Об объявлении чрезвычайной ситуации на железнодорожном участке линии "Защита - Зыряновск" Күшін жойған

"Защита-Зырян" желісінің теміржол учаскесінде төтенше жағдай жариялау туралы Қолайсыз гидрометеорологиялық жағдайларға, қорғаныс құрылғыларының апаттық жағдайына және "Защита-Зырян" желісінің ПК 588+60-тан ПК 590+60-қа дейінгі теміржол учаскесінде апаттар мен төтенше жағдайлардың пайда болу қаупіне орай, "Қазақстан Темір Жолы" Ұлттық компаниясы жабық акционерлік қоғамының Защита бөлімшесі филиалының 2004 жылғы 5-қаңтардағы № 02 хатына сәйкес адамдардың өлім қаупін, шаруашылық жүргізуші объектілерге келетін зиянды және материалдық шығындарды азайту мақсатында "Табиғи және техногендік сипаттағы төтенше жағдайлар туралы" Қазақстан Республикасының 1996 жылғы 5-шілдедегі № 19-I Заңының 1, 13, 19 баптарына сәйкес Шығыс Қазақстан облысының әкімияты ҚАУЛЫ ЕТЕДІ:

1. "Защита-Зырян" желісінің ПК 588+60-тан ПК 590+60-қа дейінгі теміржол учаскесінде, сондай-ақ оған шектес аумақта төтенше жағдай жариялансын.

2. "Қазақстан Темір Жолы" Ұлттық компаниясы жабық акционерлік қоғамының басшылығына "Защита-Зырян" желісінің теміржол учаскесінде опырылып құлауға қарсы құрылғыларды салу жөніндегі шұғыл шараларды қабылдау ұсынылсын.

3. Осы қаулының орындалуына бақылау жасау облыс әкімінің бірінші орынбасары Ю.П.Швайченкоға жүктелсін.

4. Осы қаулы мемлекеттік тіркеуден өткен күннен бастап күшіне енеді.