О Координационном совете по профилактике и борьбе со СПИДом в Астраханском районе Күшін жойған

Астрахан ауданында ЖҚТБ-ның алдын алу және оған қарсы күрес жөніндегі үйлестіру кеңесі туралы Қазақстан Республикасы Үкіметінің «Қазақстан Республикасында ЖҚТБ-ның алдын алу және оған қарсы күрес жөніндегі үйлестіру кеңесін құру туралы» 1995 жылғы 5 тамыздағы № 1084 қаулысына және әділет басқармасында 2003 ж.17.10. 2059 нөмірмен тіркелген Ақмола облысы әкімдігінің «Ақмола облысында ЖҚТБ-ның алдын алу және оған қарсы күрес жөніндегі үйлестіру кеңесін құру туралы» қаулысына сәйкес аудан әкімдігі ҚАУЛЫ ЕТЕДІ:

1. № 1 қосымшада берілген, Астрахан ауданында ЖҚТБ-ның алдын алу және қарсы күрес жөніндегі үйлестіру Кеңесі құрылсын.

2. № 2 қосымша бойынша, Астрахан ауданында ЖҚТБ-ның алдын алу және қарсы күрес жөніндегі үйлестіру Кеңесі туралы Ереже бекітілсін.

3. Астрахан ауданында ЖҚТБ-ның алдын алу және қарсы күрес жөніндегі үйлестіру Кеңесінің жеке құрамы аудандық мәслихаттың кезекті сессиясына бекітуге енгізілсін.

4. Осы қаулы әділет басқармасында тіркелген сәтінен бастап күшіне енеді.

Аудан әкімдігінің 2003 жылғы «01» желтоқсан №296 «Астрахан ауданында ЖҚТБ-ның алдын алу және оған қарсы күрес жөніндегі үйлестіру Кеңесі туралы» қаулысына № 1 қосымша Астрахан ауданында ЖҚТБ-ның алдын алу және оған қарсы күрес жөніндегі үйлестіру Кеңесінің құрамы 1. Собеский Виктор Борисович аудан әкімінің орынбасары, кеңестің төрағасы 2. Тарасов Анатолий Алексеевич ауданның бас мемлекеттік санитарлық дәрігері 3. Скрипникова Валентина Филофьевна аудан әкімі аппаратының ішкі саясат бөлімінің жетекші маманы 4. Есенбаева Ғалияш Әбенқызы дерматолог, ЖҚТБ жөніндегі дәрігер 5. Құсайынова Қарлығаш Әйтімқызы аудан әкімі аппаратының ішкі саясат бөлімінің бастығы 6. Айтмағамбетов Ғинаят Тоқанұлы аудандық ішкі істер бөлімінің бастығы 7. Забудько Людмила Викторовна аудандық білім бөлімінің бастығы 8. Майышева Күлшара Қанапияқызы аудандық мәдениет, туризм және спорт бөлімінің бастығы 9. Жұмақаев Қайыр Қайноллаұлы аудандық еңбек, жұмыспен қамту және халықты әлеуметтік қорғау бөлімінің бастығы 10. Чернега Лидия Петровна аудандық «Маяк» газетінің редакторы 11. Мұсайынов Валерий Шоқышұлы аудандық мәдениет, туризм және спорт бөлімінің

Аудан әкімдігінің 2003 жылғы «01» желтоқсан №296 «Астрахан ауданында ЖҚТБ-ның алдын алу және оған қарсы күрес жөніндегі үйлестіру Кеңесі туралы» қаулысына № 2 қосымша Астрахан ауданында ЖҚТБ-ның алдын алу және оған қарсы күрес жөніндегі үйлестіру Кеңесі туралы ЕРЕЖЕ

1. Жалпы ережелер

1. ЖҚТБ-ның алдын алу және оған қарсы күрес жөніндегі үйлестіру Кеңесі (бұдан былай - Кеңес) аудан аймағында АҚТҚ-инфекциясы таратылуының алдын алу бойынша шаралар өткізуде жергілікті атқару органдары, халықаралық және басқа ұйымдармен өзара іс-әрекетті қамтамасыз ету мақсатымен құрылды.

2. Кеңес құрамына мүдделі атқару органдарының және басқа ұйымдардың өкілдері кіреді.

3. Кеңес өз қызметін ҚР заңнамасына және осы Ережеге сәйкес жүзеге асырады.

2. Кеңестің негізгі міндеттері мен қызметтері.

4. Кеңестің негізгі міндеттері:

1) АҚТҚ/ЖҚТБ таралуының алдын алу бойынша шаралар өткізу мақсатында басқа ұйымдармен өзара іс-әрекетті қамтамасыз ету және жергілікті атқару органдарының жұмысын үйлестіру.

2) АҚТҚ/ЖҚТБ бойынша эпидемиологиялық ахуалды жақсартуға бағытталған шаралар ұйымдастыру бойынша ұсыныстарды ойластыру болып табылады.

5. Кеңестің негізгі қызметі:

1) АҚТҚ/ЖҚТБ мәселелері бойынша жергілікті органдар қызметін үйлестіруді жетілдіру;

2) АҚТҚ/ЖҚТБ мәселелері бойынша басқа ұйымдармен өзара іс-әрекет және ынтымақтастықты қамтамасыз ету;

3) Қазақстан Республикасы Үкіметінің 2001 жылғы 14 қырқүйектегі №1207 қаулысымен бекітілген Қазақстан Республикасында 2001-2005 жылдарға арналған ЖҚТБ эпидемиясына қарсы іс-әрекет бойынша бағдарламаны жүзеге асыруды қамсыздандыру.

4) АҚТҚ/ЖҚТБ алдын алу бойынша жергілікті атқару органдарының тиімді шараларын қамсыздандыру жөніндегі ұсыныстар ойластыру болып табылады.

6. Міндеттері жүзеге асыру және өз қызметін атқару үшін кеңес:

1) кеңес міндеттерін жүзеге асыру үшін қажет ақпаратты жергілікті атқарушы органдардан және басқа ұйымдардан сұратуға және алуға;

2) кеңес құзіретіне кіретін сұрақтар бойынша жергілікті атқару органдарының және басқа ұйымдардың өкілдерін Кеңестің отырысында тыңдауға;

3) кеңес құзіретіне жататын басқа да өкілеттіктерді жүзеге асыруға құқылы.

3. Кеңес қызметін ұйымдастыру.

7. Кеңесті аудан әкімінің орынбасары басқарады, ол оның қызметіне басшылық жасайды, отырыстарда төрағалық етеді, оның жұмысын жоспарлайды және Кеңес шешімдерінің жүзеге асырылуына жалпы бақылау жасайды. Төраға болмаған кезде оның міндетін орынбасары атқарады.

8. Кеңес хатшысы отырыстың күн тәртібі бойынша ұсыныстар, қажетті құжаттар мен материалдар әзірлейді, ол өткеннен кейін хаттамаларды ресімдейді.

9. Кеңес отырысы хаттамалармен ресімделеді.

10. Шешімдер ашық дауыспен қабылданады және ол үшін Кеңес мүшелерінің жалпы санынан көпшілік дауыс берсе қабылданған болып есептеледі. Дауыстар тең болған жағдайда төраға дауыс берген шешім қабылданған болып есептеледі.

11. Кеңес отырыстары жылына 4 реттен кем өткізілмейді.

12. Кеңестің жұмыс органы аудан әкімі аппараты болып табылады.