О проведении учебно-полевых (лагерных) сборов с юношами допризывного и призывного возраста Күшін жойған

Шақыру жасына дейінгі және шақыру жасындағы жас жігіттердің оқу-далалық (лагерлік) жиындарын өткізу туралы Қазақстан Республикасының "Қазақстан Республикасындағы жергілікті мемлекеттік басқару туралы", "Жалпыға бірдей әскери міндеттілік және әскери қызмет туралы" Заңдарына сәйкес, Қазақстан Республикасы Үкіметінің "Бастапқы әскери даярлау туралы" N 1996 жылғы 1 қарашадағы N 1340 қаулысын орындау үшін және жастарға әскери-патриоттық тәрбие беру мақсатында ШЕШІМ ЕТЕМІН:

1. Орал қаласының және аудандардың әкімдері:

1) бағыныштылығы мен меншік нысанына қарамастан оқу орындары мен оқу пункттерінде бастапқы әскери дайындықтан өткен жалпы білім беретін, кәсіптік-техникалық және арнаулы орта оқу орындарында жас жігіттердің оқу-далалық (лагерлік) жиындарын 2004 жылдың мамыр-маусымында ұйымдастырып өткізсін (оқу-далалық жиындар бағдарламасына сәйкес);

2) жиындарды өткізу үшін қорғаныс-спорт, сауықтыру лагерлерінің, Қазақстан Республикасы Қорғаныс министрлігінің әскери-техникалық мектебінің және әскери бөлімшелерінің оқу-материалдық базасын пайдалансын, ал ол болмаған жағдайда оқу-далалық (лагерлік) жиындарын оқу орындары немесе оқу пункттері жанында "Шақырылушылар күні" әдісімен өткізсін;

3) оқу пункттері құрылсын және оларда оқу орындарында әскери даярлықтан өтпеген шақыру жасындағы жас жігіттерді қатыстыра отырып, 2004 жылғы мамырдан маусымға дейінгі кезеңде 10 күндік оқу-далалық жиындар ұйымдастырсын.

2. Батыс Қазақстан облыстық әскери комиссариат:

1) аудандық (қалалық) әскери комиссариаттарда қорғаныс-спорт сауықтыру лагерлерінің, оқу пункттерінің әкімшіліктерімен және жиындарды ұйымдастыру және өткізу мәселесі жөніндегі бастапқы әскери дайындық мұғалім - ұйымдастырушыларымен нұсқау-әдістемелік сабақтар өткізсін;

2) сабақ өткізу және ату құралдарын үйрету, сондай-ақ тактикалық және сапта жүру дайындығы дағдыларын үйрету кездерінде жасөспірімдердің өмірі мен денсаулығының қауіпсіздігі шараларын қамтамасыз етуге ерекше көңіл бөлсін;

3) мүдделі ұйымдардың өкілдерін қатыстыра отырып, оқу орындарында және оқу пункттерінде жастардың бастапқы әскери дайындық жағдайына оқу-әдістемелік басшылықты жүзеге асырсын;

4) жас жігіттердің оқу-далалық (лагерлік) жиындарын ойдағыдай ұйымдастыруға және өткізуге көмек көрсету мақсатында әскери-техникалық мектептермен және әскери бөлімдермен байланысты қамтамасыз етсін.

3. Батыс Қазақстан облыстық білім басқармасы:

1) оқу-далалық (лагерлік) жиындарын өткізу барысында орта мектептердің 10-сыныбы жас жігіттерінің және кәсіптік-техникалық мектептерді, лицейлерді және колледждерді бітірушілердің түгел қамтылуын қамтамасыз ететін болсын;

2) оқу-процесінің, әскери-патриоттық, мәдени-бұқаралық және спорт шараларының сапалы жүргізілуін ұйымдастырсын.

4. Батыс Қазақстан облыстық денсаулық сақтау басқармасы оқушылар санының айтарлықтай болуына байланысты оқу-далалық (лагерлік) жиындар өтетін жерлерде оқушылар арасында жұқпалы аурулардың таралуын, балалардың басқа да ауруларын болдырмау үшін дәрігерлік алдын алу шараларының жүргізілуін және дәрігер қызметкерлерінің ұдайы кезекшілігін қамтамасыз етсін.

5. Батыс Қазақстан облыстық ішкі істер басқармасы оқу-далалық (лагерлік) жиындар өткізілетін жерлерде қоғамдық тәртіптің сақталуын қамтамсыз етсін.

6. Батыс Қазақстан облыстық әскери комиссар, Орал қаласының және аудандардың әкімдері, тиісті облыстық басқармалар басшылары 2004 жылдың 1 шілдесінде оқу-далалық (лагерлік) жиындардың өткізілу қорытындылары туралы ақпаратты тапсырсын.

7. Осы шешімнің орындалуын бақылау облыс әкімінің орынбасары А. С. Иманғалиевке жүктелсін.