О некоторых вопросах кредитования малого предпринимательства Күшін жойған

Шағын кәсіпкерлікке кредит берудің кейбір мәселелері туралы «Бюджет жүйесі туралы» Қазақстан Республикасының 1999 жылғы 1 маусымдағы Заңына, «Мемлекеттік бюджет есебінен ұсталатын мемлекеттік мекемелер үшін бюджеттің атқарылуы және есептілік нысандарын жүргізу (мерзімдік және жылдық) жөніндегі қаржылық рәсімдердің Ережесін бекіту туралы» Қазақстан Республикасы Үкіметінің 2002 жылғы 25 шілдедегі № 832 қаулысына, «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 27 бабына сәйкес облыс әкімияты ҚАУЛЫ ЕТЕДІ:

1. «Ақтөбе облысы бойынша кәсіпкерлікті қолдау басқармасы» ММ «Жергілікті деңгейде шағын кәсіпкерлікті дамыту үшін кредит беру» бағдарламасының әкімші мекемесі болып анықталсын.

2. «Облыстық қаржы басқармасы» ММ (Ж. Е. Аманбаев) көрсетілген мақсат үшін «Ақтөбе облысы бойынша кәсіпкерлікті қолдау басқармасы» ММ (Р. А. Юсупова) 15000,0 мың. теңге бөлсін.

3. Қоса беріліп отырған жергілікті деңгейде шағын кәсіпкерлікті дамыту үшін кредит беру жөніндегі Ереже бекітілсін.

4. Осы қаулының орындалуын бақылау облыс Әкімінің бірінші орынбасары О. Г. Химчукке жүктелсін.

Облыс әкімиятының 2004 жылғы 24 наурыздағы № 73 қаулысымен БЕКІТІЛДІ Жергілікті деңгей шағын кәсіпкерлікті дамыту үшін кредит беру жөніндегі ЕРЕЖЕ

1. Осы Ережелер «Мемлекеттік бюджет есебінен ұсталатын мемлекеттік мекемелер үшін бюджеттің атқарылуы және есептілік нысандарын жүргізу (мерзімдік және жылдық) жөніндегі қаржылық рәсімдердің Ережесін бекіту туралы» Қазақстан Республикасы Үкіметінің 2002 жылғы 25 шілдедегі № 832 қаулысына, «2004 жылға арналған облыстық бюджет туралы» облыстық маслихаттың 2003 жылғы 22 желтоқсандағы сессиясының № 27 шешіміне және «Ақтөбе облысы бойынша кәсіпкерлікті дамыту мен қолдаудың 2003-2005 жылдарға арналған аймақтық бағдарламасы туралы» облыстық мәслихаттың 2003 жылғы 27 наурыздағы 17 сессиясының 9 шешіміне сәйкес бөлінетін барлығы 15000,0 мың теңге кредитті берудің, пайданалудың және қайтарудың тәртібі мен шарттарын анықтайды.

2. Бағдарлама әкімшісі «Ақтөбе облысы бойынша кәсіпкерлікті қолдау» басқармасы ММ облыс әкімияты атынан - Кредитор. Кредитордың тапсырмасы бойынша бағдарлама әкімшісіне шарттар (келісімдер) жасау құқы берілген.

3. Банкалық операциялардың кейбір түрлерін жүзеге асыруға Қазақстан Республикасының Ұлттық банктің лицензиясы бар «Микрокредит» үкіметтік емес ұйымның (бұдан әрі - ҮЕҰ) Ақтөбе филиалы - Қарыз алушы.

4. 15000,0 мың теңге сомасындағы кредит «Микрокредит» үкіметтік емес ұйымның Ақтөбе филиалына:

1) өз бетінше жұмыспен айналысуды қамтамасыз етуге және кедейлікті азайту;

2) жаңа жұмыс орындарын ашу;

3) жұмыссыз жүрген еңбекке жарамды халықтың арасында жеке және отбасылық кәсіпкерлікті дамыту;

4) ауылдық жерлердегі әлеуметтік-тұрмыстық мақсаттағы инфрақұрылымды құру үшін бөлінеді. Ақырғы қарыз алушы үшін сыйақының тіркелген ставкасы бойынша 7,47 пайыз және бюджет үшін 4,98 ставка бойынша қайтару мерзімі 2005 жылғы 1 сәуірге дейін. Қарыздың негізгі сомасын өтеу және сыйақы төлеу, кредитті қамтамасыз ету (кепіл түрі) жөніндегі жеңілдігі бар мерзім «Микрокредит» үкіметтік емес ұйымы Ақтөбе филиалының қамқоршылық кеңесімен бекітілген «Аз қамтылған азаматтарға микрокредит беру жөніндегі Ережеге сәйкес әрекет етеді (1998 жылдың 19 маусымнан № 2 хаттама).

5. «Облыстық қаржы басқармасы» ММ кредит қаржысын бағдарлама әкімшісінің есеп-шотына аударады.

6. Бағдарламаның әкімшісі «Микрокредит» ҮЕҰ Ақтөбе филиалымен кредиттік шарт жасайды, содан кейін бағдарлама әкімшісі кредит қаржысын аударады.

7. «Микрокредит» ҮЕҰ жобаларды іріктейді және берілген кредиттің уақытында толық қайтарылуына жауап береді.

8. Кредит алуға арналған кәсіпкерлер тізімін «Микрокредит» үкіметтік емес ұйымының Ақтөбе филиалы жасайды және бағдарламаның әкімшімен және аудандағы әкімдермен келіседі.

9. Бағдарламаның әкімшісімен келіскеннен кейін «Микрокредит» үкіметтік емес ұйымының Ақтөбе филиалы кәсіпкерлерге кредит беруді жүзеге асырады.

10. «Микрокредит» ҮЕҰ, бағдарлама әкімшісі және «Облыстық қаржы басқармасы» ММ алынған кредиттердің мақсаты пайдаланылуын және уақытында қайтарылуын бақылауды қамтамасыз етеді.