О координационном совете по вопросам качества продукции и услуг Күшін жойған

Өнімнің және қызметтердің сапа мәселелері жөніндегі үйлестіруші кеңес туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабына сәйкес және облыста өндірілетін өнімнің сапасын және бәсекелестік қабілетін арттыру бөлігіндегі Қазақстан Республикасының «Тұтынушы құқығын қорғау», «Сертификаттау туралы», «Стандарттау туралы», «Өлшемдердің бірлігін қамтамасыз ету туралы», «Халықтың санитарлық-эпидемиологиялық игілігі туралы», «Ветеринария туралы» Заңдарын орындауға көмек көрсету мақсатында, Қостанай облысының әкімияты ҚАУЛЫ ЕТЕДІ:

1. Өнімнің және қызметтердің сапасы мәселелері жөніндегі үйлестіруші кеңес құрылсын.

2. Өнімнің және кызметтердің сапа мәселелері жөніндегі үйлестіруші кеңес ты ереже бекітілсін (қосымша).

3. Өнімнің және қызметтердің сапа мәселелері жөніндегі үйлестіруші кеңесінің жеке құрамы белгіленген тәртіпте Қостанай облыстық маслихаты сессиясының бекітуіне ұсынылсын.

4. Қостанай облысы әкімиятының «Өнімнің және қызметтердің сапа мәселелері жөніндегі үйлестіру кеңесі туралы» 2001 жылғы 10 мамырдағы № 56 қаулысының күші жойылсын.

Қазақстан Республикасы Қостанай облысы әкімиятының 2003 жылғы 25 қыркүйектегі № 217 қаулысына қосымша Өнімнің және қызметтердің сапа мәселелері жөніндегі үйлестіруші кеңесі туралы ЕРЕЖЕСІ

1. Жалпы ережесі

1. Өнімнің және қызметтердің сапа мәселелері жөніндегі үйлестіруші кеңесі (бұдан әрі кеңес) кеңес беруші-кеңесуші орган болып табылады.

2. Кеңес Қостанай облысының әкімиятымен құрылады.

3. Кеңесті облыс әкімнің орынбасары басқарады.

4. Кеңес өз қызметінде қолданылып жүрген заңнаманы және осы ережені басшылыққа алады.

5. Кеңес мәжілісі кем дегенде тоқсанына бір рет өткізіледі, хаттамамен бекітіледі. Кеңес ұсынымдылық сипаттағы шешімдерді қабылдайды.

2. Негізгі міндеттер

6. Өндірушілер мен жеткізушілердің, олардың шығаратын немесе жеткізетін өнімнің (үрдістер, қызметтер) сапасы мен қауіпсіздігі үшін жауапкершіліктерін арттыру.

7. Аймақтық шаруашылық жүргізуші субьектілерінің сапа саласындағы Қазақстан Республикасы заңнамалары талаптарын орындауға көмек көрсету.

8. Қостанай облысында сапаның бірігей мемлекеттік саясатын жүргізу.

9. Сапа бағдарламасына сәйкес Қостанай облысында сапа мәселесі бойынша заңды және жеке тұлғалардың қызметін үйлестіру.

10. Облыстағы кәсіпорындарда сапаны басқарудың қәзіргі заманғы әдістерін енгізуге және аймақта өндірілетін өнімнің бәсекелестік қабілеттілігін арттыруға жәрдемдесу.

11. Облыстағы кәсіпорында өнім мен қызмет көрсетудің сапасын арттыру жұмыстарын көтермелеу.

12. Сапаға деген жаңаша (қарым-қатынас) қалыптастыру мақсатында аймақ тұрғындарын сапа мәселелері бойынша ақпараттық қамтамасыз ету.

13. Облыста өткізілетін өнім мен қызметтердің сапасы мен қауіпсіздігі мәселелері бойынша мемлекеттік қадағалау мен бақылау органдарының, сонымен облыстық, қалалық және аудандық әкімияттардың біріккен қарым- қатынастарын іске асыру.

3. Қызметтері

14. Сапа жөніндегі кеңес мүшелері мен жұмысшы топтарының талқылауына шығарылған өнімнің (үрдістер мен қызметтердің) сапасына байланысты мәселелер мен сұрақтарды өз құзырының шеңберінде шешу.

15. Өнімнің, үрдістер мен қызметтердің сапасы бойынша облыста өткізілетін бағдарламалар, ағымдағы және перспективадағы жоспарларға ұсыныстар еңгізу.

16. Сапа бойынша нақты шараларды өткізу үшін жұмысшы топтарды құру (сапа мәселелері жөніндегі конкурстар, көрмелер, біліктілігін арттыру курстары, рейдтік тексерулер, бағдарламалар, ағымдағы жоспарлар құру және тағы сондай-сондай).

17. Кеңес құрған сапа жөніндегі жұмысшы топтардың қызметін үйлестіру.

18. Өнімнің және қызметтердің сапасын арттыру жөніндегі жұмыстарды көтермелеу шараларын жасау (жеңілдікті несиелеу, сапа мәселерін белсенді түрде шешетін кәсіпорындарда мемлекеттік тапсырыстар орналастыру).

19. Көршілес, сонын ішінде ресейлік аймақтармен сапа жөніндегі мәселелер бойынша қарым-қатынасты қамтамасыз ету.

20. Өнім мен қызметтердің сапасын және қауіпсіздігін бақылаушы органдардың қызметінің нәтижелері бойынша аймақтағы сапа жөніндегі істердің жағдайын үнемі сараптау.

21. Кеңес өз қызметін жүмыс жоспарына сәйкес іске асырады.

4. Міндеттер мен құқықтар

22. Сапа жөніндегі кеңестің мүшелері:

1) кеңес қызметіне белсене қатысуға;

2) кеңес ұйымдастыратын шараларға қатысуға;

3) кеңес қабылдаған шешімдерді орындауға;

4) кеңес жүктеген міндеттерді уақтылы орындауға;

5) Қостанай облысында өткізілетін өнімдердің, үрдістер мен қызметтердің сапасына қатысты ақпаратты кеңеске тапсыруға міндетті.

23. Сапа жөніндегі кеңестің мүшелері:

1) өнімдер мен қызметтердің сапасына қатысты сұрақтарды, мәселелер мен ұсыныстарды кеңестің қарастыруына ұсынуға;

2) жұмысшы топтардың кызметіне кеңес өкілеттілігіндегі қызметтердің, сонымен бірге басқа ұйымдардың мамандарын тартуға құқықтары бар.

5. Жауапкершілік

24. Сапа жөніндегі кеңес мүшелері осы ережелермен жүктелген міндеттер мен қызметтерді атқаруда әкімияттың және облыс әкімінің алдында жауапкершілікке ие болады.