О проведении идентификации сельскохозяйственных животных на территории Мангистауской области Қолданыста

Маңғыстау облысы көлемінде ауыл шаруашылығы малдарын бірдейлендіру туралы Қазақстан Республикасының "Ветеринария туралы" Заңы және Ауыл шаруашылығы Министрінің "Ауыл шаруашылығы жануарларын бірдейлендіру туралы" № 164 2 сәуір 2003 жылғы бұйрығы негізінде, ШЕШЕМІН :

1. Облыс көлеміндегі барлық селолық округтердегі ауыл шаруашылығы малдарын бірдейлендіру жүргізілсін.

2. Облыстық ауыл шаруашылығы басқармасы (Сейбағытов.Д.) Қазақстан Республикасы Ауыл шаруашылығы Министрлігі Маңғыстау облыстық аумақтық басқармасы (Берішбаев.С. келісім бойынша) аудан, қала әкімдерімен бірлесіп халық арасында түсінік жұмыстарын жүргізсін.

3. Қалалар мен аудандардың әкімдері Қазақстан Республикасы Ауыл шаруашылығы Министрлігі аудандық аумақтық басқармаларымен бірігіп, (келісім бойынша): - меншік нысанына қарамастан малдарды бірдейлендіру жұмысын өз аумақтарында талапқа сай ұйымдастырсын; - село, кенттерге тиісті нөмірлер беріп, әр малға паспорт шығартып, бірдейлендіру белгілерімен қамтамасыз етіп, село әкімі, статистика маманы, малдәрігерлік инспекторларды, мал иелерін және қоғамдық жұмысқа қатынасушыларды жұмысқа тартсын; - бірдейлендірудің қорытындысын компьютерлік ақпарға кіргізсін.

4. Облыстық статистика басқармасына (Иванова Г.В. келісім бойынша) малдардың дұрыс есебін жүргізуді бақылау және есепке алу міндеттелсін.

5. Облыстық ішкі істер басқармасына (Шахманов С.Г.) малдардың тасымалы кезінде тиісті құжаттарын қатаң талап ету тапсырылсын.

6. Аталған шара 2004 жылдың бірінші жарты жылдығында аяқталсын.

7. Осы шешімнің орындалысын бақылау облыс әкімінің бірінші орынбасары С. Керелбаевқа жүктелсін.