О создании комиссии по государственным символам при акиме Южно-Казахстанской области Күшін жойған

Оңтүстiк Қазақстан облысы әкiмiнiң жанындағы мемлекеттiк нышандар жөнiндегi комиссияны құру туралы "Қазақстан Республикасының мемлекеттiк нышандары туралы" Қазақстан Республикасы Президентiнiң 1996 жылғы 24 қаңтардағы № 2797 Конституциялық заң күшi бар Жарлығын және "Облыстардың, Астана және Алматы қалаларының әкiмдерi жанындағы мемлекеттiк нышандар жөнiндегi комиссиялар туралы үлгi ереженi бекiту туралы" Қазақстан Республикасы Үкiметiнiң 2003 жылғы 12 қарашадағы № 1131 қаулысын жүзеге асыру мақсатында Оңтүстiк Қазақстан облысының әкiмияты ҚАУЛЫ ЕТЕДI:

1. Қосымшаға сәйкес Оңтүстiк Қазақстан облысы әкiмiнiң жанынан мемлекеттiк нышандар жөнiндегi комиссия құрылсын.

2. Оңтүстiк Қазақстан облысы әкiмiнiң жанындағы мемлекеттiк нышандар жөнiндегi комиссияның ережесi бекiтiлсiн (қоса тiркеледi).

3. Осы қаулының орындалуын бақылау Оңтүстiк Қазақстан облысы әкiмiнiң орынбасары Ә.Ә.Бектаевқа жүктелсiн.

"Оңтүстiк Қазақстан облысы әкiмiнiң жанындағы мемлекеттiк нышандар жөнiндегi комиссияны құру туралы" Оңтүстiк Қазақстан облысы әкiмиятының 2003 жылғы 19 желтоқсандағы № 671 қаулысына қосымша Оңтүстiк Қазақстан облысы әкiмiнiң жанындағы мемлекеттiк нышандар жөнiндегi комиссия туралы ЕРЕЖЕ

1. Жалпы ережелер

1. Оңтүстiк Қазақстан облысы әкiмiнiң жанындағы мемлекеттiк нышандар жөнiндегi комиссия (бұдан әрi - Комиссия) Оңтүстiк Қазақстан облысы әкiмi жанындағы мемлекеттiк нышандарды зерделеу, насихаттау және қолдану саласындағы мемлекеттiк саясатты iске асыру, Қазақстан Республикасы Президентiнiң Қазақстан "Республикасының мемлекеттiк нышандары туралы" 1996 жылғы 24 қаңтардағы № 2797 Конституциялық заң күшi бар Жарлығына сәйкес мемлекеттiк қалыптастыру және оларды қолдану практикасын қорыту бойынша ұсыныстар әзiрлеу жөнiндегi консультациялық-кеңесшi орган болып табылады.

2. Комиссия өз қызметiн Қазақстан Республикасының заңнамасына және осы Ережеге сәйкес жүзеге асырады.

3. Оңтүстiк Қазақстан облысы әкiмi лауазымы бойынша Комиссия төрағасы болып табылады. Комиссияның дербес құрамы заңнамада белгiленген тәртiппен белгiленедi.

2. Комиссияның негiзгi мiндеттерi

4. Комиссияның негiзгi мiндеттерi:

1) халықтың арасында Қазақстан Республикасының мемлекеттiк нышандарына құрмет қатынастарын қалыптастыру;

2) Қазақстан Республикасының мемлекеттiк нышандарын насихаттау және қолдану мәселелерi, Оңтүстiк Қазақстан облысы аумағында мемлекеттiк стильдi қалыптастыру жөнiнде ұсынымдар мен ұсыныстар әзiрлеу;

3) мемлекеттiк бiрдейлендiру нышандарын қолданудың нормативтiк құқықтық базасын жетiлдiру жөнiнде ұсыныстар әзiрлеу болып табылады.

4) Қазақстан Республикасының мемлекеттiк нышандарын қолданудың нормативтiк құқықтық базасын жетiлдiру жөнiнде ұсыныстар әзiрлеу болып табылады.

3. Комиссияның өкiлеттiлiгi

5. Осы Ережемен анықталған мiндеттердi iске асыру үшiн Комиссия:

1) жергiлiктi бюджеттен қаржыландырылатын атқарушы органдарға мемлекеттiк нышандарды насихаттау және қолдану жөнiндегi мәселелердi шешуде консультациялық көмек көрсетедi;

2) мемлекеттiк бiрдейлендiру нышандары мен геральдикалық белгiлердi жасаудың және енгiзудiң әлемдiк тәжiрибесiн зерделейдi және мемлекеттiк нышандар жөнiндегi республикалық комиссияға Қазақстан Республикасында оларды қолданудың нормативтiк құқықтық базасын жетiлдiру жөнiнде ұсыныстар енгiзедi;

3) Оңтүстiк Қазақстан облысы аумағында ресми iс-шаралар өткiзу кезiнде нышандарды қолданудың рәсiмдiк ережелерiн әзiрлеуге қатысады;

4) мемлекеттiк нышандарды насихаттау және мемлекеттiк стильдi қалыптастыру жөнiндегi жұмысты жетiлдiруге бағытталған зерттеулердi жүргiзуге бастамашылық жасайды;

5) геральдикалық белгiлер жобаларын қарайды және сараптама қорытындыларын дайындауды жүзеге асырады;

6) Комиссия құзыретiне кiретiн мәселелер бойынша азаматтардың жазбаша өтiнiштерiн қарайды;

7) Комиссия өз өкiлеттiктерiн Қазақстан Республикасының заңнамасында белгiленген тәртiппен жүзеге асыру кезiнде жергiлiктi бюджеттен қаржыландырылатын атқарушы органдармен, бұқаралық ақпарат құралдарымен, қоғамдық бiрлестiктермен, басқа да мүдделi ұйымдармен өзара iс-қимыл жасайды.

6. Комиссия:

1) өз құзыретi шеңберiнде жергiлiктi бюджеттен қаржыландырылатын атқарушы органдардан, мүдделi ұйымдар мен лауазымды тұлғалардан жұмысқа қажеттi ақпаратты және өзге де материалдар мен мәлiметтердi сұрауға және алуға;

2) өздерiнiң отырыстарында жергiлiктi бюджеттен қаржыландырылатын атқарушы органдар басшыларын олардың құзыретi шеңберiнде Қазақстан Республикасының заңнамалық актiлерiн орындау жөнiнде жүргiзген жұмыстары туралы тыңдауға;

3) Оңтүстiк Қазақстан облысы аумағында Қазақстан Республикасының мемлекеттiк нышандарын насихаттау және қолдану мәселелерi бойынша жергiлiктi бюджеттен қаржыландырылатын атқарушы органдардың қызметiне уәкiлеттi мемлекеттiк органдардың тексеру жүргiзуiне бастамашылық жасауға;

4) Қазақстан Республикасының заңнамасында көзделген қаражат шегiнде және сол қаражат есебiнен мемлекеттiк нышандарды насихаттау және қолдану мәселелерi жөнiнде кең ауқымды акциялар, семинарлар, дөңгелек үстелдер, мәжiлiстер өткiзуге;

5) мемлекеттiк нышандар жөнiндегi республикалық комиссияға, жергiлiктi бюджеттен қаржыландырылатын атқарушы органдарға, мүдделi ұйымдар мен қоғамдық бiрлестiктерге Комиссия қызметiнiң нәтижесi болып табылатын ұсынымдық сипаттағы талдау, әдiстемелiк және өзге де ақпараттық материалдарды жолдауға;

6) Комиссия құзыретiне жататын сараптамалық талдау зерттеулерiн жүргiзу үшiн сараптама кеңесiн құруға құқылы.

4. Комиссияның жұмысын ұйымдастыру

7. Комиссия төрағадан, төрағаның орынбасарларынан, хатшыдан және Комиссия мүшелерiнен тұрады.

8. Комиссия жұмысы қоғамдық негiзде жүзеге асырылады.

9. Комиссияның төрағасы:

1) Комиссияға жалпы басшылық етудi жүзеге асырады, Комиссия отырыстарында төрағалық етедi;

2) Мемлекеттiк нышандар жөнiндегi республикалық комиссия төрағасын Комиссияның қызметi туралы тұрақты түрде хабардар етедi және оған мемлекеттiк нышандарды насихаттау және қолдану жөнiнде жергiлiктi бюджеттен қаржыландырылатын атқарушы органдардың қызметiн жетiлдiру жөнiнде ұсыныстар енгiзедi;

3) Комиссияның сараптама кеңесiнiң құрамын бекiтедi;

4) Комиссия мүшелерi арасында тапсырмаларды бөледi;

5) жергiлiктi бюджеттен қаржыландырылатын атқарушы органдарға, мүдделi ұйымдарға және лауазымды тұлғаларға Комиссия отырыстарына материалдар, өзiнiң атына келiп түскен ұсыныстар бойынша қорытындылар дайындауды тапсырады;

6) Комиссия отырыстарының хаттамаларына, жұмыс жоспарларына қол қояды;

7) Комиссияның жұмысын жетiлдiру және оның құзыретiне кiретiн өзге де мәселелер бойынша Комиссия мүшелерiнiң ұсыныстарын қарайды;

8) Комиссия отырыстарының күн тәртiбiн анықтайды.

10. Комиссия төрағасының орынбасарлары:

1) Төраға тапсырмаларының және Комиссия ұсынымдарының орындалуын бақылауды қамтамасыз етедi;

2) Комиссияның ағымдағы және перспективалық жұмыс жоспарларын Комиссия төрағасына бекiтуге енгiзедi;

3) Комиссия отырыстарын дайындау үшiн жалпы бақылауды жүзеге асырады;

4) Комиссия төрағасының келiсiмiмен Комиссия хатшысына немесе мүшелерiне Комиссия құзыретiне кiретiн мәселелер бойынша материалдарды, азаматтардың жазбаша өтiнiштерiн қарауға жiбередi;

5) осы Ережеге сәйкес Комиссия төрағасының өзге де тапсырмаларын орындайды.

11. Қазақстан Республикасы Ақпарат министрлiгiнiң Оңтүстiк Қазақстан облыстық ақпарат және қоғамдық келiсiм басқармасының бастығы лауазымы бойынша Комиссияның жұмыс органына басшылықты жүзеге асыратын Комиссия хатшысы болып табылады.

12. Комиссияның мүшелерi:

1) халық арасында мемлекеттiк нышандарға құрмет қатынастарын қалыптастыруға жәрдемдеседi, бұқаралық ақпарат құралдарында Қазақстан Республикасының заңнамасында көзделген шектерде және қаражат есебiнен насихаттауға қатысады;

2) Комиссия отырыстарына қатысады;

3) Комиссия төрағасының және төраға орынбасарларының тапсырмаларын орындайды;

4) Комиссия құзыретiне жататын мәселелер бойынша ұсынымдар, сараптама қорытындыларын дайындауға қатысады;

5) Комиссияның жұмыс органынан Комиссия отырыстарына қажеттi материалдар алады;

6) Комиссияның ағымдағы және перспективалық жұмыстарын жоспарлауға қатысады;

7) жазбаша түрде баяндалатын, хаттамаға қоса берiлетiн ерекше пiкiрге құқығы бар.

13. Оңтүстiк Қазақстан облыстық ақпарат және қоғамдық келiсiм басқармасы Комиссияның жұмыс органы болып табылады. Жұмыс органы:

1) Комиссияның жұмысын жалпы ұйымдастыруды және оның мүшелерiнен қалыптасатын сараптама кеңесiнiң қызметiн үйлестiрудi жүзеге асырады;

2) мемлекеттiк нышандарды қолдану және насихаттау мәселелерi қарауына жататын Оңтүстiк Қазақстан облысы әкiмi аппаратының лауазымды тұлғаларына әдiстемелiк көмек көрсетедi;

3) жергiлiктi бюджеттен қаржыландырылатын атқарушы органдардан ақпарат жинауды, өңдеудi, мемлекеттiк нышандарды қолдану және насихаттау практикасын талдауды, бұл саладағы жұмыстарды жетiлдiру жөнiндегi ұсынымдар жасауды жүзеге асырады;

4) жергiлiктi бюджеттен қаржыландырылатын атқарушы органдарға және өзге мүдделi ұйымдарға Комиссия ұсынымдарын түсiндiредi және жолдайды;

5) бұқаралық ақпарат құралдарымен Оңтүстiк Қазақстан облысы аумағында мемлекеттiк нышандарды насихаттауға және қолдануға бағытталған Комиссия қызметiн жариялау жөнiнде өзара iс-қимылды жүзеге асырады;

6) өз өкiлеттiктерi шегiнде өтiнiш бiлдiрушiлерге олар енгiзген ұсыныстар бойынша қорытынды жолдайды;

7) Комиссия отырыстарына материалдарды, Комиссияның ағымдағы және перспективалық жұмыс жоспарларының жобаларын дайындауды жүзеге асырады;

8) Комиссия мүшелерiнiң Комиссия жұмысын жетiлдiру жөнiндегi ұсыныстарын қорытады;

9) Комиссия құзыретiне кiретiн мәселелер бойынша жергiлiктi бюджеттен қаржыландырылатын атқарушы органдармен, лауазымды тұлғалармен және мүдделi ұйымдармен қызметтiк хат алмасу жүргiзедi;

10) iс жүргiзуге жауап бередi, Комиссия материалдарын сақтауды және оларды мұрағатқа өткiзудi жүзеге асырады.

14. Комиссия отырыстарын қажеттiгiне қарай, жылына кемiнде екi рет Төраға шақырады.

15. Комиссия отырысы, егер оның мүшелерiнiң жартысынан көбi қатысқан болса заңды деп саналады.

16. Комиссияның шешiмдерi ұсынымдық сипатқа ие. Қажет болған жағдайда олар Комиссия Төрағасының - облыс әкiмiнiң өкiмiмен ресiмделедi.

17. Шешiмдер оның отырысына қатысушылар санының кемiнде үштен екiсiнiң даусымен ашық дауыс беру арқылы қабылданады. Дауыстар тең болған кезде, Комиссияның отырысын төрағалық етушi дауыс берген шешiм қабылданды деп саналады.

"Оңтүстiк Қазақстан облысы әкiмiнiң жанындағы мемлекеттiк нышандар жөнiндегi комиссияны құру туралы" Оңтүстiк Қазақстан облысы әкiмиятының 2003 жылғы 19 желтоқсандағы № 671 қаулысына қосымша Оңтүстiк Қазақстан облысы әкiмiнiң жанындағы мемлекеттiк нышандар жөнiндегi комиссияның құрамы Жылқышиев Болат Әбжапарұлы Оңтүстiк Қазақстан облысының әкiмi, комиссия төрағасы; Бектаев Әли Әбдiкәрiмұлы Оңтүстiк Қазақстан облысы әкiмiнiң орынбасары, комиссия төрағасының орынбасары; Сәдiбеков Ұласбек Сәдiбекұлы Оңтүстiк Қазақстан облысы жастар iсi және iшкi саясат жөнiндегi департаментiнiң бастығы, комиссия төрағасының орынбасары; Байғұт Мархабат Оңтүстiк Қазақстан облысы бойынша ақпарат басқармасының бастығы, комиссия хатшысы (келiсiмi бойынша); Жүмжаев Ғалым Құралбекұлы Шымкент қаласының әкiмi; Атжан Қалыбек Жапайұлы Облыстық теле-радиокомпанияның директоры, Оңтүстiк Қазақстан облыстық мәслихатының депутаты (келiсiмi бойынша); Әшiрбаев Бақытжан Құдайбергенұлы Оңтүстiк Қазақстан облысы сәулет және аумақтарда құрылыс салу басқармасының бастығы; Жалмұрзаев Батырбек Қаратайұлы Оңтүстiк Қазақстан облысы әкiмi аппараты әлеуметтiк-мәдени кешен бөлiмiнiң меңгерушiсi. Жүзенов Бегiмше Бексүлтанүлы Оңтүстiк Қазақстан облысы бойынша мемлекеттiк қадағалау басқармасының бастығы (келiсiмi бойынша); Кирюхин Юрий Георгиевич "Южный Казахстан" облыстық қоғамдық-саяси газетiнiң бас редакторы (келiсiмi бойынша); Тасқүлов Иса Омарұлы "Оңтүстiк Қазақстан" облыстық қоғамдық-саяси газетiнiң бас редакторы (келiсiмi бойынша); Сарманов Әбдiмәлiк Әбдiсаттарұлы "Жанубий Қозоғистон" облыстық қоғамдық-саяси газетiнiң бас редакторы (келiсiмi бойынша); Тұрғараев Мұхит екетұлы Оңтүстiк Қазақстан облыстық әдiлет департаментi бастығының орынбасары (келiсiмi бойынша); Бишiмбаев Уәлихан Қозыкеұлы М.Әуезов атындағы Оңтүстiк Қазақстан мемлекеттiк университетiнiң ректоры, Оңтүстiк Қазақстан облыстық мәслихатының депутаты (келiсiмi бойынша); Шалабаев Исмаилбек Ыбырайұлы Оңтүстiк Қазақстан облысы қаржы және коммуналдық меншiк департаментi бастығының орынбасары.