О совершенствовании железнодорожных перевозок пассажиров пригородного сообщения в Западно-Казахстанской области Күшін жойған

Батыс Қазақстан облысында қала төңірегіне қатынайтын жолаушыларды темір жолмен тасымалдауды жетілдіру туралы 📌 Ескерту. Күші жойылды - Батыс Қазақстан облысы әкімдігінің 25.01.2005 № 24 қаулысымен. Қазақстан Республикасының "Қазақстан Республикасындағы жергiлiктi мемлекеттiк басқару туралы" , "Темiр жол көлiгi туралы" Заңдарын басшылыққа ала отырып, әдiлет басқармасында 2002 жылы 19 қыркүйекте 1750 номермен тiркелген және "Приуралье" газетiнiң 2002 жылы 26 қыркүйектегi N 116 санында жарияланған "2002 жылға арналған облыстық бюджет туралы" Батыс Қазақстан облыстық мәслихаттың 2002 жылғы 8 қаңтардағы N 17-2 шешiмiне өзгерiстер мен толықтырулар енгiзу туралы" Батыс Қазақстан облыстық мәслихаттың 2002 жылғы 27 тамыздағы N 24-2 шешiмiн орындау үшiн және қала төңiрегiне темiр жолмен қатынайтын тұрғындардың қажетiн қанағаттандыру мақсатында облыс әкiмдiгi ҚАУЛЫ ЕТЕДI:

1. Жергiлiктi бюджеттен қаржыландырылатын қала төңiрегiне қатынайтын темiр жол маршруттарының тiзбесi бекiтiлсiн (жалғанды).

2. Жергiлiктi бюджет есебiнен қаржыландырылатын қала төңiрегiне жолаушыларды темiржолмен тасымалдаудың уақытша Ережесi бекiтiлсiн (жалғанды).

3. Темiр жол тасымалын қаржыландыру жөнiндегi бағдарлама әкiмшiсi-облыстық тұрғын үй-коммуналдық, жол шаруашылығы және көлiк басқармасы темiржол тасымалын облыстық бюджетте қаралған қаржы шегiнде қаржыландыруды жүзеге асырсын.

4. Осы қаулының орындалуын бақылау облыс әкiмiнің орынбасары С.П. Качалоға жүктелсiн.

Батыс Қазақстан облысы әкiмдiгiнiң 2002 жылғы 29.11 N 220 қаулысымен бекiтiлген Жергiлiктi бюджеттен қаржыландырылатын қала төңiрегiне қатынайтын темiржол маршруттарының тiзбесi 1. Орал - Озинки 2. Орал - Шыңғырлау

Батыс Қазақстан облысы әкiмдiгiнiң 2002 жылғы 29.11 N 220 қаулысымен бекiтiлген Қала төңірегіне жолаушыларды теміржолмен тасымалдауды қаржыландырудың уақытша ережесі

1. Жалпы ережелер

1. Осы Ереже жергілікті бюджет есебінен қала төңірегіне жолаушыларды теміржолмен тасымалдауға бөлінетін қаржының жұмсалу тәртібін айқындайды.

2. Жергілікті атқарушы органдардың шешімі негізінде жүзеге асырылатын қала төңірегіне жолаушыларды тасымалдау кіріс деңгейін қамтамасыз етпейді, теміржол маршруттарының тиімді қызмет істеуі үшін жергілікті бюджетте қаралған қаржы есебінен қаражат беруге жатады.

3. Қаржы беру белгіленген тариф пен әрбір жекеленген теміржол маршруты бойынша тасымалдау кезінде қалыптасқан пайдалану шығындары көлемі арасындағы айырмашылыққа сәйкес беріледі.

2. Қаржыны есептеу және төлеу тәртібі

4. Қала төңірегіне жолаушыларды теміржолмен тасымалдауға жергілікті бюджеттен жәрдем ақша төлеу әкімдіктің қаулысымен бекітілген бюджеттік бағдарлама паспортына сәйкес жүргізіледі.

5. Жәрдем ақша төлеу теміржол тасымалының нақты орындалған және құжаттармен куәландырылған көлемі бойынша тоқсан сайын жүзеге асырылады.

6. Жәрдем ақша алу үшін жергілікті уәкілетті орган (Бұдан әрі-облыстық тұрғын үй-коммуналдық, жол шаруашылығы және көлік басқармасы) және теміржол тасымалын жүзеге асырушы теміржол кәсіпорыны арасында осы Ереженің 2-тармағында белгіленгенге сәйкес теміржол тасымалына жәрдем ақша беру туралы шарт жасалады.

7. Шарт жасалғаннан кейін, тасымалдаушы келесі есепті айдың 5-не дейінгі мерзімде басшы, бас бухгалтер куәландырған және ұйымның мөрі басылған төмендегідей құжаттарды тіркей отырып, жергілікті уәкілді органға айлық қаржы есебін тапсырады:

1) жолаушыларды нақты осы маршрут бойынша тасымалдау жөнінде сатылған билеттер тізілімінің көшірмесі;

2) жәрдем ақша бөлінген жекеленген әрбір маршрут бойынша жолаушылар тасымалдау, локомотив, жол шаруашылығы, сумен жабдықтау, сигнализация және байланыс, азаматтық құрылыстар және басқалар бойынша нақты шығындарды куәландыратын шоттар көшірмесі.

8. Уәкілетті орган тіркелген құжаттар мен қоса айлық қаржы есебін қабылдап алғаннан кейін салыстырып тексеру актісін жасайды және шығындардың мақсатты жұмсалғандығы және жәрдем ақшаның сомасын куәландыру туралы қорытынды жасай отырып, тасымалдаудың орындалу фактілеріне салыстырып тексеру жүргізеді.

9. Уәкілетті орган бюджет қаржысын пайдалануға жергілікті атқарушы органның рұқсатына сәйкес Қазақстан Республикасы Қаржы министрлігінің аумақтық органдарына жәрдем ақша берілетін теміржол тасымалының тізілімін, өзінің бюджеттік шотынан тасымалдаушының ағымдағы шотына ақша аударуға арналған төлем тапсырмасымен қоса салыстырып тексеру актісін және шарт көшірмесін тапсырады.

10. Осы Ережеде белгіленген теміржол маршруттарын пайдалану процесіндегі талаптарды орындамаған теміржол кәсіпорындарына жәрдем ақша аударылмайды және төленбейді.