Об образовании при акимате района Координационного совета по борьбе с туберкулезом Күшін жойған

Аудан әкімдігі жанынан туберкулезбен күрес жөніндегі Үйлестіру кеңесін құру туралы Қазақстан Республикасы Үкіметінің 1998 жылғы 4 қыркүйектегі № 839 «Қазақстан Республикасындағы халықты қорғаудың шұғыл шаралары туралы» қаулысына сәйкес аудан әкімдігі ҚАУЛЫ ЕТЕДІ:

1. Әкімдік жанынан қосымшаға сәйкес туберкулезбен күрес жөніндегі Үйлестіру кеңесі құрылсын.

2. Беріліп отырған туберкулезбен күрес жөніндегі Үйлестіру кеңесі туралы Ереже бекітілсін.

3. Туберкулезбен күрес жөніндегі Үйлестіру кеңесінің дербес құрамы аудандық мәслихат сессиясының бекітілуіне ұсынылсын.

4. Осы қаулы Ақмола облысы әділет департаментінде тіркеуден өткен сәттен бастап қүшіне енеді.

Аудан әкімдігінің 2004 жылғы 13 мамырдағы «Аудан әкімдігі жанынан туберкулезбен күрес жөніндегі Үйлестіру кеңесін құру туралы» қаулысына қосымша Туберкулезбен күрес жөніндегі Үйлестіру кеңесінің ҚҰРАМЫ Жұматова Зоя Кандыбайқызы - аудан әкімінің орынбасары, Кеңес төрайымы Ақылбеков Нұрлан Сәлімұлы - ОАА бас дәрігері, Кеңес төрайымының орынбасары Қасенова Алтын Қайырбекқызы – ОДА бас дәрігері, Кеңес мүшесі Балтабаев Қуат Хамитұлы - АІІБ бастығы (келісім бойынша), Кеңес мүшесі Жармұқанов Арғын Асқарұлы - аудандық мемлекеттік санитарлық эпидемиологиялық қадағалау бастығы (келісім бойынша), Кеңес мүшесі Қазбеков Аманжол Белгібайұлы - аудандық еңбек, жұмыспен қамту және халықты әлеуметтік қорғау бөлімінің бастығы, Кеңес мүшесі Лебига Татьяна Андреевна - аудан фтизиаторының міндетін атқарушы, Кеңес хатшысы

Бекітілді Аудан әкімдігінің 2004 жылғы 12 мамырдағы «Аудан әкімдігі жанынан, туберкулезбен күрес жөніндегі Үйлестіру кеңесін кұру туралы» қаулысы Туберкулезбен күрес жөніндегі Үйлестіру кеңесі туралы ЕРЕЖЕ

1. Жалпы ережелер

1. Туберкулезбен күрес жөніндегі Үйлестіру Кеңесі (әрі қарай - Кеңес) аудан аумағындағы жергілікті атқару орган және басқа ұйымдардың туберкулезбен күрес жөніндегі шаралар жүргізуде өзара іс - қимыл жасауын қамтамасыз ету үшін құрылған.

2. Кеңес жүмысының басты мақсаты туберкулез бойынша эпидемиологиялық жағдайды жақсартута бағытталған шаралар өткізуден тұрады.

3. Кеңес өз жұмысын Қазақстан Республикасының заңдарына және осы ережеге сәйкес жүзеге асырады.

2. Кеңестің негізгі міндеттері мен қызметтері

4. Кеңестің негізгі қызметтеріне:

1) жергілікті атқару органының туберкулезбен күрес жөніндегі жұмысын үйлестіруді жетілдіру;

2) туберкулезбен күрес жөніндегі мәселелер бойынша басқа ұйымдармен өзара іс - қимыл жасау және бірлесіп жұмыс жүргізуді жетілдіру;

3) жергілікті атқару органымен туберкулездің алдын алу жөнінен нәтижелі шараларды қамтамасыз ету туралы ұсыныстар әзірлеу жатады.

5. Міндеттерді орындау және өз жұмысын жүзеге асыру үшін Кеңестің:

1) жергілікті атқару органы және басқа ұйымдардан Кеңес міндеттерін орындауға қажетті ақпараттар сұрауға және алуға;

2) Кеңес мәжілістерінде жергілікті атқару органы және басқа ұйымдардың өкілдерін Кеңес құзырына кіретін мәселелер бойынша тыңдауға;

3) Кеңес құзырына жататын басқа да өкілеттіктерді жүзеге асыруға құқықтары бар.

2. Кеңес жұмысын ұйымдастыру

6. Кеңесті аудан әкімінің орынбасары басқарады, ол оның жұмысына басшылық етеді, мәжілістерде төрағалық етеді, оның жұмысын жоспарлайды және Кеңес шешімдерінің орындалуына жалпы бақылау жасайды. Төраға болмаған кезде, оның жұмысын төрағаның орынбасары атқарады.

7. Кеңес хатшысы мәжілістің күн тәртібі туралы ұсыныс, оның өткізілуіне қажетті құжаттар мен материалдар әзірлейді және ол өткеннен соң хаттама рәсімдейді.

8. Кеңес мәжілістері хаттамалармен рәсімделеді.

9. Кеңес шешімдері ұсынымдық сипатта болады, ашық дауыспен қабылданады, және Кеңес мүшелерінің көпшілігі дауыс берген жағдайда қабылданған болып саналады. Дауыстар тең болған жағдайда, төраға дауыс бергені қабылданған болып саналады.

10. Кеңес мәжілістері жылына 4 реттен кем өткізілмейді.

11. Кеңестің бас жұмыс органы болып орталық аудандық аурухана саналады.