О лицензировании отдельных видов деятельности Күшін жойған

Қызметтің кейбір түрлерін лицензиялау туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 29-бабының 2-тармағына, Қазақстан Республикасы Үкіметінің 1995 жылғы 29 желтоксандағы № 1894 «Қазақстан Республикасының "Лицензиялау туралы» Заңын іске асыру туралы» қаулысына сәйкес ШЕШТІМ:

1. Облыстың атқару органдары мына қызметтер бойынша лицензиялар беруге уәкілетті етілсін:

1) «Қостанай облысының энергетика, өнеркәсіп және құрылыс департаменті» мемлекеттік мекемесі: «Жылу энергиясын өндіру, беру және тарату (жылу энергиясы көздерінен жылу қуатының жиынтығын қосқанда сағатына 100 Гкал дейін)»; «Қысыммен жұмыс істейтін қазандықтар (жылу қуатының жиынтығын қосқанда сағатына 100 Гкал дейін) мен құбырларды пайдалану»; «Қысыммен жұмыс істейтін сауыттарды (өнеркәсіптік тоңазытқыш қондырғыларының, тұрмыстық газ баллондарының құрамында) пайдалану; «Заңды тұлғалардың түрлі-түсті және қара металдардың сынығын және қалдықтарын жинау (дайындау), сақтау, қайта өңдеу және сатуы»;

2) «Қостанай облысының мемлекеттік санитарлық-эпидемиологиялық қадағалау департаменті» мемлекеттік мекемесі: «Дезинфекциялау, дезинсекциялау және дератизациялау құрал-жабдықтарын және препараттарын пайдалануға байланысты жұмыстар мен қызметтердің түрлері»;

3) «Қостанай облысының экономика және сауда департаменті» мемлекеттік мекемесі: «Тотализаторлар, казино ұйымдастыру және өткізу»; «Облыс аумағында лотереяларды (мемлекеттіктен (ұлттық) басқа) ұйымдастыру және өткізу».

2. Осы шешімнің 1-тармағында көрсетілген атқару органдары Қазақстан Республикасы заңдарында қаралған тәртіп бойынша құрылтай құжаттарына қажетті толықтырулар енгізсін.

3. Қостанай облысы әкімінің 2002 жылғы 18 сәуірдегі № 46 «Тотализаторлар мен казино ұйымдастыру және өткізу жөніндегі қызметті лицензиялау құқығын беру туралы» (мемлекеттік тіркеу нөмірі 1482, «Костанайские новости» 2002 жылғы 4 маусым № 28, «Қостанай таңы» 2002 жылғы 28 мамыр № 43) шешімінің күші жойылды деп есептелсін.

4. Қостанай облысы әкімінің 2000 жылғы 11 тамыздағы № 162 «Жылу энергиясы көздерінен жылу қуатының жиынтығын қосқанда сағатына 100 Гкал дейін жылу энергиясын өндіру, беру және тарату» лицензиялау қызметінің түрі туралы» шешімі жойылсын.

5. Осы шешімнің орындалуына бақылау жасау Қостанай облысы әкімінің бірінші орынбасары В.В. Мейстерге жүктелсін.