Об утверждении положения о государственном учреждении «Управление общественного развития Восточно-Казахстанской области» Күшін жойған
Басқа 0
«Шығыс Қазақстан облысының
қоғамдық даму басқармасы»
мемлекеттік мекемесінің
ережесін бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабы 2-тармағына, «Мемлекеттік мүлік туралы» Қазақстан Республикасы Заңының 17-бабы 7) тармақшасына, 164-бабына, Қазақстан Республикасы Әкімшілік рәсімдік-процестік кодексінің 40-бабы 2-тармағына сәйкес Шығыс Қазақстан облысының әкімдігі ҚАУЛЫ ЕТЕДІ:
Тармақ 1
1. Осы қаулыға қосымшаға сәйкес «Шығыс Қазақстан облысының қоғамдық даму басқармасы» мемлекеттік мекемесінің ережесі бекітілсін.
Тармақ 2
2. Қоғамдық даму басқармасы:
Тармақша 1
1) осы қаулыға қол қойылған күннен бастап күнтізбелік бес жұмыс күні ішінде оның қазақ және орыс тілдеріндегі электрондық түрдегі көшірмелерін Қазақстан Республикасы нормативтік құқықтық актілерінің эталондық бақылау банкінде жариялау үшін «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;
Тармақша 2
2) осы қаулыдан туындайтын өзге де шараларды қабылдауды қамтамасыз етсін.
Тармақ 3
3. Осы қаулының орындалуын бақылау қоғамдық даму мәселелеріне жетекшілік ететін облыс әкімі аппаратының басшысына жүктелсін.
«КЕЛІСІЛДІ»
Шығыс Қазақстан облысы
экономика және бюджеттік жоспарлау
басқармасы басшысының міндетін атқарушы
____________ Д. Джуманова
2024 жылғы «___» ___________
«КЕЛІСІЛДІ»
Шығыс Қазақстан облысы
қаржы басқармасының басшысы
__________ С. Большакова
2024 жылғы «___» ___________
Басқа 6. «Шығыс Қазақстан облысының қоғамдық даму басқармасы»
мемлекеттік мекемесінің ережесі
Шығыс Қазақстан облысы әкімдігінің
2024 жылғы «18» қаңтар
№ 17 қаулысымен
бекітілген
«Шығыс Қазақстан облысының қоғамдық даму басқармасы»
мемлекеттік мекемесінің ережесі
Тарау 1. 1 тарау. Жалпы ережелер
1 тарау. Жалпы ережелер
Тармақ 1
1. «Шығыс Қазақстан облысының қоғамдық даму басқармасы» мемлекеттік мекемесі (бұдан әрі – Басқарма) Шығыс Қазақстан облысы аумағында ақпарат, ішкі саясат және қоғамдық даму мемлекеттік жастар саясаты саласында басшылықты жүзеге асыратын Қазақстан Республикасының мемлекеттік органы болып табылады.
Тармақ 2
2. Басқарма өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
Тармақ 3
3. Басқарма мемлекеттік мекеменің ұйымдастырушылық-құқықтық нысанындағы заңды тұлғасы болып табылады, символдары мен ерекшелік белгілері (олар болған жағдайда), Қазақстан Республикасының Мемлекеттік Елтаңбасы бейнеленген мөрі мен қазақ тілінде және орыс тілінде өз атауы бар мөртаңбалары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.
Тармақ 4
4. Басқарма азаматтық-құқықтық қатынастарға өз атынан түседі.
Тармақ 5
5. Басқарма егер заңнамаға сәйкес осыған уәкілеттілік берілген болса, мемлекеттің атынан азаматтық-құқықтық қатынастардың тарапы болуға құқығы бар.
Тармақ 6
6. Басқарма өз құзыретінің мәселелері бойынша заңнамада белгіленген тәртіппен Басқарманың бірінші басшысының бұйрықтарымен ресімделетін және Қазақстан Республикасының заңнамаларымен көзделген өзге де актілермен шешімдер қабылдайды.
Тармақ 7
7. Басқарманың құрылымы мен штат санының лимиті Қазақстан Республикасының заңнамасына сәйкес бекітіледі.
Тармақ 8
8. Заңды тұлғаның орналасқан жері: индексі 070019, Қазақстан Республикасы, Шығыс Қазақстан облысы, Өскемен қаласы, М. Горький көшесі, 40.
Тармақ 9
9. Осы Ереже Басқарманың құрылтайшылық құжаты болып табылады.
Тармақ 10
10. Басқарманың қызметін қаржыландыру Қазақстан Республикасының заңнамасына сәйкес республикалық және жергілікті бюджеттерден жүзеге асырылады.
Тармақ 11
11. Басқармаға кәсіпкерлік субъектілерімен Басқарманың өкілеттіктері болып табылатын міндеттерді орындау тұрғысынан шарттық қатынастарға түсуге тыйым салынады, егер Басқармаға заңнамалық актілермен кірістер әкелетін қызметті жүзеге асыру құқығы берілсе, онда алынған кірістер, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.
Тарау 2. 2 тарау. Мемлекеттік органның міндеттері мен өкілеттіктері
2 тарау. Мемлекеттік органның міндеттері мен өкілеттіктері
Тармақ 12
12. Міндеттері:
Тармақша 1
1) бұқаралық ақпарат құралдары мен телерадио хабар тарату саласындағы мемлекеттік саясатты іске асыруға қатысу;
Тармақша 2
2) мемлекет пен азаматтық қоғамның өзара іс-қимылы, ішкі саяси тұрақтылық, мемлекеттік әлеуметтік тапсырыс, волонтерлік қызмет, қоғамдық кеңестердің қызметі, этносаралық қарым-қатынас салаларындағы мемлекеттік саясатты қалыптастыруға және іске асыруға қатысу;
Тармақша 3
3) мемлекеттік жастар саясатын қалыптастыруға және іске асыруға қатысу;
Тармақша 4
4) қызметкерлерді жұмысқа қабылдау және қызметі бойынша жоғарлату кезінде гендерлік теңгерімді сақтау;
Тармақша 5
5) Басқарма құзыреттілігіне жататын қызмет салаларындағы салааралық үйлестіруді жүзеге асыру;
Тармақша 6
6) облыстағы қоғамдық-саяси ахуалға мониторинг жүргізу;
Тармақша 7
7) Басқармаға жүктелген өзге де міндеттер.
Тармақ 13
13. Өкілеттіктері:
Тармақша 1
1) құқықтары:
заңнамамен белгіленген тәртіпте мемлекеттік органдардан, ұйымдардан, олардың лауазымды тұлғаларынан қажетті ақпараттар мен материалдар сұрау және алу;
Басқарманың ведомстволық ұйымдарын құру, қайта ұйымдастыру және тарату бойынша ұсыныстар енгізу;
аумақтық кәсіподақтар бірлестіктерін, салалық және жергілікті кәсіподақтарды тарату туралы талаптармен сот органдарына жүгіну;
Қазақстан Республикасының заңнамасына сәйкес өз функцияларын орындау үшін өзге де құқықтарды жүзеге асыру.
консультациялар алу, арнайы білім мен дағдыларды талап ететін мәселелерді зерттеу үшін консультанттарды (тәуелсіз сарапшыларды) тарту;
Басқарманың құзыретіне кіретін мәселелер бойынша құқық қорғау және өзге де мемлекеттік органдармен өзара іс-қимыл жасау;
Басқарманың құзыретіне кіретін мәселелер бойынша кеңестер, семинарлар, конференциялар, дөңгелек үстелдер және өзге де іс-шаралар өткізу;
Басқарма қызметінің бағыттары бойынша консультативтік-кеңесші органдарды (жұмыс топтары, комиссиялар, кеңестер) құру жөнінде ұсыныстар енгізу;
Тармақша 2
2) міндеттері:
Қазақстан Республикасы заңнамасының талаптарына сәйкес өз қызметін жүзеге асыру.
Тармақ 14
14. Функциялары:
Тармақша 1
1) ақпарат, мемлекет пен азаматтық қоғамның өзара іс-қимылы, мемлекеттік жастар саясаты, қоғамдық сананы жаңғырту, волонтерлік қызмет, ішкі саяси тұрақтылық пен этносаралық келісімді қамтамасыз ету, отбасылық және гендерлік саясат салаларындағы мемлекеттік саясатты қалыптастыру,
Тармақша 2
2) өңірлік бұқаралық ақпарат құралдары арқылы мемлекеттік ақпараттық саясатты іске асыру;
Тармақша 3
3) халық өмірінің өзекті мәселелері бойынша, әсіресе проблемалық салаларда әлеуметтік зерттеулер жүргізуді үйлестіру;
Тармақша 4
4) шешуді қажет ететін проблемалық жағдайлар туралы облыс басшылығын хабардар ету;
Тармақша 5
5) Әлеуметтік тәуекелдер картасын қалыптастыру және өзектендіру;
Тармақша 6
6) Саяси құғын-сүргін құрбандарын толық реабилитациялау жөніндегі өңірлік комиссияның жұмыс тобының қызметін ұйымдастыру;
Тармақша 7
7) Қазақстан Республикасының заңнамасында белгіленген тәртіппен өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты қалыптастыру, орналастыру және оның жүзеге асырылуын бақылау;
Тармақша 8
8) облыстық деңгейде мемлекеттік ақпараттық саясатты жүргізу бойынша белгіленген тәртіппен мемлекеттік тапсырысты қалыптастыру, орналастыру және жүзеге асырылуын бақылау;
Тармақша 9
9) өңірлік деңгейде бұқаралық ақпарат құралдарында мемлекеттік ақпараттық саясатты жүргізу үшін сатып алынатын қызметтер құнын анықтау әдістемесін дайындау;
Тармақша 10
10) жастар ресурстық орталықтарын құру, олардың қызметін қамтамасыз ету және үйлестіру;
Тармақша 11
11) мемлекеттік жастар саясатын іске асыру;
Тармақша 12
12) мемлекеттік жастар саясатын іске асыру жөніндегі қызметті әдістемелік қамтамасыз етуді жүзеге асыру;
Тармақша 13
13) мемлекеттік жастар саясаты мәселелері бойынша түсіндіру жұмыстарын жүзеге асыру;
Тармақша 14
14) мемлекеттік жастар саясатын іске асырудағы үрдістерді талдауды және болжауды жүзеге асыру;
Тармақша 15
15) мемлекеттік жастар саясаты мәселелері бойынша жастар ұйымдарымен өзара іс-қимыл және ынтымақтастықты жүзеге асыру;
Тармақша 16
16) мемлекеттік жастар саясаты мәселелері бойынша мемлекеттік әлеуметтік тапсырысты қалыптастыру және іске асыру;
Тармақша 17
17) жастардың волонтерлік қызметін және жастардың өзін өзі басқаруын дамытуға қолдау көрсету;
Тармақша 18
18) өңірлік жастар форумын өткізуді қамтамасыз ету;
Тармақша 19
19) жастар еңбек жасақтарын құру, ұйымдастыру, қамтамасыз ету, сондай-ақ олардың қызметіне мониторинг жүргізу;
Тармақша 20
20) жастарды дамыту индексін іске асыру жөніндегі іс-шараларды өткізуді қамтамасыз ету;
Тармақша 21
21) қазақстандық патриотизмді, конфессияаралық келісім мен этносаралық толеранттықты нығайту бойынша шаралар қабылдау;
Тармақша 22
22) өзекті проблемаларды анықтау және шешу үшін жастардың қажеттіліктеріне мониторинг және бағалау жүргізуді қамтамасыз ету, мемлекеттік жастар саясатын іске асырудың тиімділігін арттыру;
Тармақша 23
23) волонтерлік қызмет саласында жеке, заңды тұлғалармен және мемлекеттік органдармен өзара іс-қимыл;
Тармақша 24
24) мемлекет пен азаматтық қоғамның өзара іс-қимылы, үкіметтік емес ұйымдар үшін мемлекеттік әлеуметтік тапсырыс саласындағы мемлекеттік саясаттың негізгі бағыттарын іске асыру;
Тармақша 25
25) үкіметтік емес ұйымдармен өзара іс-қимыл және ынтымақтастық жөніндегі кеңестің қызметін ұйымдастыру;
Тармақша 26
26) оператор арқылы өз құзыреті шегінде мемлекеттік гранттар беру және мемлекеттік гранттарды іске асыру нәтижелері туралы оператордың есебін қарау;
Тармақша 27
27) мемлекеттік гранттарды қалыптастыру, ұсыну, олардың тиімділігіне мониторинг жүргізу және бағалау қағидаларына сәйкес азаматтық қоғам өкілдерін тарта отырып, мемлекеттік гранттардың тиімділігін бағалауды жүзеге асыру;
Тармақша 28
28) үкіметтік емес ұйымдармен өзара іс-қимыл және ынтымақтастық жөніндегі кеңестердің қарауына мемлекеттік гранттар бағыттарының тізбесін шығару;
Тармақша 29
29) үкіметтік емес ұйымдармен өзара іс-қимыл және ынтымақтастық жөніндегі кеңестердің ұсынымдары негізінде қаржыландыру бағыттары мен көлемі бойынша мемлекеттік гранттар қалыптастыру;
Тармақша 30
30) Басқарма құзыретіне жататын мәселелер бойынша саяси партиялармен, қоғамдық ұйымдармен, коммерциялық емес ұйымдармен, кәсіподақтармен және өзге де ұйымдармен өзара іс-қимыл;
Тармақша 31
31) мемлекеттік әлеуметтік тапсырысты жүзеге асыратын үкіметтік емес ұйымдарға ақпараттық, консультативтік, әдістемелік қолдау көрсету;
Тармақша 32
32) Шығыс Қазақстан облысы аумағында қызметін жүзеге асыратын үкіметтік емес ұйымдар туралы мәліметтер жинауды, жалпылауды және уәкілетті органға ұсынуды жүзеге асыру;
Тармақша 33
33) уәкілетті орган айқындаған тәртіппен мемлекеттік әлеуметтік тапсырысты қалыптастыруды, іске асыруды, іске асыру мониторингін және оның нәтижелерін бағалауды жүзеге асыру;
Тармақша 34
34) жоспарланып отырған және іске асырылып жатқан мемлекеттік әлеуметтік тапсырыс тақырыптарын және мемлекеттік әлеуметтік тапсырыс нәтижелерінің бағаларын Басқарманың интернет-ресурсына орналастыру;
Тармақша 35
35) мемлекеттік тапсырысты іске асыру бойынша уәкілетті органға ақпарат ұсыну;
Тармақша 36
36) Басқарма құзыретіне жататын мәселелер бойынша қоғамдық кеңестермен өзара іс-қимыл;
Тармақша 37
37) қоғамдық келісім мен жалпыұлттық бірлікті қамтамасыз ету жөніндегі мемлекеттік саясатты іске асыру;
Тармақша 38
38) Шығыс Қазақстан облысында этносаралық келісімді зерттеуді және талдауды жүргізу;
Тармақша 39
39) этносаралық келісім мен толеранттықты нығайту бойынша этномәдени бірлестіктермен және өзге де қоғамдық ұйымдармен өзара іс-қимыл мен ынтымақтастықты жүзеге асыру;
Тармақша 40
40) этномәдени қоғамдық бірлестіктерге әдістемелік, ұйымдастырушылық және құқықтық көмек көрсету;
Тармақша 41
41) Шығыс Қазақстан облысының Қазақстан халқы Ассамблеясының қызметін қамтамасыз ету;
Тармақша 42
42) құқықтық саясат тұжырымдамасын, құқықтық түсіндіру жұмысы жөніндегі іс-шаралар жоспарларын іске асыруды қамтамасыз ету;
Тармақша 43
43) облыстың қалалары мен аудандарында көрнекі ақпараттық құралдарын орнатуды үйлестіру;
Тармақша 44
44) облыстық оқиғалар қатарын, күнтізбелік іс-шаралар жоспарын қалыптастыру;
Тармақша 45
45) саяси, қоғамдық маңызы бар іс-шараларды; ұлттық, мемлекеттік, кәсіби мерекелерге, атаулы күндерге арналған іс-шаралар өткізілуін үйлестіру;
Тармақша 46
46) Басқарма реттейтін салаларда мемлекеттік органдар қызметін үйлестіру және әдістемелік басшылықты жүзеге асыру;
Тармақша 47
47) Басқарма құзыретіне кіретін мәселелер бойынша консультативтік-кеңестік органдар қызметін қамтамасыз ету;
Тармақша 48
48) облыстық бюджеттік бағдарламаларды іске асыру;
Тармақша 49
49) ведомстволық ұйымдарға қатысты мемлекеттік басқарудың тиісті саласына басшылықты жүзеге асыру;
Тармақша 50
50) Қазақстан Республикасының заңнамасына сәйкес жеке және заңды тұлғалардың өтініштерін қарау;
Тармақша 51
51) мемлекеттік стратегиялық бағдарламалар мен құжаттарды түсіндіру және алға бастыру бойынша ақпараттық-насихаттық іс-шараларды ұйымдастыру және жүзеге асыру;
Тармақша 52
52) Басқарма құзыретіне кіретін мәселелер бойынша ақпараттық-түсіндіру жұмыстарын жүзеге асыруды қамтамасыз ету;
Тармақша 53
53) қоғамдық сананы жаңғырту саласында мемлекеттік саясатты үйлестіру;
Тармақша 54
54) Шығыс Қазақстан облысы аумағында Қазақстан Республикасының мемлекеттік рәміздерінің пайдаланылуын (орнатылуын, орналастырылуын) бақылауды жүзеге асыру;
Тармақша 55
55) Қазақстан Республикасының заңдарымен, Қазақстан Республикасының Президенті мен Үкіметінің актілерімен көзделген өзге де функцияларды жүзеге асыру.
Тарау 3. 3 тарау. Мемлекеттік органның бірінші басшысының мәртебесі, өкілеттігі
3 тарау. Мемлекеттік органның бірінші басшысының мәртебесі, өкілеттігі
Тармақ 15
15. Басқармаға басшылықты бірінші басшы жүзеге асырады, ол Басқармаға жүктелген міндеттердің орындалуына және өз өкілеттіліктерін жүзеге асыруға дербес жауапты болады.
Тармақ 16
16. Басқарманың бірінші басшысы Қазақстан Республикасының заңнамасына сәйкес лауазымға тағайындалады және лауазымнан босатылады.
Тармақ 17
17. Басқарманың бірінші басшысының Қазақстан Республикасының заңнамасына сәйкес лауазымға тағайындалатын және лауазымдарынан босатылатын орынбасарлары болады.
Тармақ 18
18. Бірінші басшының өкілеттігі:
Тармақша 1
1) Басқарма реттейтін салаларда мемлекеттік саясатты қалыптастыру бойынша ұсыныстар әзірлейді;
Тармақша 2
2) Қазақстан Республикасының заңнамасымен көзделгендер шегінде салааралық үйлестіруді қамтамасыз етеді;
Тармақша 3
3) заңнамаға сәйкес Басқарма қызметкерлерін, сондай-ақ Басқарма қарамағындағы ұйымдардың басшыларын (олардың орынбасарларын және бас бухгалтерді) лауазымдарға тағайындайды және лауазымдарынан босатады;
Тармақша 4
4) заңнамамен белгіленген тәртіпте Басқарма қызметкерлерін, сондай-ақ Басқарма қарамағындағы ұйымдардың басшыларын (олардың орынбасарларын және бас бухгалтерді) ынталандырады және тәртіптік жазаға тартады;
Тармақша 5
5) Басқарманың актілеріне қол қояды;
Тармақша 6
6) Басқарманың құрылымдық бөлімшелері туралы ережені бекітеді;
Тармақша 7
7) мемлекеттік органдарда және өзге де ұйымдарда Басқарма атынан сенімхатсыз өкілдік етеді;
Тармақша 8
8) ерлер мен әйелдердің тәжірибесіне, қабілеттеріне және кәсіптік дайындықтарына сәйкес мемлекеттік қызметке теңдей қолжетімділігін қамтамасыз етеді;
Тармақша 9
9) Басқармада сыбайлас жемқорлыққа қарсы іс-қимыл бойынша шаралар қабылдайды және бұл үшін дербес жауапты болады;
Тармақша 10
10) Қазақстан Республикасының қолданыстағы заңнамасына сәйкес өзге де өкілеттіктерді жүзеге асырады.
Басқарманың бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.
Тармақ 19
19. Бірінші басшы өз орынбасарларының өкілеттіктерін қолданыстағы заңнамаға сәйкес анықтайды.
Тарау 4. 4 тарау. Мемлекеттік органның мүлкі
4 тарау. Мемлекеттік органның мүлкі
Тармақ 20
20. Басқарманың заңнамада көзделген жағдайларда жедел басқару құқығында оқшауланған мүлкінің болуы мүмкін.
Басқарманың мүлкі оған меншік иесі берген мүлік, сондай-ақ өз қызметі нәтижесінде сатып алған (ақшалай кірістерді қоса алғанда) және Қазақстан Республикасы заңнамасында тыйым салынбаған өзге де көздер есебінен қалыптастырылады.
Тармақ 21
21. Басқармаға бекітілген мүлік Шығыс Қазақстан облысының коммуналдық меншігіне жатады.
Тармақ 22
22. Егер заңнамада өзгеше көзделмесе, Басқарма өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
Тарау 5. 5 тарау. Мемлекеттік органды қайта ұйымдастыру және тарату
5 тарау. Мемлекеттік органды қайта ұйымдастыру және тарату
Тармақ 23
23. Басқарманы қайта ұйымдастыру және тарату Қазақстан Республикасының заңнамасына сәйкес жүзеге асырылады.
Тармақ 1
1. «Шығыс ақпарат» жауапкершілігі шектеулі серіктестігі.
Тармақ 2
2. Шығыс Қазақстан облысы қоғамдық даму басқармасының «Жастар ресурстық орталығы» коммуналдық мемлекеттік мекемесі.
Тармақ 3
3. Шығыс Қазақстан облысы қоғамдық даму басқармасының «Рухани жаңғыру» өңірлік орталығы» коммуналдық мемлекеттік мекемесі.
Тармақ 4
4. Шығыс Қазақстан облысы қоғамдық даму басқармасының «Достық үйі – қоғамдық келісім орталығы» коммуналдық мемлекеттік мекемесі.