Об утверждении Положения о коммунальном государственном учреждении «Управление туризма, внешних связей и креативной индустрии города Шымкент» Қолданыста
Басқа 0
«Шымкент қаласының туризм, сыртқы байланыстар және креативті индустрия басқармасы» коммуналдық мемлекеттік мекемесінің ережесін бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 37, 39-баптарына, «Құқықтық актілер туралы» Қазақстан Республикасы Заңының 35-1-бабы 3-тармағының 3) тармақшасына, «Шымкент қаласының басқару схемасы туралы» 2018 жылғы 22 маусымдағы №31/252-6с Шымкент қаласы мәслихатының шешіміне өзгеріс енгізу туралы» Шымкент қаласының маслихатының 2022 жылғы 30 наурыздағы №14/128-VII шешіміне және Қазақстан Республикасы Үкіметінің 2021 жылғы 1 қыркүйектегі № 590 қаулысымен бекітілген Мемлекеттік орган туралы үлгілік ережеге сәйкес, Шымкент қаласының әкімдігі ҚАУЛЫ ЕТЕДІ:
Тармақ 1
1. «Шымкент қаласының туризм, сыртқы байланыстар және креативті индустрия басқармасы»
коммуналдық
мемлекеттік мекемесі туралы ереже осы қаулының қосымшасына сәйкес бекітілсін.
Тармақ 2
2. «Шымкент қаласының туризм, сыртқы байланыстар және креативті индустрия басқармасы»
коммуналдық
мемлекеттік мекемесі Қазақстан Республикасының заңнамасында белгіленген тәртіпте осы қаулыдан туындайтын барлық шараларды атқарсын.
Тармақ 3
3. Осы қаулының орындалуын бақылау Шымкент қаласы әкімінің орынбасары А.Саттыбаев жүктелсін.
Тармақ 4
4. Осы қаулы оның алғашқы ресми жарияланған күнінен бастап қолданысқа енгізіледі.
Басқа 5
Шымкент қаласы әкімдігінің
2023 жылғы 9 қаңтардағы
№ 22 қаулысына қосымша
«Шымкент қаласының туризм, сыртқы байланыстар және креативті индустрия басқармасы» коммуналдық мемлекеттік мекемесі туралы ереже
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. «Шымкент қаласының туризм, сыртқы байланыстар және креативті индустрия басқармасы» коммуналдық мемлекеттік мекемесі (бұдан әрі – Басқарма) Шымкент қаласының аумағында туризм, сыртқы байланыстар және креативті индустрия саласындағы басшылықты жүзеге асыратын Қазақстан Республикасының мемлекеттік органы болып табылады.
Тармақ 2
2. Басқарманың ведомствалары жоқ.
Тармақ 3
3. Басқарма өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
Тармақ 4
4. Басқарма мемлекеттік мекеме ұйымдық-құқықтық нысанындағы заңды тұлға болып табылады, Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.
Тармақ 5
5. Басқарма азаматтық-құқықтық қатынастарды өз атынан жасайды.
Тармақ 6
6. Басқарма Қазақстан Республикасының заңнамасына сәйкес уәкілеттік берілген жағдайда ол мемлекеттің атынан азаматтық-құқықтық қатынастардың тарапы болуға құқылы.
Тармақ 7
7. Басқарма өз құзыретінің мәселелері бойынша заңнамада белгіленген тәртіппен «Шымкент қаласының туризм, сыртқы байланыстар және креативті индустрия басқармасы» коммуналдық мемлекеттік мекемесі басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
Тармақ 8
8. «Шымкент қаласының туризм, сыртқы байланыстар және креативті индустрия басқармасы» коммуналдық мемлекеттік мекемесінің құрылымы мен штат санының лимиті Қазақстан Республикасының заңнамасына сәйкес бекітіледі.
Тармақ 9
9. Заңды тұлғаның орналасқан жері: Қазақстан Республикасы, Шымкент қаласы, Nursultan Nazarbaev даңғылы, 10, индексі 160023.
Тармақ 10
10. Осы Ереже Басқарманың құрылтай құжаты болып табылады.
Тармақ 11
11. Басқарманың қызметін қаржыландыру Қазақстан Республикасының заңнамасына сәйкес жергілікті бюджеттен жүзеге асырылады.
Тармақ 12
12. Басқармаға кәсіпкерлік субъектілерімен Басқарманың өкілеттіктері болып табылатын міндеттерді орындау тұрғысында шарттық қарым-қатынас жасауға тыйым салынады.
Егер Басқармаға заңнамалық актілермен кіріс әкелетін қызметті жүзеге асыру құқығы берілсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.
Тарау 2. 2-тарау. Мемлекеттік органның мақсаттары мен өкілеттіктері
2-тарау. Мемлекеттік органның мақсаттары мен өкілеттіктері
Тармақ 13
13. Мақсаты: Қазақстан Республикасының заңнамасына сәйкес өз құзыреті шегінде Шымкент қаласында туризм, сыртқы байланыстар және креативті индустрия саласындағы мемлекеттік саясатты іске асыру және үйлестіруді жүзеге асыру.
Тармақ 14
14. Өкілеттіктері:
Тармақша 1
1) құқықтары:
туризм, сыртқы байланыстар және креативті индустрия салаларын дамыту бойынша ұсыныстар енгізеді;
белгіленген тәртіпте республикалық және халықаралық туристік іс-шараларға қатысады;
Басқарма құзыретіне жататын мәселелері бойынша халықаралық ұйымдар және шетелдік заңды тұлғалармен келіссөздер жүргізеді және келісімдер жасайды;
Шымкент қаласының туристік саласын, сыртқы байланыстар және креативті индустрияны дамыту бойынша қала әкімінің шешімдерінің, өкімдерінің, Шымкент қаласы әкімдігінің қаулы жобаларының және іс-шараларының жоспарын дайындауға қатысады.
Тармақша 2
2) Міндеттері:
Басқарманың құзыретiне кiретiн мәселелер бойынша үйлестiру мен бақылауды жүзеге асыру;
туристік қызметтің дамуы үшін қолайлы жағдай жасау және сапалы туристік инфрақұрылымды құруға ықпал ету;
жақын және алыс шет елдермен, республиканың өңірлерімен туризм, сыртқы байланыстар және креативті индустрия салаларында өзара тиімді өңіраралық, интеграциялық қарым-қатынасты дамыту.
Тармақ 15
15. Функциялары:
Тармақша 1
1) Шымкент қаласы аумағында туризм, сыртқы байланыстар және креативті индустрия саласындағы мемлекеттік саясатты іске асыру және үйлестіруді жүзеге асыру;
Тармақша 2
2) туристік қызметтер көрсету нарығына талдау жасау және Шымкент қаласында туризмнің дамуы туралы қажетті мәліметтерді уәкілетті органға табыс ету;
Тармақша 3
3) Шымкент қаласында туристік ресурстарды қорғау жөніндегі шараларды әзірлеу және енгізу;
Тармақша 4
4) Шымкент қаласы аумағында туристік индустрия объектілерін жоспарлау және салу жөніндегі қызметті үйлестіру;
Тармақша 5
5) балалар мен жастар лагерьлерінің, туристер бірлестіктерінің қызметіне жәрдем көрсету;
Тармақша 6
6) туристік қызмет субъектілеріне туристік қызметті ұйымдастыруға байланысты мәселелерде әдістемелік және консультациялық көмек көрсету;
Тармақша 7
7) халықты жұмыспен қамтуды ұлғайту шарасы ретінде туристік қызмет саласындағы кәсіпкерлікті дамыту және қолдау;
Тармақша 8
8) туристік ақпаратты, оның ішінде туристік әлеует, туризм объектілері мен туристік қызметті жүзеге асыратын тұлғалар туралы ақпаратты беру;
Тармақша 9
9) туристік ақпарат орталығын құру;
Тармақша 10
10) туроператорлық қызметті лицензиялауды жүзеге асыру;
Тармақша 11
11) гидті кәсіптік даярлауды ұйымдастыру;
Тармақша 12
12) уәкілетті органмен келісу бойынша туристік саланы дамыту жөніндегі іс-шаралар жоспарын бекіту;
Тармақша 13
13) туристік маршруттар мен соқпақтардың мемлекеттік тізілімін жүргізу;
Тармақша 14
14) Шымкент қаласы аумағында туризм инфрақұрылымын құру, туристің қажеттіліктерін қанағаттандыра алатын объектілерді салу мен дамыту бойынша шаралар қабылдау;
Тармақша 15
15) туризмді дамытуда туристік қызмет субъектілері үшін жағдайлар жасау;
Тармақша 16
16) туризм саласындағы бірлескен қызметті іске асыру шеңберінде тікелей шарт жасасу арқылы туристік ақпараттық орталықтарды қаржыландыру;
Тармақша 17
17) туристік қызмет объектілерін салу, реконструкциялау кезінде кәсіпкерлік субъектілері шығындарының бір бөлігін өтеу;
Тармақша 18
18) уәкілетті органмен келісу бойынша күтіп-ұсталуы кезіндегі шығындардың бір бөлігі өтелетін санитариялық-гигиеналық тораптардың тізбелерін бекіту;
Тармақша 19
19) кәсіпкерлік субъектілерінің жол бойындағы сервис объектілерін салу бойынша шығындарының бір бөлігін өтеу;
Тармақша 20
20) кәсіпкерлік субъектілерінің санитариялық-гигиеналық тораптарды күтіп-ұстауға арналған шығындарының бір бөлігін субсидиялау;
Тармақша 21
21) туристік қызметті жүзеге асыратын кәсіпкерлік субъектілеріне сыйымдылығы жүргiзушiнiң орнын қоспағанда, сегiзден астам отыратын орны бар автомобиль көлік құралдарын сатып алу бойынша шығындардың бір бөлігін өтеу;
Тармақша 22
22) туристік ресурстарды қорғау жөніндегі шараларды әзірлеу және енгізу;
Тармақша 23
23) қаланың туристік тартымдылығын арттыру мақсатында ақпараттық дүңгіршек, инфрақұрылымдық нысандар, инсталляциялар, құрылыстар және тағы басқа орнату;
Тармақша 24
24) мамандандырылған түрлі туристік іс-шараларды (фестивальдар, форумдар, көрмелер, слеттар, дөңгелек үстелдер және тағы басқа) ұйымдастыру;
Тармақша 25
25) туризм, сыртқы байланыстар және креативті индустрия саласындағы бақылауда тұрған жоғары органдардан келген нормативтік-құқықтық актілердің, бұйрықтар мен тапсырмалардың уақтылы орындалуын ұйымдастыру;
Тармақша 26
26) халықаралық және шетелдік ұйымдармен ынтымақтастықты дамытуға бағытталған іс-шараларды жоспарлау және іске асыру;
Тармақша 27
27) халықаралық қатынастарды ары қарай дамыту мақсатында ұсыныстар енгізу;
Тармақша 28
28) дипломатиялық корпустың, ресми шетелдік делегациялардың, шетелдік заңды және жеке тұлғалардың өкілдерінің қала әкімдігінің басшылығымен өтетін іскерлік кездесулер мен іс-шараларды өткізу;
Тармақша 29
29) қала әкімінің қатысуымен өткізілетін шетелдік іссапарларды, жұмыс сапарларын және өзге де халықаралық іс-шаралар жоспарын жасау;
Тармақша 30
30) сыртқы байланыстар мәселелері бойынша форумдар, көрмелер, кеңестер, семинарлар және дөңгелек үстелдерді ұйымдастыру және қатысу;
Тармақша 31
31) шекаралық ынтымақтастықты, жақын және алыс шетелдермен аймақтың аймақаралық және интеграциялық байланыстарын дамыту және нығайту;
Тармақша 32
32) Шымкент қаласына келетін шетелдік өкіл мен делегацияларды қабылдауға, отырыстар, конференциялар, кеңестер, семинарлар, салтанатты және ресми іс-шаралар өткізу бойынша өкілдік шығындарды Қазақстан Республикасы Қаржы министрінің 2018 жылғы 28 қыркүйектегі «Өкілдік шығындарға көзделген қаражатты пайдаланудың үлгілік қағидаларын және өкілдік шығындардың нормаларын бекіту туралы» № 863 бұйрығы негізінде (іс-шараларды өткiзу үшiн үй-жай жалдау, өкілдік санаттағы жеңіл автомобильдерді жалға алу, аудармашылардың қызметi, ресми түскi астар, кешкi астар, фуршеттер, кәдесыйлар, естелiк сыйлықтар сатып алу, әуежай күту залдарының қызметтері, қонақ үймен қамтамсыз ету) өтеу;
Тармақша 33
33) қаланың шығармашылық әлеуетін анықтау үшін шығармашылық сектордағы ағымдағы үрдістерді талдау;
Тармақша 34
34) негізгі экономикалық көрсеткіштердің орындалуын талдау, статистикалық мәліметтерді өңдеу, жиынтық есептерді, анықтамаларды, ақпаратты дайындау және Шымкент қаласының креативті индустрия саласында басқа да талдамалық материалдарды дайындау;
Тармақша 35
35) шығармашылық процестер мен шығармашылық өндірістерді ынталандыру үшін шығармашылық кластерлермен, блогерлермен және мүдделі тараптармен ынтымақтастық орнату;
Тармақша 36
36) шығармашылық кәсіпкерлер үшін консультациялар өткізу;
Тармақша 37
37) шығармашылық қоғамдастықтың шығармашылық әзірлемелері мен әлеуетті жобаларын қолдау;
Тармақша 38
38) креативті индустрия саласындағы консультациялық және тәжірибелік қызметтер көрсету.
Тарау 3. 3-тарау. Мемлекеттік органның басшысының мәртебесі, өкілеттіктері
3-тарау. Мемлекеттік органның басшысының мәртебесі, өкілеттіктері
Тармақ 16
16. Басқарманы басқаруды басшы жүзеге асырады, ол Басқармаға жүктелген міндеттердің орындалуына және оның өз өкілеттіктерін жүзеге асыруына дербес жауапты болады.
Тармақ 17
17. Басқарманың басшысы Қазақстан Республикасының заңнамасына сәйкес лауазымға тағайындалады және лауазымнан босатылады.
Тармақ 18
18. Басқарма басшысының штаттық кестеге сәйкес орынбасары бар.
Тармақ 19
19. Басқарма басшысының өкілеттіктері:
Тармақша 1
1) мемлекеттік мекеменің жұмыс жоспарларын бекітеді;
Тармақша 2
2) мемлекеттік мекеменің атынан әрекет етеді;
Тармақша 3
3) сенімхаттар береді;
Тармақша 4
4) қолданыстағы заңнамаларға сәйкес Басқарма қызметшілерін, сондай-ақ, қарамағындағы ұйымдардың басшыларын және олардың орынбасарларын жұмысқа қабылдайды және жұмыстан босатады;
Тармақша 5
5) қолданыстағы заңнамаларға сәйкес Басқарма қызметшілерінің, Басқарманың қарамағындағы ұйымдардың басшыларының міндеттері мен уәкілеттіктерін анықтайды;
Тармақша 6
6) Басқарма қызметшілеріне, қарамағындағы ұйымдардың басшыларына Қазақстан Республикасының заңнамасында белгіленген тәртіпте сыйақы шараларын белгілейді және тәртіптік жаза қолдана алады;
Тармақша 7
7) өз уәкілеттігі шегінде барлық Басқарма қызметшілеріне және қарамағындағы ұйымдардың басшыларына орындауға міндетті бұйрықтар шығарады, қызметтік құжаттарға қол қояды және нұсқаулар береді;
Тармақша 8
8) мемлекеттік мекеменің ішкі еңбек тәртібін бекітеді;
Тармақша 9
9) Басқарманың қарамағындағы бағынысты мемлекеттік мекемесінің жылдық қаржылық есебін бекітеді;
Тармақша 10
10) мемлекеттік мекемеде Қазақстан Республикасының «Қазақстан Республикасының мемлекеттік қызметі туралы» Заңының сақталуын бақылауды жүзеге асырады;
Тармақша 11
11) азаматтарды жеке қабылдауды жүзеге асырады;
Тармақша 12
12) Қазақстан Республикасының заңнамалық актілерде көзделген өкілеттіктерді жүзеге асырады;
Тармақша 13
13) сыбайлас жемқорлыққа қарсы іс-қимыл заңнамасының орындалуына дербес жауапты болады.
Басқарма басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.
Тармақ 20
20. Басқарма басшысы өз орынбасарының өкілеттіктерін қолданыстағы заңнамаға сәйкес айқындайды.
Тарау 4. 4-тарау. Мемлекеттік органның мүлкі
4-тарау. Мемлекеттік органның мүлкі
Тармақ 21
21. Басқарма заңнамада көзделген жағдайларда жедел басқару құқығында оқшауланған мүлкі болуы мүмкін.
Басқарманың мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
Тармақ 22
22. Басқармаға бекітілген мүлік коммуналдық меншікке жатады.
Тармақ 23
23. Егер заңнамада өзгеше көзделмесе, Басқарма өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
Тарау 5. 5-тарау. Мемлекеттік органды қайта ұйымдастыру және тарату
5-тарау. Мемлекеттік органды қайта ұйымдастыру және тарату
Тармақ 24
24. Басқарманы қайта ұйымдастыру және тарату Қазақстан Республикасының заңнамасына сәйкес жүзеге асырылады.
Басқарманың қарамағындағы ұйымдардың тізбесі:
Тармақша 1
1) Шымкент қаласы туризм, сыртқы байланыстар және креативті индустрия басқармасының «Visit Shymkent» туристік ақпараттық орталығы» коммуналдық мемлекеттік мекемесі;
Тармақша 2
2) «Visit Shymkent» Туризм және креативті индустрияны дамыту жөніндегі орталығы» жауапкершілігі шектеулі серіктестігі.