Об определении чрезвычайных ситуации Күшін жойған

Төтенше жағдай жариялау туралы Қазақстан Республикасының "Қазақстан Республикасындағы жергілікті мемлекеттік басқару туралы", "Табиғи және техногендік сипаттағы төтенше жағдайлар туралы" және "Өрт қауіпсіздігі туралы" Заңдарын басшылыққа ала отырып, ормандар мен далалық жерлердегі өрттерді сөндіруге күш пен құралдарды, материалдық-техникалық ресурстарды тарту жөніндегі қосымша шараларды шұғыл жүргізу мақсатында облыс әкімдігі ҚАУЛЫ ЕТЕДІ:

1. Облыс аумағында табиғи өрттерден қалыптасқан жағдай төтенше деп жариялансын.

2. Батыс Қазақстан облыстық төтенше жағдайлар жөніндегі басқарма, төтенше жағдайлардың алдын алу және жою жөніндегі облыстық комиссия:

1) өрт ошақтарын сөндіру үшін меншіктің түріне қарамастан кәсіпорындар мен ұйымдардан қажетті күштер мен құралдарды тартсын;

2) құтқару жұмыстарын жүзеге асырсын, қажет болған жағдайда табиғи өрт аймақтарынан тұрғындарды көшіру жөнінде шұғыл шараларды алсын;

3) орындалған жұмыстардың барысы туралы облыс әкімін ұдайы хабардар етсін.

3. Осы қаулының орындалуын бақылау облыс әкімінің орынбасары С. П. Качалоға жүктелсін.