Об установлении публичного сервитута на земельные участки Күшін жойған

Жер учаскелеріне қауымдық сервитут белгілеу туралы Қазақстан Республикасы Жер кодексінің 18-бабына, 69-бабының 4-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 31-бабына сәйкес, «Қостанай қаласы әкімдігінің жер қатынастары бөлімі» мемлекеттік мекемесінің 2022 жылғы 21 желтоқсандағы № 1135, № 1136, № 1137, № 1138, № 1139, № 1140 бұйрықтарымен бекітілген жерге орналастыру жобалары негізінде Қостанай қаласының әкімдігі ҚАУЛЫ ЕТЕДІ:

1. «Рудныйсоколовстрой» жауапкершілігі шектеулі серіктестігіне осы қаулының қосымшасына сәйкес жер учаскелеріне инженерлік коммуникацияларды жүргізу және пайдалану үшін қауымдық сервитуттар белгіленсін.

2. «Қостанай қаласы әкімдігінің жер қатынастары бөлімі» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулыны Қазақстан Республикасы нормативтік құқықтық актілерінің эталондық бақылау банкінде ресми жариялауға жіберуді;

2) ресми жарияланғаннан кейін осы қаулыны Қостанай қаласы әкімдігінің интернет-ресурсына орналастыруды қамтамасыз етсін.

3. Осы қаулының орындалуын бақылау Қостанай қаласы әкімінің жетекшілік ететін орынбасарына жүктелсін.

4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Әкімдіктің 2023 жылғы 6 қаңтардағы № 27 қаулысына қосымша «Рудныйсоколовстрой» жауапкершілігі шектеулі серіктестігіне қауымдық сервитуттар белгіленетін жер учаскелерінің тізбесі

1) Қостанай қаласы, Береке шағын ауданы, № 162 үй мекенжайында электрмен жабдықтау инженерлік коммуникацияларын жүргізу және пайдалану үшін, жалпы алаңы 0,0756 гектар;

2) Қостанай қаласы, Береке шағын ауданы, № 162 үй мекенжайында су құбыры инженерлік коммуникацияларын жүргізу және пайдалану үшін, жалпы алаңы 0,1153 гектар;

3) Қостанай қаласы, Береке шағын ауданы, № 162 үй мекенжайында газ құбыры инженерлік коммуникацияларын жүргізу және пайдалану үшін, жалпы алаңы 0,0180 гектар;

4) Қостанай қаласы, Береке шағын ауданы, № 162 үй мекенжайында кәріз инженерлік коммуникацияларын жүргізу және пайдалану үшін, жалпы алаңы 0,1065 гектар;

5) Қостанай қаласы, Береке шағын ауданы, № 162 үй мекенжайында телефонмен жабдықтау инженерлік коммуникацияларын жүргізу және пайдалану үшін, жалпы алаңы 0,0241 гектар;

6) Қостанай қаласы, Береке шағын ауданы, № 162 үй мекенжайында жылу желісі инженерлік коммуникацияларын жүргізу және пайдалану үшін, жалпы алаңы 0,0192 гектар.