О правилах содержания и защиты зеленых насаждений Күшін жойған

Жасыл көшеттерді күту және қорғау Ережелері туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабының 2 тармағына, Қазақстан Республикасының 1997 жылғы 15 шілдедегі «Қоршаған ортаны қорғау» Заңына және Астрахан аудандық әкімшілігінің 2004 жылғы 15 наурыздағы №163 хатына сәйкес, аудандық мәслихат ШЕШТІ:

1. Ұсынылған, жасыл көшеттерді күту және қорғау Ережелері бекітілсін.

2. 2004 жылғы 8 қаңтардағы аудандық мәслихаттың №4 шешімінің күші жойылсын.

3. Осы шешім Ақмола облыстық әділет басқармасында мемлекеттік тіркеуден өткеннен кейін өз күшіне енеді. Жасыл көшеттерді күту және қорғау ЕРЕЖЕЛЕРІ Осы Ереже Қазақстан Республикасының «Қоршаған ортаны қорғау туралы» Заңына, Қазақстан Республикасының «Әкімшілік құқық бұзушылық туралы» Кодексіне, Қазақстан Республикасының «Халықтың санитария-эпидемиологиялық салауаттылығы туралы» Заңына сәйкес әзірленді. Осы Ереже жасыл көшеттерді күту және қорғау тәртібін, сондай-ақ осы мәселеде заңды және жеке тұлғалардың құқықтарын, міндеттерін және жауапкершіліктерін анықтайды.

2. Негізгі ұғымдар мен анықтамалар Жасыл көшеттер – санитарлық-гигиеналық талаптарды, көркейту және сәулеттік-ландшафтық ресімдеу деңгейін арттыруды қамтамасыз ететін елді мекендердің құрылымын жоспарлау элементі. Жер жұмыстары – аумақты қазумен, құмды үюмен, қайтадан жабумен байланысты жұмыстар. Жер пайдаланушы – меншік түріне қарамастан (кәсіпорындар, ұйымдар, кәсіпкерлер, жеке сектордағы үйлер иелері және шаруашылық басшылары) ауылдық жерлердегі жер учаскелерін пайдаланушы заңды немесе жеке тұлға.

3. Жасыл көшеттерді күту және қорғау ережелері

1. Гүлзарлар, парктер, көгалдар және басқа да өсімдік шаруашылығының объектілерін жыл сайын күту заңды және жеке тұлғаларға бекітіліп берілген аумақтарға жүктеледі. Жер пайдаланушылар өздеріне бекітілген аумақтағы жасыл көшеттердің қорғалуын және қайта отырғызылуын қамтамасыз етуге міндетті.

2. Құрылыс, жер асты коммуникацияларын салу және инженерлік жүйе жұмыстарына тап келетін жасыл көшеттерді бұзуға және басқа жерге отырғызуға аудан әкімі аппаратында бекітілген, жасыл көшеттерді бұзу актісі бар болған жағдайда ғана жол беріледі.

3. Жасыл көшеттерді бұзу және басқа жерге отырғызу құрылыс салушылардың күшімен және қаражатымен жүргізіледі. Жасыл көшеттерді қалпына келтіру құрылыс жүргізуші немесе мекемеге жөндеу жүргізуші ұйымға жүктеледі.

4. Жұмыс жүргізу кезінде заңды және жеке тұлғалар міндетті:

1) жасыл көшеттерді бұзылудан қоршауға;

2) жолдар, тротуарлар, кірме жолдарға асфальт төсегенде диаметрі 1 метрден кем емес ойық қалдыруға;

3) жасыл көшеттер орналасқан жерлерде жолдарды қайта жөндегенде 5см артық көлденең белгілердің өзгеруіне жол бермеу керек. Өсімдік тамырының ашылуы жағдайында жобада жасыл желектердің қалыпты өсуіне жағдайлардың сақталуы үшін құрылғы қажет.

5. Жасыл көшеттер аумағында тыйым салынады:

1) гүлзарларды, көгалдар, ойықтарды ластауға;

2) гүлзарлардың үстімен жүруге;

3) ағаштарды, көшеттерді, жемістерді өз бетімен кесуге;

4) поселок және ауылдық округ әкімдерінің келісімінсіз қоршаулар орнатуға;

5) ағаштарды, бұталарды бұтақтарды шауып кесуге, клумбалар мен гүлзарлардан гүлдерді жұлуға, ағаштардан шырын алуға, кесуге, жазуға, шеге қағуға, сыммен тартуға және жасыл көшеттерге басқа да зақым келтіруге;

6) ағаштарға бекітілген жіптерде кір жаюға;

7) жасыл көшеттер отырғызылған аумақтарда өнеркәсіптік ақпа суларды, жанар-жағар май материалдарын, химиялық, құрылыстық және басқа қалдықтарды жинауға және ағызуға;

8) парктер мен скверлердегі гүлзарлар мен клумбаларда сауда дүкеншіктерін, дүңгіршектер, үстелдер, балмұздақ сататын арбаларды орналастыруға;

9) парктер мен скверлерге жақын жердегі арнаулы белгіленген жерлерден басқа гүлзаралар мен жасыл көшеттер отырғызылған басқа жерлерде автокөлік жоюға;

10) тамырымен гүлдерді, жас ағаштарды және жеміс ағаштарын қазып алуға;

11) гүлзарлар мен клумбаларда үй жануарларын қыдыртуға;

12) жасыл көшеттерді ауылшаруашылық және үй жануарларының улауына және бүлдіруіне.

6. Шаруашылық жүргізуші субъектілердің, меншікті тұрғын үй кооперативтерінің, бау-бақша серіктестіктерінің басшылары, үй иелері міндетті:

1) жасыл көшеттерге ұқыптылықпен қарауға және сақтауға;

2) бекітілген аумақтарда ұтымды мерзім ішінде суару, кесу, нысандау, қураған бұтақтарын кесу, жеміс ағаштарының штамбыларын тазалау және ағарту, тыңайтқыштар төгу, жас ағаштардың діңінің айналасын дөңгелентіп қоршау, дің түбіндегі ұсақ бұтақтарды алып тастау, жараларын бітеу, дезинфекциялау, арам шөптерді тағы сол секілділерді жоқ қылу жөніндегі агротехникалық механикалық өңдеу сияқты жасыл көшеттерді күту жөніндегі барлық қажетті шараларды жүргізу.

3) Суару жүйелерін техникалық жөнделген жағдайда ұстау және оған кезеңмен (маусыммен) алдын алу жұмыстарын жүргізуге және дайындауға;

4) Жыл сайын зиянкестермен, ағаш, жеміс ағаштарының ауруларымен, арам шөптермен өз күшімен немесе тиісті ұйымдармен шарт жасасу арқылы күрес жүргізуге.

4. Құрылыс жұмыстарын жүргізуші ұйымдардың міндеттері

7. Құрылыс жұмыстарын жүргізуші құрылыс ұйымдары:

1) құрылыс аймағында суару жүйесінің сақталуына және жас өскіндердің күтімін қамтамасыз етуге;

2) ғимараттар және жер асты коммуникация жұмыстарының жобасын әзірлеу кезінде жобалау ұйымдары құрылыс учаскелеріндегі ағаштар мен жеміс ағаштарының мүмкіндігінше зақымдалмай сақталып қалуын қамтамасыз ететін жұмыс тәртібін ұйымдастыруға, құрылыс жұмыстарының сметасында бекітілген нормативтер мен есептер бойынша, жасыл желектердің иесіне келтірілетін шығындарды қарауға, ал оларды басқа жерге қайтадан отырғызу қажет болған жағдайда, осы жұмыстың қосымша құнын қарауға міндетті;

3) құрылыс алаңдарындағы ағаштарды қоршауға, жолдарды және жаяулар жолын асфальттау кезінде ағаштардың айналасынан диаметрі 2 метрден кем емес, жеміс ағаштарының айналасынан 1 метрден кем емес шеңбер қалдыруға;

4) жер және басқа да құрылыс-монтаждау, объектілерді қайта жаңарту және бақтар, скверлер, көшедегі өскіндер аумағында жер асты коммуникациялау жұмыстарын жүргізу кезінде ағаштарды, жеміс ағаштарын алып тастау немесе басқа жерге отырғызу қоршаған ортаны қорғау басқармасының рұқсатымен жүргізуге, егер жас өскіндер нысандар мен коммуникациялардың қорғау аймағында болмаса, онда шығынды олардың иелеріне төлеуге;

5) объектілерді тапсыру кезінде жас өскіндерді суару және басқа инженерлік суару құрылыстарын қарауға міндетті.

8. Сәулет және жерге орналастыру мемлекеттік органдары жасыл желектері бар аумақтардан құрылыс жүргізу үшін учаскелер бөлгенде, тек қоршаған ортаны қорғау басқармасының және осы бөлінген аумақта көгалдандыру жүргізуді жүзеге асырушы ұйымның келісімімен береді.

9. Көлік, электр жүйесінің шаруашылық жүргізуші субъектілері, басқа да мүдделі ұйымдар нормалар мен ережелерді және сол өсімдікке тән форманы сақтай отырып, қиылыстағы көруге және радио, электр сымдарына кедергі жасайтын бұтақтарды кесуге міндетті.

10. Жас өскіндерді амалсыз алып тастау, объектілердің құрылысын жүргізу, жер асты коммуникацияларын және жас өскіндерді қайта жаңарту (сәнді желек ағаштарға ауыстыру) үшін жер учаскелерін бөлу кезінде экологиялық нормалардың сақталуына бақылау жасауды жүзеге асырушы мемлекеттік органның келісімі бойынша ғана жүргізіледі. Бұл жағдайда келтірілген шығынның сомасы көшеттердің иесіне қайтарылуы тиіс, айып қолданылып жүрген заңдарға сәйкес салансын.

5. Осы Ережелерді бұзғаны үшін жауапкершілік

11. Осы Ереженің талаптарын бұзған лауазымды тұлғалар мен азаматтар Қазақстан Республикасының «Қоршаған ортаны қорғау туралы» Заңының тиісті бабтарына және Қазақстан Республикасының «Әкімшілік құқық бұзушылық туралы» Кодексінің «Жас өскіндерді сақтау және қорғау ережелерін бұзу» туралы 300 бабы бойынша жауапкершілікке тартылатыны белгіленсін.