Об установлении водоохранных зон и полос поверхностных водных объектов на территории Костанайской области Күшін жойған

Қостанай облысының аумағында жер бетіндегі су объектілерінің су қорғау аймақтары мен белдеулерін белгілеу туралы Қазақстан Республикасының Су Кодексінің 39 және 116-баптары және Қазақстан Республикасы Үкіметінің 2004 жылғы 16 қаңтардағы № 42 «Су қорғау аймақтары мен белдеулерін белгілеу Ережесін бекіту туралы» қаулысына сәйкес жер бетіндегі судың ластануын, қоқыстануы мен сарқылуын болдырмау, санитарлық-эпидемиологиялық және экологиялық талаптарға сәйкес су объектілері мен су шаруашылығы имараттарын ұстау мақсатында Қостанай облысының ҚАУЛЫ ЕТЕДІ:

1. Қостанай облысының аумағында жер бетіндегі су объектілерінің су қорғау аймақтары мен белдеулерін ең тар ені белгіленсін: ведомстволық бағыныстылығына және меншігіне қарамай су объектілерінің барлық түрі үшін су қорғау аймағы – 500 метр, оның ішінде су қорғау белдеуі 100 метр; Жоғары-Тобыл және Қаратомар су қоймалары және Тобыл өзені үшін су қорғау аймағы – 1000 метр.

2. Су қорғау аймақтары мен белдеулерін шаруашылыққа пайдаланудың келесі тәртіптемесі бекітілсін:

1) 500 (1000) метрлік су қорғау аймақтары шегінде тиым салынады: тыңайтқыштар, улы химикаттар және мұнай өнімдерін, пестицидтерді сақтайтын қоймалар, техникалық жөндеу пункттерін және автокөліктерді, ауыл шаруашылығы техникаларын жууға, механикалық шеберханалар, күл-қоқыс, көң, тұрмыстық және өндіріс қалдықтарын, өлген мал сақтайтын орын, бензинмен жүретін автокөліктер үшін жанармай құю аландарын, авиациялық химиялық жұмыстар жүргізу үшін ұшып-қонатын алаңды салу және орналастыру, сондай-ақ судың сапасына зиянды әсерін тигізетін басқа да объектілер; мал жаюға, санитарлық емдеуге және шомылдыруға; егіс алқаптарын авиациялық өндеу, су жиегінен 2000 метрге дейін ағаш алқаптарын отырғызуға;

2) 100 метрлік су қорғау белдігінде тиым салынады: жерді жыртуға, ағаш бұталарды кесуге, органикалық және минералдық тыңайтқыштарды, улы химикаттарды және пестицидтерді қолдануға, палаталық қалашықтард, автокөліктердің қалыпты тұрағын, жазғы лагерлерді салуға, машиналарды жууға; су қорғау аймақтары мен белдеулерін ластандырмауды қамтамасыз ете алмайтын объектілерді пайдалануға; құрылыс, су табанын тереңдететін және қопарғыш жұмыстар жүргізуге, пайдалы қазбаларды игеруге, кабелдер, құбырлар тартуға және басқа да жұмыстарды жүргізу.

3. Қалалар мен аудандар әкімияттары:

1) су қорғау аймақтары мен белдеулерінде шаруашылық қызметті жүзеге асыруға тиым салынған жағдайлардың сақталуын; тұрмыстық қатты қоқыстар үлгілк полигондарын, көн, мал өліктерін көметін орындар басқа жерге көшірілуін; су жағаларын жоспарлы – жүйелі түрде тазартуды ұйымдастыру қамтамасыз етсін;

2) су қорғау аймақтары мен белдеулері шегінде Қазақстан Республикасының заңдарында белгіленген шаруашылық іс-әрекетін шектейтін тәртіптеме және пайдаланудың ерекше жағдайы енгізілсін;

3) су қорғау аймақтары мен белдеулері шегінде орналасқан елді мекенде су пайдалану тәртібін сақтап, су объектілерінің ластануын, қоқыстануын болдырмау қамтамасыз етілсін;

4) су қорғау аймақтары мен белдеулері және олардың шегіндегі аумақты пайдалану тәртіптемесі туралы ақпарат барлық мүдделі, мекемелер, шаруашылық субъектілері мен азаматтарға жеткізілсін;

5) су қорғау аймағы мен белдеулері шегінде орналасқан мекеме, ұйым, басқа да субъектілері шаруашылық басшыларымен бірлесе отырып осы қарамастан, санитарлық жағдайы мен шаруашылыққа пайдаланудың тәртіптемесін сақтау қамтамасыз етілсін.

4. Суды қорғау тәртіптемесін сақтаған жағдайда су қорғау белдеулері шегінде орналасқан және бау-бақшасы, үй іргесінде телімі бар тұлғалар бұрынғыша қала береді.

5. Осы қаулының орындалуын бақылау облыс әкімінің бірінші орынбасары В.В. Мейстерге жүктелсін.

6. Қостанай облысы әкімінің 1997 жылғы 14 сәуірдегі № 47 «Су қорғау аймағы мен белдеуі туралы» шешімінің күші жойылсын.