Об объявлении чрезвычайной ситуации природного характера местного масштаба Күшін жойған

Жергілікті ауқымдағы табиғи сипаттағы төтенше жағдайды жариялау туралы Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 33 бабының 1-тармағы 13) тармақшасына, Қазақстан Республикасының "Азаматтық қорғау туралы" Заңының 48-бабына және 50 бабының 2 тармағы 2) тармақшасына, Қазақстан Республикасы Төтенше жағдайлар жөніндегі министрінің міндетін атқарушы 2023 жылғы 10 мамырдағы "Табиғи және техногендік сипаттағы төтенше жағдайлардың сыныптамасын белгілеу туралы" №240 бұйрығына сәйкес, Ұлытау ауданының әкімі ШЕШТІМ:

1. Ұлытау облысының Ұлытау ауданындағы Жезді кентінде жергілікті ауқымдағы табиғи сипаттағы төтенше жағдай жариялансын.

2. Табиғи сипаттағы төтенше жағдайды жою басшысы болып Ұлытау ауданы әкімінің орынбасары Аян Есенгалиевич Абжамалов тағайындалсын.

3. Ұлытау ауданы әкімінің орынбасары - төтенше жағдайды жою басшысы Аян Есенгалиевич Абжамалов осы шешімнен туындайтын тиісті іс-шараларды жүргізсін.

4. Осы шешімнің орындалысын бақылауды өзіме қалдырамын.

5. Осы шешім оның алғаш ресми жарияланған күнінен бастап қолданысқа енгізіледі және 2024 жылғы 27 наурыздан бастап туындаған құқықтық қатынастарға таратылады.