О создании районного консультативного Совета по сотрудничеству и взаимодействию с неправительственными организациями Қолданыста

Үкіметтік емес ұйымдармен ынтымақтастық және өзара іс-қимыл жөніндегі аудандық консультативтік Кеңесті құру туралы Қазақстан Республикасының "Қазақстан Республикасындағы жергілікті мемлекеттік басқару туралы" Заңына сәйкес және Қазақстан Республикасы Үкіметінің "Қазақстан Республикасының үкіметтік емес ұйымдарын мемлекеттік қолдаудың 2003-2005 жылдарға арналған бағдарламасы туралы" 2003 жылғы 17 наурыздағы N 253 Қаулысын іске асыру мақсатында аудан әкімдігі ҚАУЛЫ ЕТЕДІ:

1. Үкіметтік емес ұйымдармен ынтымақтастық және өзара іс-қимыл жөніндегі аудандық консультативтік Кеңес (бұдан әрі - Кеңес) құрылсын, дербес құрамы бекітуге аудандық мәслихатқа ұсынылсын.

2. Кеңес туралы Ереже бекітілсін (тіркелулі).

3. Осы қаулының орындалуын бақылау аудан әкімінің орынбасары В. К. Шохинаға жүктелсін.

Аудан әкімдігінің 2003 жылғы 10 қарашадағы N 323 Қаулысымен бекітілді Үкіметтік емес ұйымдармен ынтымақтастық және өзара іс-қимыл жөніндегі аудандық консультативтік Кеңес туралы ЕРЕЖЕ

1. Жалпы ережелер

1. Үкіметтік емес ұйымдармен ынтымақтастық және өзара іс-қимыл жөніндегі аудандық консультативтік Кеңес (бұдан әрі - Кеңес) - консультативті-кеңесті орган үкіметтік емес ұйымдардың қызметін үйлестіру және көмек көрсету мақсатында құрылады.

2. Кеңес қызметінің құқықтық негізін Қазақстан Республикасының Конституциясы, Қазақстан Республикасының "Қазақстан Республикасындағы жергілікті мемлекеттік басқару туралы" Заңы, Қазақстан Республикасының басқа да нормативтік-құқықтық кесімдері, сонымен қатар осы Ереже құрайды.

3. Кеңес төрағасы аудан әкімі болып табылады. Аудандық Кеңес құрамына мемлекеттік органдардың, үкіметтік емес ұйымдардың өкілдері кіреді. Кеңестің дербес құрамы "Қазақстан Республикасындағы жергілікті мемлекеттік басқару туралы" Заңының 6 бабына сәйкес аудандық мәслихат сессиясымен бекітіледі.

2. Кеңестің негізгі міндеттері

4. Үкіметтік емес ұйымдармен ынтымақтастық және өзара іс-қимыл жөніндегі аудандық Кеңестің негізгі міндеттері:

1) үкіметтік емес ұйымдармен өзара іс-қимыл бойынша аумақтық кешенді саясатты қалыптастыру үшін ұсыныстар дайындау және басымдықтарды айқындау;

2) үкіметтік емес ұйымдарға консультативтік, әдістемелік, ақпараттық, ұйымдастырушылық-техникалық қолдаудың кешенді жүйесін жетілдіруде көмек көрсету;

3) жергілікті атқарушы органдардың үкіметтік емес ұйымдармен өзара іс-қимыл және ынтымақтастық жүйесін жетілдіру;

4) Кеңес құзыретіне кіретін мәселелер бойынша мемлекеттік органдардың, үкіметтік емес ұйымдардың және азаматтардың ұсынысын қарастыру, тиісті ұсыныстарды дайындау;

5) әлеуметтік маңызы бар жобаларды және бағдарламалық құжаттарды қарастыруға және дайындауға қатысу;

6) үкіметтік емес секторлардың мәселелері бойынша ғылыми зерттеулерді өткізуге көмек көрсету, ауданның үкіметтік емес ұйымдарының ақпараттық мәлімет базасын қалыптастыру;

7) үкіметтік емес ұйымдардың қызметінің жайын толық көрсету мақсатында бұқаралық ақпарат құралдарымен өзара іс-қимылы;

8) үкіметтік емес ұйымдардың қызметіне қатысы бар азаматтардың өтінішін, бұқаралық ақпарат құралдарының хабарын қарастыру;

9) үкіметтік емес ұйымдардың қызметіне арналған семинар, кеңес, конференцияларға қатысу.

3. Кеңес өкілеттігі

5. Кеңес өзінің құзыреті шегінде құқылы:

1) үкіметтік емес ұйымдардың өкілдерін, ауданның атқарушы органдарының басшыларын өз мәжілістерінде тыңдауға;

2) ауданның атқарушы органдарында үкіметтік емес ұйымдарға қатысы бар ақпаратты сұрастыруға;

3) Кеңес мәжілісін дайындауға, бағдарламалық құжаттарды өңдеуге қатысу үшін беделді және кәсіби даярлығы бар жұртшылықтың, үкіметтік емес ұйымдардың өкілдерін штаттан тыс сарапшы ретінде қатыстыруға;

4) үкіметтік емес ұйымдардың қызметі туралы статистикалық, аналитикалық, әдістемелік және басқа ақпараттық материалдарды мемлекеттік органдарға және қоғамдық бірлестіктерге жіберуге;

5) Кеңес азаматтардан түскен өтініштерді, бұқаралық ақпарат құралдарының хабарларын қараудың қорытындылары бойынша материалдарды істің мәнісі бойынша шешім қабылдау үшін тиісті жергілікті атқарушы органдарға немесе лауазымды тұлғаларға жібере алады.

4. Кеңестің жұмысын ұйымдастыру

6. Кеңес төрағадан, оның орынбасарларынан, хатшыдан және Кеңес мүшелерінен тұрады.

7. Кеңес төрағасы мәжілістерді өткізеді, басқа да ұйымдастыру- басқарушылық міндеттерді орындайды. Кеңес төрағасы болмаған кезде оның міндеттерін орынбасары орындайды.

8. Кеңес мәжілісі тоқсан сайын өткізіледі. Жұмыс жоспары Кеңес мәжілісінде бекітіледі.

9. Кеңес мүшелері қаралған мәселелерді талқылауға, ұсыныс, ескерту енгізуге құқылы.

10. Кеңес мүшелері өз өкілеттігін мәжіліске қатысу үшін басқа адамға беруге құқығы жоқ.

11. Кеңес шешімдері ұсыныстық сипатта болады.

12. Кеңес шешімді мәжілісте қатысып отырған Кеңес мүшелерінің санынан қарапайым дауыстың көпшілігімен қабылдайды. Дауыстың тепе-теңдігінде төрағалық етушінің дауысы шешуші болып саналады.

13. Кеңес жұмысын ұйымдық жағынан қамтамасыз етуді аудан әкімінің аппараты іске асырады.