О создании Совета по связям с религиозными объединениями при акимате Целиноградского района Күшін жойған

Целиноград ауданы әкімдігінің жанындағы діни бірлестіктермен байланыс жөніндегі Кеңес құру туралы Қазақстан Республикасы 23 қаңтардағы 2001 жылғы № 148 «Қазақстан Республикасындағы жергілікті мемлекеттік басқару туралы» Заңына, Қазақстан Республикасы Үкіметінің 6 мамырдағы 2000 жылғы № 683 «Діни бірлестіктермен байланыс жөніндегі Кеңес құру туралы» қаулысымен және Ақмола облысы әкімдігінің 11 тамыздағы 2003 жылғы № а-8/2/2 тіркеуін № 1996 «Ақмола облысы әкімдігінің жанындағы діни бірлестіктермен байланыс жөніндегі Кеңес құру туралы» қаулысына сәйкес, аудан әкімдігі ҚАУЛЫ ЕТЕДІ:

1. Целиноград ауданы әкімдігінің жанындағы діни бірлестіктермен байланы жөніндегі Кеңесі құрылсын.

2. Кеңестің жеке құрамы аудандық мәслихат сессиясының бекітілуіне енгізілсін (1 қосымша).

3. Целиноград ауданы әкімдігінің жанындағы діни бірлестіктермен байланыс жөніндегі Кеңестің Ережесі бекітілсін (2 қосымша ).

4. Целиноград ауданы әкімінің 2000 жылғы 24 қазандағы № 246, әділет басқармасында 2000 жылғы 4 қаңтарындағы № 424 тіркелген «Целиноград ауданының әкімі жанындағы діни бірлестіктермен байланыс жөніндегі Кеңесін құру туралы» шешімнің күші жойылған деп танылсын.

5. Осы қаулы Ақмола облысы Әділет басқармасында мемлекеттік тіркеуден өткеннен кейін күшіне енеді.

1 Қосымша Целиноград ауданы әкімдігінің қаулысына 2003 жылғы 23.01 № 56 Целиноград ауданы әкімдігінің жанындағы діни бірлестіктермен байланыс жөніндегі Кеңес ҚҰРАМЫ Жанбаев Берік Амантайұлы Кеңес төрағасы аудан әкімінің орынбасары Арғымбаев Серік Нығыметұлы Кеңес төрғасының орынбасары, аудандық ішкі істер бөлімі бастығының орынбасары (келісім бойынша) Есмүрзина Айгүл Серғазықызы Кеңес хатшысы, аудан әкімі аппаратының ішкі саясат және әлеуметтік сала бөлімінің бастығы Кеңес мүшелері: Түгелбаев Жанат Салкенұлы аудандық «Призыв-Ұран» газетінің редакторы Можаева Ольга Ивановна аудандық білім беру бөлімінің бастығы Ошағанов Төлеген Қашқынбайұлы Аудандық еңбек және соғыс ардагерлер Кеңесінің төрағасы (келісім бойынша) Сәрденұлы Абзал Целиноград ауданының имамы (келісім бойынша) Бурлаков Федор Иванович Семеновка ауылындағы Новоапостольский шіркеу филиалының басшысы (келісім бойынша) Врублевский Геннадий Вацлович «Христиан-баптистер Евангелисгердің шіркеу» діни бірлестігінің басшысы (келісім бойынша)

2 қосымша Бекітілді Целиноград ауданы әкімдігінің қаулысымен 2003 жылғы 23.01 № 56 Целиноград ауданы әкімдігінің жанындағы діни бірлестіктермен байланыс жөніндегі Кеңесі туралы ЕРЕЖЕ

1. Жалпы ережелер

1. Целиноград ауданы әкімдігінің жанындағы діни бірлестіктермен байланыс жөніндегі Кеңесі (бұдан әрі - Кеңес) аудан әкімдігінің жанындағы консультативтік-кеңестік орган болып табылады.

2. Кеңес өз жұмысында Қазақстан Республикасының Конституциясын, Заңдарын, Қазақстан Республикасы Президенті мен Үкіметінің актілерін және басқа да нормативтік-құқықтық актілер мен осы Ережені басшылыққа алады.

3. Кеңес өз жұмысын ауданның мемлекеттік органдармен, діни және басқа да қоғамдық бірлестіктермен, сонымен қатар республикалық және облыстық ұйымдармен бірлесе отырып жүзеге асырады.

4. Кеңес шешімдері ұсыныстық сипатқа ие болады.

2. Кеңестің мақсаттары, міндеттері және атқарған жұмыстары

5. Кеңестің мақсаты аудандағы мемлекеттік саясат мәселелері бойынша тұрғындарын дінге сену еркіндігін, рухани келісімді нығайтуды және конфессия аралық қатынастарды үйлестіру құқықтарын қамтамасыз ету жөніндегі ұсыныстарды дайындау болып табылады.

6. Кеңестің негізгі міндеттері:

1) Ауданда діннің даму жағдайын қорытындылау, сараптау, және жан-жақты дәйекті түрде зерттеу;

2) Ауданда дінге сену еркіндігі туралы заңдардың сақталуы және діннің даму жағдайы туралы Қазақстан Республикасының мемлекеттік органдарына ақпарат беру;

3) ауданда тіркелген діни бірлестіктер туралы ақпараттық банк деректерін құрастыру;

4) діни бірлестіктер арасындағы өзара келісім мен сыйластықты нығайту және оларға Қазақстан Республикасының заңдарына сәйкес консультативтік көмек көрсетіп отыру.

7. Кеңес өзіне жүктелген міндеттерге белгіленген тәртіпке сәйкес төмендегі жұмыстарды жүзеге асырады:

1) аудан аумағында құрылған діни бірлестіктер мен шет ел миссионерлерінің жұмыстарын зерттеу;

2) ақпараттық-үгіт іс-шараларын жүзеге асыру;

3) азаматтардың дінге сену еркіндігі құқықтарын қамтамасыз ету бойынша аудандағы мемлекеттік саясат мәселелері бойынша консультативтік жұмыстарды жүзеге асыру;

4) Ақмола облысының осындай ұйымдарымен байланыстарды орнату және оларды қолдап отыру;

5) Қазақстан Республикасының заңдары бойынша Кеңеске жүктелген басқа да жұмыстармен айналысады.

3. Кеңес жұмысын ұйымдастыру және жұмыс тәртібі

8. Кеңесті аудан әкімі орынбасарларының бірі басқарады.

9. Кеңес мәжілістері үш айда бір реттен кем өткізілмейді. Кеңестін кезектен тыс мәжілісі оның төрағасы өз еркімен немесе Кеңес мүшелерінін жалпы санының үштен бірінін талабы бойынша шақырылады.

10. Кеңес мәжілісі оған Кеңес мүшелелерінін екіден үш бөлігі қатысқан жағдайда ғана заңды деп саналады. Кеңес шешімі жиналысқа қатысқан Кеңес мүшелерінің көптеген қарапайым дауыстарымен қабылданады. Дауыстар тең болған жағдайда төрағаның дауысы шешуші болып табылады.

11. Мәселелерді қарастырып, мәжілісті дайындау және Кеңес жұмысына сараптама жасау үшін жұмыс тобын құрады, оны Кеңес мүшелерінің бірі басқарады.

12. Кеңес өзіне жүктелген міндеттерді жүзеге асыру үшін заңда белгіленген тәртіп бойынша төмендегі құқықтарға ие болады:

1) Кеңестің міндеттеріне жататын мәселелері бойынша аудандық басқармалар мен ведомствалардың, діни ұйымдарының ақпараттарын сұрауға;

2) заңда белгіленген тәртібі бойынша құжаттар әзірлеуге ғылыми ұйымдарды, тәуелсіз сараптаушылар мен мамандарды қатыстыру;

3) Кеңес құзырына қатысты мәселелері бойынша нормативтік-құқықтық актілер жобаларын әзірлеуге қатысу;

4) Кеңес құзырына қатысты мәселелері бойынша түсініктемелер беру;

5) Қазақстан Республикасы заңдарына сәйкес басқа да міндеттерді жүзеге асыру.

4. Кеңес жұмысын қамтамасыз ету

13. Кеңестің жеке құрамы аудандық мәслихаты сессиясынын шешімімен бекітіледі.

14. Кеңес жұмысын оның төрағасы басқарады. Төраға болмаған жағдайда оның міндеттері төрағаның орынбасарына жүктеледі.

15. Кеңес алдынғы қатарлы ауданның конфессиялардың басшыларынан, дінтанушы - ғалымдардан, мемлекеттік басқару органдарының қызметкерлерінен және қоғамдық өкілдерден құралады. Кеңес мүшелері қоғамдық жұмысты тегін атқарады.

16. Кеңестін ұйымдастыру - аналитикалық жұмыстардың қамтамасыздандыруын Кеңес хатшысы жүзеге асырады.

17. Кеңес хатшысы өзіне жүктелген міндеттерді орындау үшін занда белгіленген тәртібі бойынша:

1) Кеңестің ұйымдастыру, ақпараттық - сараптау, әдістемелік және басқа да жұмыстардың қамтамасыздандырылуын жүзеге асырады;

2) Кеңес қарауына жұмыс тәртібі бойынша, Кеңес мәжілісінде қабылданған және оның төрағасымен бекітілген жұмыстарды ұсынып отырады;

3) Кеңес мәжілісінін күн тәртібін құрастырады;

4) Кеңес мәжілісінің жұмысын дайындайды, кеңес мүшелерінің бірлесіп жұмыс істеуін ұйымдастырады, іс қағаздарын жүргізеді;

5) басқа да міндеттерді жүзеге асырады.

5. Кеңес жұмысын тоқтату тәртібі

18. Кеңес өз жұмысын аудан әкімдігінің қаулысымен тоқтатады.