Об утверждении Правил оплаты проезда ветеранам и инвалидам, направленным на лечение в республиканские больницы медицинскими учреждениями Күшін жойған

Медициналық мекемелермен республикалық ауруханаларға емделуге жіберілген, ардагерлер мен мүгедектердің жол жүру төлемі жөніндегі ережелерді бекіту туралы "Қазақстан Республикасындағы мүгедектердің әлеуметтік қорғалуы туралы" Қазақ Совет Социалистік Республикасының 1991 жылғы 21-маусымдағы Заңына, "Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы" Қазақстан Республикасы Президентінің 1995 жылғы 28-сәуірдегі № 2247 Заң күші бар жарлығына, сондай ақ "Қазақстан Республикасындағы жергілікті мемлекеттік басқару туралы" Қазақстан Республикасының 2001 жылғы 23-қаңтардағы № 148-ІІ Заңының 27-бабы 1-тармағының 17)-тармақшасына сәйкес Шығыс Қазақстан облысының әкімияты ҚАУЛЫ ЕТЕДІ:

1. Ұсынылып отырған медициналық мекемелермен республикалық ауруханаларға емделуге жіберілген ардагерлер мен мүгедектердің жол жүру төлемінің ережелері бекітілсін.

2. Шығыс Қазақстан облысының еңбек, жұмыспен қамту және халықты әлеуметтік қорғау басқармасы (А.С.Шерубаев) жоғарыда аталған Ережелерге сәйкес 258 15 00 332 "Жергілікті уәкілетті органдардың шешімдері бойынша азаматтардың жеке санаттарына әлеуметтік төлемдер" бағдарламасы бойынша төлем жүргізсін.

3. Қала және аудан әкімдері облыстық ауруханаларға емделуге жіберілген, ардагерлер мен мүгедектердің жол жүруін төлеу үшін ұқсас ақшалай қаражаттарды қарастырсын.

4. Осы қаулының орындалуына бақылау жасау облыс әкімінің орынбасары В.Н. Сухоруковаға жүктелсін.

5. Осы қаулы әділет органдарында мемлекеттік тіркелген күнінен бастап күшіне енеді.

Шығыс Қазақстан облысы әкімиятының 2004 жылғы 17 наурыздағы № 388 қаулысына қосымша Медициналық мекемелермен республикалық ауруханаларға емделуге жіберілген, ардагерлер мен мүгедектердің жол жүру төлемінің ережелері 1. Жалпы ережелер

1. Қазақстан Республикасы көлеміндегі медициналық көрсеткіштер бойынша емделуге жіберілетін, аурулардың жол жүру құнының төлемі Шығыс Қазақстан облысының денсаулық сақтау басқармасы берген белгіленген үлгідегі жолдамасы болған жағдайларда жүргізіледі.

2. Бағдарламаның әкімшісі Шығыс Қазақстан облысының еңбек, жұмыспен қамту және халықты әлеуметтік қорғау басқармасы болып табылады.

3. Аурулардың емделуге және оларды ертіп жүрген адамдардың жол жүру төлемін қаржыландыру жергілікті бюджет қаражаттарының есебінен жүргізіледі.

2. Аурулардың емделуге және оларды ертіп жүрген адамдардың жол жүру құнының төлем тәртібі

4. Шығыс Қазақстан облысының еңбек, жұмыспен қамту және халықты әлеуметтік қорғау басқармасы аурудың (екі жаққа) жол жүру төлемін мынадай құжаттардың негізінде жүргізеді:

1) өтініш;

2) жеке куәлігі;

3) Шығыс Қазақстан облысының денсаулық сақтау басқармасының жолдамасы;

4) тұратын жерден анықтамалар;

5) жол жүру нақтылығын растайтын билеттер.

5. Заңнамада белгіленген жағдайларда ауруды (екі жаққа) ертіп жүрген адамның жол жүру төлемі жүргізіледі.

6. Медициналық көрсеткіштер бойынша емделуге жіберілетін, аурулардың және оларды ертіп жүрген адамдардың жол жүру төлемі темір жол және қалааралық автомобиль көлігіндегі жол жүру құнының мөлшерінде жүргізіледі. Ауру мен оны ертіп жүрген адам әуе көлігінде жол жүрген жағдайда төлем теміржол көлігінің купелік вагоны билетінің құнымен жүргізіледі.

7. Емделуге жол жүру нақтылығын растайтын құжаттар емделу жерден келген күннен бастап 45 күннен кешіктірілмей ұсынылу қажет.

8. Ауру мен оны ертіп жүрген адамның жол жүргенін растайтын билеттер жоғалған жағдайда теміржол немесе автовокзалдардың кассаларынан емделу жерге барып қайтуға дейінгі жол жүрудің құнын растайтын анықтама ұсынылу қажет.

9. Шығыс Қазақстан облысының еңбек, жұмыспен қамту және халықты әлеуметтік қорғау басқармасы құжаттар ұсынылған жағдайда, ақшалай қаражаттарды аурулардың және оларды ертіп жүрген адамдардың жеке шоттарына түсіреді. Шығыс Қазақстан облысының еңбек, жұмыспен қамту және халықты әлеуметтік қорғау басқармасының бастығы