«Об общественно-экспертной комиссии по развитию малого предпринимательства при акимате Зерендинского района» Күшін жойған

«Зеренді ауданы әкімдігі жанындағы шағын кәсіпкерлікті дамытуға байланысты қоғамдық-сараптау комиссиясы туралы» Қазақстан Республикасының 2001 жылдьщ 23 қаңтардағы № 148-11 «Қазақстан Республикасындағы жергілікті мемлекеттік басқару туралы» Заңының 31, 37-баптарына, Қазақстан Республикасының 1997 жылдың 19 маусымдағы № 131-1 «Шағын кәсіпкерлікті мемлекеттік қолдау туралы» Заңына, Ақмола облыстық әкімдігінің 2002 жылдың 08 сәуірдегі № а-4/44 «Ақмола облысы әкімі жанындағы шағын кәсіпкерлікті дамытуға байланысты қоғамдық-сараптау комиссиясы туралы» қаулысына сәйкес, шағын кәсіпкерлікті дамытып, қолдау мақсатында аудан әкімдігі қаулы етеді:

1. Аудан әкімдігі жанынан шағын кәсіпкерлікті дамыту жөніндегі қоғамдық-сараптау комиссия құрамы 1 қосымшаға сәйкес құрылсын.

2. Зеренді ауданы әкімдігі жанындағы шағын кәсіпкерлікті дамыту жөніндегі қоғамдық-сараптау комиссия ережесі (2-қосымша) бекітілсін.

3. Зеренді ауданы әкімдігі жанындағы шағын кәсіпкерлікті дамытуға байланысты қоғамдық-сараптау комиссиясының құрамы аудандық мәслихатқа бекітуге ұсынылсын.

4. Осы қаулы Әділет басқармасында мемлекеттік тіркеуден өткен соң заңды күшіне енеді.

5. Осы қаулының орындалуын бақылау аудан әкімінің орынбасары Е.Нұғымановқа жүктелсін.

Зеренді ауданы әкімдігінің 2004 жылдың «18» ақпан № 34 «Зеренді аудандық әкімдігі жанындағы шағын кәсіпкерлікті дамытуға байланысты қоғамдық-сараптау комиссиясы туралы қаулысына 1-қосымша Зеренді ауданы әкімі жанындағы шағын кәсіпкерлікті дамытуға байланысты қоғамдық-сараптау комиссиясының құрамы

1. Ермек Бекенұлы Нұғыманов - аудан әкімінің орынбасары, комиссия төрағасы;

2. Татьяна Александровна Коробченко - экономика және шағын кәсіпкерлікті дамыту бөлімінің бастығы, хатшы;

3. Райхан Қасымқызы Ғабдуллина - экономика бөлімінің шағын кәсіпкерлік бойынша бас маманы;

4. Кентай Қүшайырүлы Хасенов - аудандық мәслихаттың хатшысы, депутат (келісім бойынша);

5. Берікжан Нұртайұлы Әбутәліпов - аудандық қаржы бөлімінің меңгерушісі;

6. Майдан Наскенұлы Әлібеков - ауыл шаруашылығы бөлімінің бастығы;

7. Орынбасар Сыздыққызы Омарова - «Микрокредит» МЕҰ бөлімшесінің директоры (келісім бойынша)

8. Елубай Темірғалиұлы Темірғалиев – «Қадір» ЖШС директоры (келісім бойынша)

9. Елена Савельевна Вайцель - жеке кәсіпкер (келісім бойынша)

2-қосымша Зеренді ауданы әкімдігінің 2004 жылдың «18» ақпан № 34 «Зеренді аудандық әкімдігі жанындағы шағын кәсіпкерлікті дамытуға байланысты қоғамдық-сараптау комиссиясы туралы» қаулысымен бекітілді Зеренді аудандық әкімдігі жанындағы шағын кәсіпкерлікті дамытуға байланысты қоғамдық-сараптау комиссиясы туралы ЕРЕЖЕ

1. Жалпы ереже

1. Зеренді ауданы әкімдігі жанындағы шағын кәсіпкерлікті дамытуға байланысты комиссия (әрі қарай - Комиссия) - Зеренді ауданы әкімдігі жанындағы консультативтік - кеңесу ұйымы болып табылады.

2. Комиссия өзінің жұмысы барысында Қазақстан Республикасының Конституциясын, Қазақстан Республикасының заңнамаларын, сондай-ақ осы Ережені басшылыққа алады.

2. Комиссияның мақсаты

3. Қазақстан Республикасының 1997 жылғы 19 маусымдағы № 131-1 «Шағын кәсіпкерлікті мемлекеттік қолдау туралы» Заңының 7-1 бабында көрсетілген шаралардың орындалуына ықпал ету.

4. Меншіктер мен активтерді заңдастыру жөнінде ұсыныстар енгізу;

5. ауылдағы шағын және орта бизнесті дамыту жөнінде ұсыныстар әзірлеу;

6. кәсіпкерлердің қоғамдық ұйымдарының сындарлы бастамаларын қолдау, әрбір кәсіпкердің экономикалық дамыған мемлекет құрудағы және республика азаматтарының әл-ауқатын арттырудағы белсенді өміршең ұстанымын насихаттау;

7. Жергілікті атқарушы органдарының кәсіпкерлік қызмет жөніндегі қаулылары мен өзге де нормативтік құқықтық кесімдерінің жобаларын бастамашылықпен даярлау және қоғамдық сараптау;

8. Шағын және орта бизнесті қолдау жөнінде мақсатты бағдарламалар мен жобаларды әзірлеуге, үйлестіруге және іске асыруға жәрдемдесу.

3. Комиссияны қалыптастырудың тәртібі

9. Комиссияны Зеренді ауданы әкімінің орынбасары басқарады.

10. Зеренді ауданы әкімі аппараты жанындағы экономика және шағын кәсіпкерлікті дамыту бөлімінің бастығы Комиссияның хатшысы болады.

11. Комиссияның арнайы құрамы Комиссия хатшысының ұсынысы бойынша Зеренді аудандық мәслихатының сессиясында бекітіледі.

12. Комиссияның жұмысшы органының міндеттері Зеренді ауданы әкімі аппараты жанындағы экономика және шағын кәсіпкерлікті дамыту бөліміне жүктеледі.

13. Комиссия шешімі қаралайым көпшілік ашық дауыс беру арқылы Комиссия мүшелерінің жалпы санының көпшілігі дауыс берген жағдайда қабылданады. Тең дауыс беру жағдайы бола қалғанда төраға дауыс беруен шешім қабылданды деп есептеледі.

14. Комиссия шешіміне Комиссияның төрағасы және хатшысы қол қояды.

15. Комиссия мүшелерінің ерекше пікірлерін айтуға құқы бар, егер оны білдіре қалған жағдайда жазбаша түрде ұсынылып, Комиссия мәжілісінің хаттамасына қосылады.

16. Комиссия хатшысы: комиссия мәжілісінің күн тәртібіне байланысты ұсыныстар дайындайды; комиссия шешімдерінің орындалуын қамтамасыз етіп бақылайды. комиссия мүшелерінің жұмысын және оның жұмысына қатысты мамандардың жұмыстарын үлестіреді;

4. Комиссия жұмысының негізгі бағыттары

17. Комиссия өзінің алдына қойған мақсаттарына сәйкес:

1) салалық, кәсіби, аумақтық одақтармен, шағын бизнес бірлестіктері мен ассоциацияларымен, басқа да кәсіпкерлік жүйелерімен бірлесе жұмыстар атқарады;

2) өкілетті мемлекеттік органмен, сондай-ақ шағын бизнес саласында мемлекеттік саясатты жетілдіріп, келісілген шешімдерді қабылдайтын шағын кәсіпкерлікті қолдайтын басқа да мемлекеттік органдармен бірлесе жұмыстар атқарады;

3) Департаменттермен, комитеттермен, басқармалармен және басқа да атқарушы органдардың аймақтық органдарымен бірлесе жұмыстар атқарады, оларға осы мақсатта комиссияның бірлескен отырыстарын ұйымдастырып, қатысты органдар мен ұйымдардың тиісті өкілдерін қатыстырып отырады;

4) заңнамаларда белгіленген тәртіпте шағын кәсіпкерлік өкілдерін Зеренді ауданы әкімінің шешімдерінің жобаларын дайындауға және шағын кәсіпорындарға, одақтарға, бірлестіктерге, шағын бизнес саласындағы кәсіпкерлік ассоциацияларға ұйымдастыру, қаржылық, материалдық-техникалық көмек көрсетуге байланысты шараларды дайындауға тартады;

5) заңнамаларда белгіленген тәртіпте шағын кәсіпкерлік мүдделеріне қатысты бастамашылық дайындықтар және нормативтік-құқыктық актілерінің жобаларына сараптамалар жүргізеді;

6) шағын кәсіпкерлікті дамытуға және колдауға байланысты республикалық, аумақтық және салалық бағдарламаларды дайындап, үйлестіріп таратуды қамтамасыз етуге қатысады;

7) аймақтың актуальді әлеуметтік-экономикалық мәселелерін шешуге бағытталған бағдарламаларды дайындауға, олардың таратылуына шағын кәсіпкерлік субьектілерін және олардың бірлестіктерін, одақтары мен ассоциацияларын қатыстырады.

8) шағын кәсіпкерлік саласындағы жобалар мен бағдарламаларға сараптаулар жүргізіп және оларды қаржыландыруға, таратуға ұсынады.

5. Комиссия қызметін ұйымдастыру

18. Комиссия өз қызметін жүргізу үшін: - заңнамаларда белгіленген тәртіп бойынша комиссия өз жұмысы үшін сарапшыларды, кеңесшілерді, ғалымдар қатарынан, беделді өкілдерді, басқару органдарының өкілдерін және басқа да мамандарды қатыстырады; - уақытша және үнемі жұмыс істейтін сараптау және жұмысшы тобын ұйымдастырады; - заңнамаларда белгіленген тәртіпте атқарушы үкімет органдарынан қажетті ақпараттық, аналитикалық, анықтамалық-статистикалық материалдарды, сондай-ақ ведомстволық нормативтік-құқықтық актілерді алады;

19. Өзінің жұмысын реттейтін ішкі құжаттарын комиссия өзі қабылдай алады;

20. Комиссияның қызметін қамтамасыз ететін жұмыс тобы Комиссия шешімін орындап, Комиссия төрағасының нұсқаулары мен өкімдерінің негізінде өздерінің іс-әрекеттерін жүргізеді.

21. Комиссия мәжілісі қажеттікке қарай, ең кем дегенде әр тоқсан сайын Комиссия төрағасының шақыртуымен шақырылады.