Об упорядочении перевозок пассажиров и грузов в области Күшін жойған

Облыста жолаушылар мен жүктер тасымалын реттеу туралы 📌 Ескерту. Күші жойылды - Шығыс Қазақстан облысы Әкімінің 2004 жылғы 24 қыркүйектегі N 100 шешімімен. Қазақстан Республикасының "Қазақстан Республикасындағы көлiк туралы" 1994 жылғы 21 қыркүйектегi, "Қазақстан Республикасының жергiлiктi өкiлеттi және атқарушы органдары туралы" 1993 жылғы 10 желтоқсандағы заңдарын және Қазақ ССР-iнiң "Тұтынушылар құқығын қорғау туралы" 1991 жылғы 5 маусымдағы Заңын, Қазақстан Республикасы Үкiметiнiң 1996 жылғы 24 маусымдағы N 773 және 1998 жылғы 23 наурыздағы N 251 қаулыларын басшылыққа алып, көлiк процесiн ұйымдастыруды, жолаушылар мен жүктердi тасымалдауға патенттер берудi реттеу, көлiктегi тасымал қауiпсiздiгiн қамтамасыз ету, сондай-ақ тасымалдаушылар құқығын қорғау үшiн:

1. Облыс қалалары мен аудандарының әкiмдерi меншiктiң барлық нысанды тасымалдаушыларының жолаушылар көлiгiмен қызмет көрсету жөнiндегi тендерлер өткiзу негiзiнде 1998 жылғы 14 мамырда бекiтiлген жолаушылар маршруттары тiзбесiне сәйкес жолаушылар тасымалын ұйымдастыруды қамтамасыз етсiн.

2. Шығыс Қазақстан салық комитетi (Аханаев О.Қ.) заңды және жеке тұлғалардың жолаушылар тасымалын жүзеге асыруы үшiн патенттер берудi тендерлiк негiзде алған куәлiктер негiздемесiнде жүргiзсiн.

3. Жолаушылар көлiгi саласындағы нарықтық қатынастарды жетiлдiру, кәсiпкерлiктi қорғау және қолдау мақсатында Шығыс Қазақстан облыстық энергетика, индустрия, көлiк, телекоммуникациялар және сыртқы экономикалық байланыстар басқармасы (Плотников С.В.) жанынан тұрақты жұмыс iстейтiн жұмысшы тобы (N 1 қосымша) құрылсын және екi апта iшiнде iс-қимыл жоспары жасалсын.

4. Осы шешiмнiң орындалуына бақылау жасау облыс әкiмiнiң орынбасары Ю.П.Швайченкоға жүктелсiн.

Шығыс Қазақстан облысы әкiмiнiң 1998 жылғы 9 қазандағы N 1-473 өкiмiне N 1 қосымша Жолаушылар көлiгi саласындағы нарықтық қатынастарды жетiлдiру, кәсiпкерлiктi қорғау және қолдау жөнiндегi тұрақты iстейтiн жұмысшы тобының ҚҰРАМЫ

1. Плотников С.В. - Шығыс Қазақстан облысының энергетика, индустрия, көлiк, телекоммуникациялар және сыртқы экономикалық байланыстар басқармасының бастығы, топ жетекшiсi

2. Пчельников В.Н. - Шығыс Қазақстан облыстық мемлекеттiк жолаушылар тасымалдау басқармасының бастығы, топ жетекшiсiнiң орынбасары

3. Феофанова А.С. - Шығыс Қазақстан облысы бойынша табиғи монополияларды реттеу және бәсекелестiктi қорғау жөнiндегi комитеттiң төрағасы

4. Аханаев О.Қ. - Шығыс Қазақстан облыстық салық комитетiнiң бастығы

5. Жұмәдiлов Е.С. - Шығыс Қазақстан облыстық жол полициясы басқармасының бастығы

6. Қалиев С.Н. - Көлiк инспекциясы Шығыс Қазақстан облыстық бөлiмшесiнiң бастығы

7. Кузнецова Л.М. - Қалалық тұтынушылар құқын қорғау қоғамының төрайымы Облыс әкiмi аппаратының басшысы Т.Ибраев