Об образовании Общественного совета по средствам массовой информации (информационной политике) при акимате Егиндыкольского района Күшін жойған

Егіндікөл ауданы әкімдігі жанындағы бұқаралық ақпарат құралдары (ақпараттық саясат) жөніндегі Қоғамдық кеңес құру туралы Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңға және Ақмола облыс әкімдігінің 2003 жылдың 20 маусымдағы № а-6/167 Қаулысына сәйкес аудан әкімдігі ҚАУЛЫ ЕТЕДІ:

1. Егіндікөл ауданы әкімдігі жанындағы бұқаралық ақпарат құралдары (ақпараттық саясат) жөнінде Қоғамдық кеңес құрылсын.

2. Егіндікөл ауданы әкімдігі жанындағы бұқаралық ақпарат құралдары (ақпараттық саясат) жөніндегі Қоғамдық кеңес туралы Ереже бекітілсін.

3. Бұқаралық ақпарат құралдары жөніндегі қоғамдық Кеңестің дербес құрамы (қоса беріліп отыр) аудандық мәслихат сессиясының бекітуіне енгізілсін.

Егіндікөл ауданы әкімдігінің «Егіндікөл ауданы әкімдігі жанындағы бұқаралық ақпарат құралдары» жөнінде (ақпараттық саясат) Қоғамдық кеңес куру туралы 2003 жылғы 4 желтоқсандағы № а-12/130 қаулысымен бекітілді Егіндікөл ауданы әкімдігі жанындағы бұқаралық ақпарат құралдары жөніндегі (акпараттық саясат) Қоғамдық кеңесі туралы ЕРЕЖЕ

1. Аудан әкімдігі жанындағы бұқаралық ақпарат құралдары жөніндегі (ақпарттық саясат) Кеңес (әрі қарай Кеңес) аудан әкімдігі жанындағы консультативтік-кеңесу органы болып табылады.

2. Кеңестің негізгі міндеттері:

1) мемлекеттік ақпараттық саясатты жүзеге асыруда, бұқаралық ақпарат құралдары саласындағы қоғамдық қатынастарды жетілдіруде аудан әкімдігіне көмек көрсету;

2) бұқаралық ақпарат құралдарының қызметіне кешенді де жүйелі талдау жасау және мемлекеттік ақпараттық саясатты жүзеге асырып, жетілдіру жөнінен аудан әкімдігіне ұсыныстар жасау;

3) бұқаралық ақпарат саласындағы заңнамалардың орындалуын жетілдіру, атқарушы органдар мен БАҚ-ның өзара тиімді әрекеттерін камтамасыз ету жөнінен аудан әкімдігіне ұсыныстар жасау, сондай-ақ аймақ пен елдің ақпараттық қауіпсіздігін қамтамасыз ету үшін аудан әкімдігіне ұсыныстар жасау;

4) мемлекттік немесе басқа да органдармен, ұйымдармен қарым-қатынас барысында БАҚ-ы мен олардың қызметкерлерінің мүдделері мен заңды құқықтарын қорғау;

5) бұқаралық ақпарат құралдарының қызметінде жоғары этикалық және кәсіби қағидаттардың дамуына жәрдемдесу, бұқаралық ақпарат құралдары арасындағы даулы мәселелер мен шиеленісті жағдайларды шешуге атсалысу болып табылады;

3. Кеңес өз қызметінде Қазақстан Республикасының Конституциясы мен заңдарын, Қазақстан Республикасы Президентінің актілерін, басқа да нормативтік құқықтық актілер мен осы Ережені басшылыққа алады;

4. Кеңестің құзыры:

1) аудан әкімдігі мен тікелей Кеңеске жолданған БАҚ қызметіне байланысты және бұқаралық ақпарат құралдары саласындағы заңнамалардың сақталуы тұрғысындағы құжаттарды қарауға жәрдемдеседі және қарайды;

2) бұқаралық ақпарат құралдары мен ақпараттық кеңестің жай-күйі мен дамуы туралы жыл сайынғы және жедел баяндамаларды жасайды;

3) бұқаралық ақпарат құралдары саласындағы заңнамаларды жетілдіру, атқарушы органдар мен БАҚ-ның өзара тиімді әрекет етуін қамтамасыз ету жөнінен сараптау материалдарын дайындап, ұсыныстар жасайды;

4) мемлекет саясаты мен аудан әкімдігінің атқарып отырған жұмыстарын түсіндіру, соның ішінде БАҚ үшін, сараптау-ұсыныстық қорытындылар шығарып, ұсыныстар енгізеді;

5. Кеңестің өз құзыры шеңберінде:

1) өзіне жүктелген міндеттерді орындау барысында мемлекеттік атқарушы органдар мен лауазымды қызметкерлерден ақпарат, құжаттар мен материалдар талап етуге;

2) бұқаралық ақпарат құралдары туралы заңнамалардың сақталу мәселелері бойынша өз мәжілістерінде мемлекеттік атқарушы органдардың лауазымды қызметкерлері мен БАҚ-ның өкілдерін тыңдауға;

3) мемлекеттік атқарушы органдардың, шығармашылық одақтар мен басқа да ұйымдар өткізетін кеңестерге, конференциялар мен семинарларға қатысуға өз өкілдерін жіберуге;

4) БАҚ қызметіне байланысты мемлекеттік атқарушы органдардың шешімдеріне баға беріп, осы мәселе бойынша мемлекеттік атқарушы органдарға ұйымдастыру-әдістемелік, ақпараттық және басқа да көмек көрсетуге;

5) БАҚ қызметінің әртүрлі салалары бойынша жұмыс комиссияларын құрып, олардың жумысына мекемелер мен ұйымдардың өкілдерін тартуға;

6) Кеңестің қызметі туралы республикалық және аймақтық БАҚ-да материалдар жариялауға құқығы бар.

6. Кеңес мәжілістерінде қабылданып, аудан әкімдігіне мәлімет үшін жеткізілетін ұсыныстар мен ұйғарымдар (қорытындылар) Кеңес шешімдері болып табылады.

7. Аудандық мәслихат сессиясында бекітілетін Кеңестің құрамы Кеңес төрағасынан, хатшысынан және мүшелерінен тұрады. Кеңес төрағасы мен мүшелері оның жұмысына қоғамдық негізде қатысады. Кеңес мәжілістерін оның төрағасы қажеттігіне қарай, бірақ жарты жылда бір реттен кем емес уақытта шақырады. Кеңестің барлық мүшелерінің үштен екі бөлігі қатысқанда Кеңес мәжілісі өкілетті деп есептеледі. Кеңес мүшелерінің мәжілістерге қатысқанда өз орнын басқа біреумен алмастыруға құқы жоқ. Кеңес шешімі мәжіліске қатысқан кеңес мүшелерінің басым дауыс беруі арқылы қабылданады.

8. Кеңес төрағасы кеңестің шешімдері мен басқа да құжаттарына қол қояды, мәжілісте қарауға енгізілетін мәселелерді анықтайды, басқа да ұйымдастыру - әкімшілік жұмыстарымен айналысады. Мәжіліске төраға қатыса алмаған жағдайда оның тапсыруы бойынша кеңес мүшелерінің біреуі төрағалық етеді.

9. Кеңестің ұйымдастыру және ақпараттық қызметін аудан әкімінің ішкі саясат бөлімі жүзеге асырады.

Егіндікөл ауданы әкімдігінің «Егіндікөл ауданының әкімдігі жанындағы бұқаралық ақпарат құралдары жөнінде (ақпараттық саясат) Қоғамдық кеңес құру 2003 жылғы 4 желтоқсандағы № а-12/130 қаулысына қосымша Егіндікөл ауданының әкімдігі жанындағы бұқаралық ақпарат құралдары жөніндегі (ақпараттық саясат) Қоғамдық кеңестің құрамы

1. Жұматова Зоя Кендыбайқызы - аудан әкімінің орынбасары, кеңес төрайымы

2. Менешева Бақытгүл Нәсиқызы - аудан әкім аппаратының ішкі саясат бөлімінің меңгерушісі, кеңес хатшысы

3. Гурбанова Светлана Михайловна - «Шұғыла -Целинная нива» газетінің редакторы (келісім бойынша)

4. Колесникова Елена Владимировна - аудан әкімінің құқық сұрақтары бойынша кеңесшісі

5. Әбілов Бегендік Қуандықұлы - аудан әкім аппаратының мәдениет бөлімінің меңгерушісі