының 2003 жылғы 28 тамыздағы № 525 қаулысына қосымша Қалалық ономастикалық комиссия туралы ереже

1. Жалпы ережелер

1. Қалалық ономастикалық комиссия (бұдан әрі - Комиссия) кеңес беруші орган болып табылады, ол географиялық кешендердің атауларын бірегей қалыптастыру, топонимикалық атауларды қолдануды және есепке алуды ретке келтіру, тарихи атауларды Қазақстан Республикасының тарихи-мәдени мұрасының құрам бөлігі ретінде сақтау, қалпына келтіру және олардың атауларын өзгерту мақсатында ономастика саласында мемлекеттік тіл саясатын іске асыру жөнінде ұсыныстар дайындайды.

2. Комиссия өз қызметінде Қазақстан Республикасының Конституциясын, Қазақстан Республикасының Заңдарын, Қазақстан Республикасы Президентінің және Үкіметінің нормативтік құқықтық кесімдерін, сонымен қатар осы Ережені басшылыққа алады.

3. Комиссияның жеке құрамын Рудный қалалық мәслихаты бекітеді.

4. Комиссияның шешімдері ұсыныстық сипатта болады.

5. Комиссияның қызметін ұйымдастырулық, материалдық-техникалық және әдістемелік қамтамасыз етуді жергілікті атқарушы орган жүзеге асырады.

2. Негізгі міндеттері

6. Комиссияның негізгі міндеттері мыналар болып табылады:

1) географиялық атауларды жинау, жүйелендіру;

2) ономастика мәселелерімен байланысты материалдарды жүйелендіру;

3) бұрын жоғалған тарихи топонимдерді қалпына келтіру жөнінде ұсыныстар енгізу;

4) жаңа кешендердің атаулары бойынша ұсыныстар енгізу;

5) ономастиканың географиялық және тарихи-мәдени пән ретінде қолдау.

3. Негізгі қызметтері және өкілеттіктері

7. Жүктелген міндеттерді шешу мақсатында Комиссия:

1) қолданыстағы орфография нормаларының, ғылыми транскрипцияның және қалыптасқан мәдени-тарихи және әлеуметтік факторлардың негізінде қалалық аудандардың, алаңдардың, даңғылдардың, бульварлардың, көшелерді, саябақтардың, скверлердің және тағы сол сияқтылардың аттарының атаулары, атын қайта өзгертулері, белгілері және транскрипциясы туралы қорытындылар береді;

2) қала халқының байырғы халықтық және тарихи қалыптасқан атауларға Қазақстан Республикасының тарихи-мәдени мұрасын құрам бөлігі ретінде құрметпен қарауды қалыптастыруға белсенді ықпал етеді;

3) тарихи топонимдерді қалпына келтіру және айырбастау мәселелері жөніндегі ұйымдардың, жеке азаматтардың хаттарын қарайды және тиісті ұсыныстар береді;

4) мемлекеттік тіл саясатын ономастика саласында іске асыру жағдайын талдайды.

4. Жұмысты ұйымдастыру

8. Комиссия мәжілістері жұмыс жоспарына сәйкес үнемі өткізіледі, ол Комиссия мәжілісінде қабылданады және оны төраға бекітеді. Комиссия мәжілістеріне оның мүшелерінің кем дегенде жартысы қатысса олар анық болды деп саналады.

9. Комиссия шешімдері мәжіліске қатысып отырған Комиссия мүшелерінің жалпы санының ашық дауыс берулерімен қабылданады.

10. Комиссияның құзырына енетін жеке мәселелерді қарау үшін қажет болған жағдайда жұмыс топтары құрылады.

11. Комиссия хатшысы жұмыс жоспарын, мәжілістің күн тәртібін құрады, Комиссия мүшелерінің өзара іс-әрекетін ұйымдастырады және іс жүргізуге жауап береді.