Об учреждении грантов акима области Күшін жойған

Облыс әкімінің гранттарын тағайындау туралы Қазақстан Республикасының 2001 жылғы 23 каңтардағы № 148 «Қазақстан Республикасындағы жергілікті мемлекеттік басқару туралы» Заңының 27 бабын басшылықққа ала отырып, тарихи-мәдени құндылықтарды сақтау, халықтың тарихи, ұлттық және мәдени дәстүрлері мен салттарының дамуына ықпал ету мақсатында облыс әкімияты ҚАУЛЫ ЕТЕДІ:

1. Ұлттық-мәдени бірлестіктердің басшыларына берілетін облыс әкімінің гранттары тағайындалсын.

2. «Ақтөбе облыстық қаржы басқармасы» ММ (Ж. Аманбаев) облыс әкімінің гранттарын (жүлде) тағайындау бойынша іс-шаралардың қаржыландырылуын қамтамасыз етсін.

3. Облыстың ұлттық-мәдени бірлестіктерінің басшыларына берілетін облыс әкімінің гранттарын тағайындау бойынша қоса беріліп отырған Ереже бекітілсін.

4. Осы қаулының орындалуын бақылау облыс әкімінің орынбасары А. Есіркеповке жүктелсін.

Облыс әкімиятының 2003 жылғы 19 желтоқсандағы № 327 қаулысымен БЕКІТІЛДІ Облыс әкімінің улттык-мәдени бірлестіктердің басшыларына берілетін гранттары туралы ЕРЕЖЕ

1. Облыс әкімінің гранттары Қазақстан халықтары Кіші Ассамблеясының мүшелеріне - облыста өткізілетін қоғамдық-саяси және мәдени шараларға белсенді катысатын, ұлтаралық келісімді нығайтуға, қоғамды біріктіруге және мәдениетті дамытуға, ұлттық дәстүрлерді, халықтардың салттарын насихаттауға, тілдерді дамытуға қомақты үлес қосатын ұлттық-мәдени бірлестіктердің басшыларына беріледі.

2. Гранттар жылына бір рет беріледі, олардың саны мен ақшалай мөлшерін Қазақстан халықтары Кіші Ассамблеясы атқарушы хатшылығының жолдаухаты негізінде Қазақстан халықтары Кіші Ассамблеясының Төрағасы - облыс әкімі жеке белгілейді.

3. Талапкерлер үшін мынадай құжаттар тапсырылады: мінездеме-ұсыным; талапкерді ұсынушы бірлестіктің басқарушы органының шешімі; талапкер толтырған кадрларды есепке алу жөніндегі жеке іс-парағы; талапкерді ұсынушы қоғамдық бірлестікке облыстық әділет басқармасы берген мемлекеттік тіркеу туралы куәлігі.

4. Талапкерлерді ұсыну құқығына облыс аумағында соңғы үш жылда тұрақты жұмыс жасайтын ұлттық-мәдени орталықтар ие болады.

5. Гранттардың иегерлеріне белгіленген үлгіде куәліктер тапсырылады.