Об утверждении Положения о жилищной комиссии Күшін жойған

Тұрғын үй комиссиясы туралы Ережені бекіту туралы Қазақстан Республикасының «Қазақстан Республикасының жергілікті мемлекеттік басқару туралы» 2001 жылғы 23 қантардағы 148 Занының 31 бабының 1 тармағының 12 тармақшасына, «Тұрғын үй қатынастары туралы» Қазақстан Республикасының 1997 жылғы 16 сәуірдегі 94 -1 Заңының 9,10 тарауларына сәйкес, Қазақстан Республикасы Үкіметінің «Мемлекеттік тұрғын үй қорынан тұрғын үй беру, жалдау және пайдалану тәртібі туралы» 1999 жылғы 2 қыркүйектегі №1292 қаулысымен бекітілген «Қазақстан Республикасының мемлекеттік тұрғын үй қорынан тұрғын үй беру, жалдау және пайдалану тәртібі туралы нұсқауының» 8 тармағы негізінде, тұрғын үй комиссиясының құқықтық статусын, міндеттерін және өкілеттігін анықтау мақсатында, қалалық әкімдік ҚАУЛЫ ЕТЕДІ:

1. Қосы берілген тұрғын үй комиссиясы туралы ереже бекітілсін.

2. Осы қаулының орындалуын бақылау қала әкімінің орынбасары Т. Н. Кұлжановаға жүктелсін.

Қала әкімдігінің 2004 жылғы 20 сәуір № 220 Тұрғын үй комиссиясы туралы Ережені бекіту туралы қаулысымен БЕКІТІЛДІ Тұрғын үй комиссиясы туралы Ереже

1. Жалпы ережелер.

1. Тұрғын үй комиссиясы (бұдан әрі - комиссия), Петропавл қаласының әкімдігі жанындағы консультативтік-кеңестік орган болып табылады. Өз қызметінде «Тұрғын үй қатынастары туралы» Қазақстан Республикасының Заңын, Қазақстан Республикасы Үкіметінің «Мемлекеттік тұрғын үй қорынан тұрғын үй беру, жалдау және пайдалану тәртібі туралы» 1999 жылғы 2 қыркүйектегі №1292 қаулысын және басқа да нормативтік-құқықтық актілерді басшылыққа алады. Тұрғын үй комиссиясының құқықтық мәртебесін, функцияларын, құзырын және өкілеттігін анықтайды.

2. Комиссияның қызметін ұйымдастыру

2. Комиссияның жұмысын оның төрағасы немесе төрағаның тапсырмасы бойынша оның орынбасары басқарады. Комиссия барлық мүшелерінің 2/3 бар болған жағдайда құқылы болады. Комиссияның шешімі қатысушы мүшелерінің дауысының көпшілігімен қабылданады.

3. Комиссия отырысы түскен өтініштер санына байланысты, айына кемінде бір рет жүргізілу керек.

4. Комиссияның отырысы барысында хаттама жасалады, оны хатшы жүргізеді, хаттаманың түйіндік бөлігінде жұмыс нәтижелері шешім түрінде жазылады. Хаттамаға комиссияның барлық мүшелері қол қояды.

3. Комиссияның құзыры

5. Комиссия өзіне жүктелген міндеттерге сәйкес мынадай функциялар атқарады: баспанаға мұқтаж азаматтардың есепке алу туралы өтініштерін қарайды; ерекше жағдайларда, баспананың меншік иесінің отбасы мүшелері ретінде басқа тұлғаларды таниды; бөлек тізімдері бойынша, атап айтқанда аз қамтылған әлеуметтік қорғалатын азаматтардың тізімдері және мемлекеттік қызметшілердің, басқа бюджеттік ұйымдар мен әскери қызметшілердің тізімдері бойынша баспана беру кезектілігін анықтайды.

6. Комиссия өз қызметінде қала әкімдігіне есеп береді және оның, бақылауында болады.