Об установлении квоты на ввоз Республики Казахстан цемента Қолданыста

Қазақстан Республикасына цемент әкелуге квота белгілеу туралы Отандық цемент өндірушілерді қорғау мақсатында және Қазақстан Республикасының аумағына цемент әкелуді шектейтін шаралар қолдану үшін Қазақстан Республикасының Үкіметі қаулы етеді:

1. Қазақстан Республикасының аумағына Қырғыз Республикасынан әкелінетін цементтің импортына 1999 жылдың 1 қаңтарынан бастап 31 наурызына дейін 20 мың тоннадан артық емес квота белгіленсін.

2. Қазақстан Республикасының Энергетика, индустрия және сауда министрлігі Қазақстан Республикасы Үкіметінің 1997 жылғы 30 маусымдағы N 1037 қаулысымен бекітілген Қазақстан Республикасында тауарлардың (жұмыстардың, қызмет көрсетулердің) экспорты мен импортын лицензиялаудың тәртібі туралы ережеге сәйкес импорттаушылардың өтініштері негізінде, белгіленген квотаның көлемінде цементтің импортына лицензия беруді жүзеге асырсын.

3. Қазақстан Республикасының Сыртқы істер министрлігі белгіленген тәртіппен осы қаулының 1-тармағына сәйкес уақытша шектеулер енгізілгені туралы Қырғыз Республикасының Үкіметіне хабарласын.

4. Осы қаулының орындалуына бақылау жасау Қазақстан Республикасы Мемлекеттік кіріс министрлігінің Кеден комитетіне жүктелсін.

5. Осы қаулы қол қойылған күнінен бастап күшіне енеді.