Об объявлении чрезвычайной ситуации природного характера местного масштаба в селе Жетижар Жетижарского сельского округа Бескарагайского района области Абай Күшін жойған

Абай облысының Бесқарағай ауданының Жетіжар ауылдық округінің Жетіжар ауылында жергілікті ауқымдағы табиғи сипаттағы төтенше жағдай жариялау туралы Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 33-бабы 1-тармағының 13) тармақшасына, Қазақстан Республикасының «Азаматтық қорғау туралы» Заңының 48- бабына, 50-бабы 2-тармағының 2) тармақшасына, 3-тармағына, Қазақстан Республикасы Төтенше жағдайлар министрінің міндетін атқарушының 2023 жылғы 10 мамырдағы № 240 «Табиғи және техногендік сипаттағы төтенше жағдайлардың жіктемесін белгілеу туралы» бұйрығына, Бесқарағай ауданының төтенше жағдайлардың алдын алу және жою жөніндегі аудандық комиссияның 2023 жылғы 19 қыркүйектегі №9 кезектен тыс отырысының хаттамасына сәйкес ШЕШЕМІН:

1. Абай облысы Бесқарағай ауданының Жетіжар ауылдық округінің Жетіжар ауылының аумағында жергілікті ауқымдағы табиғи сипаттағы төтенше жағдай жариялансын.

2. Табиғи сипаттағы төтенше жағдайды жоюға бағытталған іс-шараларды жүргізу үшін аудан әкімінің орынбасары А.Т.Тастенбеков төтенше жағдайды жою жөніндегі басшысы болып тағайындалсын.

3. Осы шешімнің орындалуын бақылауды өзіме қалдырамын.

4. Осы шешім оның алғашқы ресми жарияланған күнінен бастап қолданысқа енгізіледі.