О введении временного запрета на вывоз дизельного топлива Қолданыста

Дизель отынын әкетуге уақытша тыйым салуды енгiзу туралы Ел экономикасының мұқтаждары үшiн дизель отынының қажеттi қорын жасау мақсатында және Қазақстан Республикасының 2003 жылғы 5 сәуiрдегі Кеден кодексі 8-бабының 2-тармағына сәйкес Қазақстан Республикасының Үкiметi қаулы етеді:

1. Қазақстан Республикасының аумағынан тұрмыстық пештік отыннан басқа, дизель отынын (ЕурАзЭҚ СЭҚ ТН - 2710 19 410 0 - 2710 19 490 0) 2004 жылғы 1 наурыздан бастап 1 маусымға дейiн әкетуге тыйым салынсын.

2. Қазақстан Республикасының Кедендік бақылау агенттiгi осы қаулының 1-тармағын орындау жөнінде қажеттi шаралар қабылдасын.

3. Қазақстан Республикасының Сыртқы iстер министрлігі белгіленген тәртiппен Еуразиялық экономикалық қоғамдастықтың Интеграциялық комитетiн осы қаулының 1-тармағына сәйкес Қазақстан Республикасының аумағынан дизель отынын әкетуге Қазақстан Республикасының тыйым салуды енгізетіні туралы хабардар етсiн.

4. Осы қаулының орындалуын бақылау Қазақстан Республикасы Премьер-Министрiнiң орынбасары С.М. Мыңбаевқа жүктелсін.

5. Осы қаулы жарияланған күнiнен бастап күшіне енедi.