Об утверждении правил содержания кошек, собак и других животных на территории Алтынсаринского района Күшін жойған

Алтынсарин ауданының аумағында мысықтарды, иттерді және басқа жануарларды күтіп ұстау ережесін бекіту туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6-бабы 1-тармағы 8) тармақшасы, Қазақстан Республикасының «Әкімшілік құқық бұзушылық туралы» Кодексінің 3-бабы 2-тармағына және Қазақстан Республикасының «Ветеринария туралы» Заңының 10-бабы 2-тармағына сәйкес, Алтынсарин аудандық мәслихаты ШЕШТІ:

1. Алтынсарин ауданының аумағында мысықтарды, иттерді және басқа жануарларды күтіп ұстау ережесі бекітілсін (қоса берілген).

2. Алтынсарин аудандық мәслихатының 2004 жылғы 25 маусымдағы № 62 «Алтынсарин ауданының аумағында мысықтарды, иттерді және басқа жануарларды күтіп ұстау ережесін бекіту туралы" шешімінің, Қостанай облысының әділет департаменті қайта өндеуге жіберуіне байланысты, күші жойылсын.

3. Осы ереженің орындалуына бақылау жасау құқық тәртібі және қоғамдық ұйымдардың қызметін қалыптастыру мәселелері жөніндегі аудандық мәслихаттың тұрақты комиссиясына жүктелсін.

Алтынсарин аудандық мәслихатының 2004 жылғы 28 шілдедегі № 68 "Алтынсарин ауданының аумағында мысықтарды, иттерді және басқа жануарларды күтіп ұстау ережесін бекіту туралы" шешіміне қосымша Алтынсарин ауданының аумағында мысықтарды, иттерді және басқа жануарларды күтіп ұстау ережесі

1. Жалпы ережелер

1. Осы Ереже Алтынсарин ауданы аумағындағы үй жануарларын, атап айтқанда мысықтарды, иттерді, басқа жануарларды және құстарды күтіп ұстауды реттеу мақсатымен әзірленді және осы ережені бұзған заңды тұлғалар мен жеке адамдарға жауапкершілік белгіленеді.

2. Осы ереже меншік нысанына қарамастан мысықтарды, иттерді, басқа жануарларды және құстарды асырайтын заңды тұлғаларға және жеке адамдарға қатысты.

3. Осы ереже «Қазақстан Республикасындағы жергілікті мемлекеттік басқару туралы» Қазақстан Республикасының Заңына, «Әкімшілік құқық бұзушылық туралы» Қазақстан Республикасының Кодексінің және «Ветеринария туралы» Қазақстан Республикасының Заңына сәйкес әзірленді.

4. Осы Ереженің орындалуына бақылау жасауды аудандық ішкі істер бөлімі жүзеге асырады, олар Ережені сақтамаған тұлғаларды әкімшілік жауапкершілікке тарту сауалдарын шешеді.

2. Мысықтарды мен иттерді күтіп ұстау

5. Жануарларды ұстайтын иелері үй жануарларын күтіп ұстауда санитарлық-гигиеналық, ветеринариялық ережені сақтауға міндетті.

6. Иттерді аулада ұстаған кезде олардың қашып кетпеуін және көршілердің аулаларынан қашықтықта ұстауға, иелері міндетті. Аулаға кірерде қақпада иттері бар туралы сақтық жазба болуға тиісті. Иттер мен мысықтар ұстау саны шектеусіз, бірақ көршілерге ыңғайсыз жағдай келтірмеу керек.

7. Көшелерде және басқа қоғамдық жерлерде иесіз жүрген иттер ұстап алынады. Сондай-ақ қараусыз үй жануарлары да ұстап алынады.

8. Жануарлар иелеріне, жануарларды күтіп ұстағаны үшін ақша төлеген түбіртегін көрсеткенде, қайтарылады.

9. Иттер, мысықтар, басқа жануарлар қоғамдық жерлерде иесінсіз жүрсе, дүкен, аурухана маңайына иелері байлап қойғанынан басқалары, қараусыз болып саналады.

3. Жануарлардың иелерінің міндеттері

10. Жануарлардың иелері міндетті:

1) жануарларды олардың биологиялық ерекшеліктерімен сәйкес ұстау, адамгершілікпен қарау, қараусыз қалдырмау. Ауырып қалған жағдайда уақытында ветеринарлық жәрдем көрсету;

2) осы Ереженің талаптарына сәйкес жануарлардың күтіп ұсталуын қамтамасыз ету;

3) қоршаған ортаның қауіпсіздігін қамтамасыз етуге, тыныштықты, санитарлық ережені сақтау шараларын қолдануға;

4) жалпы пайдалану орындардың және басқа қоғамдық орындардың ластануына жол бермеу;

5) жануарлар адамды немесе жануарларды тістеп алған кезде иелері тез уақытта жақын маңайдағы медициналық жөне ветеринарлық мекемелерге бүл туралы хабарлау, жануарларды мемлекеттік ветеринарлық қызметке тексерту және карантинде ұстауға міндетті;

6) жануарлардың мәйіттерін қоқыстар үйіндісіне тастамау. Өлген жануарлардың мәйіттері жойылуы керек.

11. Малдар мен құстардың иелері жануарлардың және құстардың қалдықтарын үздіксіз тазарту, оларды қоқыстар үйіндісіне шығару немесе олар жойылуы керек.

12. Жануарлардың иелері паразит тасымалдаушы жәндіктердің және кеміргештердің пайда болуына шара қолдану, жануарларды және құстарды қараусыз қалдырмау, олардың қаңғырып кетпеуіне жол бермеуге міндетті.

13. Жануарлардың иелері белгіленген уақытта міндетті ветеринарлық шараларды қолдану, карантин тәртібін сақтау, жануарлардың жұқпалы ауруларын жою жөнінде шараларды қолдануға міндетті.

4. Ауылшаруашылық үй жануарларын күту

14. Үй жануарлары мен құстар аулада арнайы салынған және бейімделінген орындарда, көршілерге ыңғайсыз жағдай келтірмей ұсталуы керек.

15. Ауылшаруашылық жануарлар мен құстардың иелері зоотехникалық және ветеринарлық-санитарлық күту талаптарын сақтауға, қоршаған ортаны ластамауға міндетті.

16. Қораларды тоқсан сайын әкпен ақтау және кемінде жылына 1 рет уытсыздандыру. Көңді, қалдықтарды, қоқыстарды уақытында осы үшін арнайы белгіленген орындарға шығару.

17. Малдарды көшелерде, алаңдарда, саябақтарда және басқа жалпы қоғамдық жерлерде бағуға, бос жіберуге тыйым салынады.

5. Жануарлардың иелерінің ережені бұзғаны үшін жауапкершілігі

18. Осы ережені бұзған кінәлі заңды тұлғалар мен жеке адамдар "Әкімшілік құқық бұзушылық туралы" Қазақстан Республикасының Кодексінің 310, 311-баптарына және "Ветеринария туралы" Қазақстан Республикасының Заңына сәйкес жауапкершілікке тартылады. Ветеринария туралы заңдылықты мына түрде бұзса: ауру жұқтыратын малдарды жою бойынша мал дәрігерлік - санитариялық іс - шараларды өткізуге қарсы болса; ауру жұқтыратын малды тарату; малды өндіру - өсіру кезінде мал дәрігерлік-санитариялық ережелерді сақтамау; мал дәрігерлік саласында індеттің немесе өзге де ауыр зардаптардың таралуына әкеп соқпаған басқа да нормативтік-құқықтық актілерді бұзса, сондай-ақ індетке қарсы мәселелері жөніндегі жергілікті өкілді және атқарушы орғандардың шешімдерін бұзу — азаматтарға айлық есептік көрсеткіштің беске дейінгі мөлшерінде, лауазымды адамдарға — жиырмаға дейінгі мөлшерінде, заңды тұлғаларға жүзге дейінгі мөлшерінде айыппұл салуға әкеп соғады. Айыппұл салу туралы қаулыны аудандық ішкі істер бөлімі жазады.

19. Материалдық шығын болған кезде зәбірленуші оны орнына келтіру мақсатында сотқа жүгінуге құқығы бар.