Вопросы Агентства Республики Казахстан по государственным закупкам Күшін жойған

Қазақстан Республикасы Мемлекеттік сатып алу жөніндегі агенттігінің мәселелері 📌 Ескерту. Күші жойылды - ҚР Үкіметінің 03.09.1999 № 1301 (қол қойылған күнінен бастап күшіне енеді) қаулысымен. Қазақстан Республикасы Президентінің "Қазақстан Республикасының Мемлекеттік сатып алу жөніндегі агенттігін құру туралы" 1998 жылғы 14 желтоқсандағы N 4173 Жарлығына сәйкес Қазақстан Республикасының Үкіметі ҚАУЛЫ ЕТЕДІ:

1. 📌 ЕСКЕРТУ. 1-тармақ және ережемен құрылым күшін жойды - ҚР Үкіметінің 1999.03.26. N 304 қаулысымен.

2. Қазақстан Республикасының Мемлекеттік сатып алу жөніндегі агенттігі қызметкерлерінің штат саны 23 адам болып белгіленсін.

3. Қазақстан Республикасының Мемлекеттік сатып алу жөніндегі агенттігінің төрағасына бір орынбасары, сондай-ақ 5 адам санында алқа болуға рұқсат етілсін.

4. Қазақстан Республикасының Мемлекеттік сатып алу жөніндегі агенттігі үшін 2 қызметтік жеңіл автокөлік лимиті белгіленсін.

5. Қазақстан Республикасының Қаржы министрлігі республикалық бюджетте орталық атқарушы органдарды ұстауға көзделген қаржының есебінен Қазақстан Республикасының Мемлекеттік сатып алу жөніндегі агенттігін қаржыландыруды қамтамасыз етсін.

6. Қазақстан Республикасы Үкіметінің "Қазақстан Республикасы Энергетика, индустрия және сауда министрлігінің Мемлекеттік сатып алу жөніндегі департаменті туралы ережені бекіту туралы" 1998 жылғы 16 қыркүйектегі N 903 қаулысының (Қазақстан Республикасының ПҮАЖ-ы, 1998 ж., N 33, 293-құжат) күші жойылған деп танылсын.

7. Осы қаулы қол қойылған күнінен бастап күшіне енеді.