Об утверждении положения о Дисциплинарном совете Мангистауской области Қолданыста

Маңғыстау облысының Тәртіптік кеңесі Ережесін бекіту туралы Қазақстан Республикасының "Қазақстан Республикасындағы жергілікті мемлекеттiк басқару туралы" 2001 жылғы 23 қаңтардағы № 148 Заңына , Қазақстан Республикасы Үкiметiнiң "Облыстардың, Астана және Алматы қалаларының тәртiптiк кеңестерiнiң кейбiр мәселелерi" 2002 жылғы 13 желтоқсандағы № 1311 қаулысына және Қазақстан Республикасы Үкiметiнiң "Қазақстан Республикасы Үкiметiнiң 2002 жылғы 13 желтоқсандағы № 1311 қаулысына өзгерістер мен толықтырулар енгізу туралы" 2004 жылғы 19 мамырдағы № 556 қаулысына сәйкес, облыс әкімияты ҚАУЛЫ ЕТЕДI:

1. Қоса беріліп отырған Маңғыстау облысының Тәртіптік Кеңесі туралы ереже жаға редакцияда бекітілсін.

2. Мыналар күші жойылды деп танылсын:

1) Маңғыстау облысы әкімиятының "Маңғыстау облысының Тәртіптік кеңесі ережесін бекіту туралы" 2003 жылғы 25 ақпандағы № 51 (№ 1409 тіркелген) қаулысы .

2) Маңғыстау облысы әкімиятының "Маңғыстау облысы әкімиятының 2003 жылғы 25 ақпандағы № 51 қаулысына өзгерістер мен толықтырулар енгізу туралы" 2004 жылғы 29 қаңтардағы № 11 (№ 1622 тіркелген) қаулысы .

Қосымша Маңғыстау облыс әкімиятының 2004 жылғы 10 тамыздағы № 170 қаулысымен бекітілген Маңғыстау облысының тәртіптік кеңесі туралы ЕРЕЖЕ Қазақстан Республикасы Үкiметiнiң 2002 жылғы 13 желтоқсандағы № 1311 қаулысымен бекітілген облыстардың, Астана және Алматы қалаларының тәртіптік кеңесі туралы Үлгі ережеге және Қазақстан Республикасы Үкіметінің "Қазақстан Республикасы Үкіметінің "Қазақстан Республикасы Үкіметінің 2002 жылғы 13 желтоқсандағы № 1311 қаулысына өзгерістер мен толықтырулар енгізу туралы" 2004 жылғы 19 мамырдағы № 556 қаулысына сәйкес әзірленген осы Ереже Маңғыстау облысының Тәртіптік кеңесінің мәртебесін, өкілеттігін және қызметінің тәртібі әрі оны ұйымдастыруды әрi айқындайды.

1. Маңғыстау облысының Тәртіптік кеңесі (бұдан әрi - Кеңес) Қазақстан Республикасы Мемлекеттік қызмет істері жөніндегі агенттігі (бұдан әрі - Агенттік) қызметiн үйлестiретiн, бақылайтын және тексеретін консультативтік-кеңесші орган болып табылады.

2. Кеңес өз қызметін Қазақстан Республикасының Конституциясына , Қазақстан Республикасының заңдарына, Қазақстан Республикасы Президентінің және Қазақстан Республикасы Үкіметінің кесімдеріне, өзге де нормативтік құқықтық кесімдерге, осы Ережеге сәйкес жүзеге асырады және заңдылық, ақиқаттылық, әрi әділдік қағидаттарын басшылыққа алады.

3. Кеңестің негізгі міндеттері:

1) облыс әкiмiнiң, қалалар мен аудандар әкімдерінің, жергілікті бюджеттен қаржыландырылатын атқарушы органдар, құқық қорғау органдары және басқа да аумақтық, мемлекеттік органдар (бұдан әрi - мемлекеттiк органдар) және мемлекеттік ұйымдар басшыларының қарауына осы Ереженің 10-тармағында көрсетiлген адамдарды тәртіптік жауапкершілікке әкеп соқтыратын Қызметтiк этика ережесін немесе сыбайлас жемқорлық, жасап құқық бұзғаны үшін тәртіптік жауапкершілікке тарту туралы ұсынымдар енгізу;

2) облыс әкіміне, сондай-ақ қалалар мен аудандар әкімдері мен мемлекеттік органдарының басшыларына облыста мемлекеттік тәртіпті нығайту, осы Ереженің 10-тармағында аталған адамдардың сыбайлас жемқорлыққа қарсы заңнама мен Қызметтiк этика ережесi талаптарын сақтауы жөнінде ұсынымдар мен ұсыныстар әзірлеу;

3) Қазақстан Республикасы Президентінің жанындағы Сыбайлас жемқорлыққа қарсы күрес және мемлекеттік қызметшілердің қызметтік этиканы сақтауы мәселелері жөніндегі комиссияның және Агенттіктің тапсырмаларын, азаматтардың арыздарын, бұқаралық ақпарат құралдарының хабарламаларын, сондай-ақ өзге де көздерден алынған сыбайлас жемқорлыққа қарсы заңнама мен Қызметтiк этика ережесiнің бұзылу фактілері туралы ақпаратты қарау;

4) Агенттіктің қарауына сыбайлас жемқорлыққа қарсы күресті ұйымдастырудың және осы Ереженің 10-тармағында аталған адамдардың Қызметтiк этика ережесiн сақтауының тиімділігін арттыруға бағытталған ұсыныстар енгізу болып табылады.

4. Кеңесті облыс әкімияты құрады әрi ол төраға мен мәслихаттар депутаттары, жергілікті жұртшылық өкілдері және аумақтық мемлекеттік органдар басшылары болып табылатын Кеңестiң мүшелерінен тұрады. Кеңес мүшелерінің саны тақ болуға және 7 адамнан кем болмауға тиіс. Кеңестiң төрағасын облыс әкiмi Агенттік төрағасымен келісім бойынша қызметке тағайындайды және қызметтен босатады, әрi ол облыс әкімінің орынбасары лауазымына теңестіріледі. Кеңес Төрағасы мен хатшылықтың меңгерушісі мемлекеттік қызметшілер болып табылады. Хатшылықтың меңгерушісі облыс әкімі аппараты жалпы санынан бөлініп шығарылады, ол Кеңестің хатшысы болып табылады және облыс әкімі аппаратының бөлім меңгерушісі лауазымына теңестіріледі. Хатшылықтың меңгерушісі мемлекеттік қызмет туралы заңнамаға сәйкес қызметке тағайындалады және қызметтен босатылады. Кеңестiң мүшелері өз міндеттерін қоғамдық негізде жүзеге асырады және мәжiлiстерге ауыстыру құқығынсыз қатысады.

5. Кеңестiң төрағасы:

1) Кеңестің жеке құрамы бойынша ұсыныстарын облыс әкімінің қарауына енгізеді;

2) Кеңес қызметін ұйымдастырады және оған басшылықты жүзеге асырады;

3) Кеңес мәжілiстерiнің күн тәртібін белгілейді;

4) Кеңес мәжілiстерiн шақырады және оларда төрағалық етеді;

5) Кеңес мүшелері iшiнен Кеңес мәжілiсiнде қаралатын нақты мәселе бойынша баяндамашыны белгілейді;

6) тоқсан сайын Комиссия алдында Кеңес жұмысының қорытындысы туралы, соның ішінде мемлекеттік қызметшілер жасаған сыбайлас жемқорлық құқық бұзушылық бойынша қабылданған шаралар туралы есеп бередi;

7) тоқсан сайын облыс әкімін Кеңес жұмысының қорытындылары туралы хабардар етеді;

8) Қазақстан Республикасының заңнамасымен оған берілген өзге де өкілеттіктерді жүзеге асырады.

6. Кеңестiң мәжілiстерi:

1) егер оларға Кеңес мүшелері жалпы санының кемінде үштен екісі қатысса, құқылы болып саналады;

2) қажеттігіне қарай, бірақ кемiнде екі айда бір рет өткізіледі;

3) ашық өткізіледі, қажет болған жағдайда, егер қаралатын мәселелер мемлекеттік құпияларды қозғаса, Кеңес төрағасының шешімі және Агенттікпен келісім бойынша жабық өткізілуі мүмкін.

7. Кеңес оның мүшелерінің мәжілiске қатысқан санының қарапайым көпшілік дауысымен шешiмдер қабылдайды. Дауыстар тең болған жағдайда төрағалық етушінің дауысы шешуші болып табылады. Кеңес төрағасы болмаған жағдайда, оның тапсырмасы бойынша мәжілiсте Кеңес мүшелерінің біреуі төрағалық етеді.

8. Кеңес өз құзыреті шегінде мыналарға құқылы:

1) өз мәжілiстерiнде мемлекеттік органдардың, олардың бөлімшелері мен мәслихаттар аппараттарының басшылары мен лауазымды адамдарын тыңдауға;

2) қолданыстағы заңнамаға сәйкес жергілікті атқарушы, құқық қорғау және аумақтық мемлекеттік органдардан, мәслихаттар аппараттарынан, сондай-ақ өзге де ұйымдардан олардың алдына қойылған міндеттерді орындау үшін қажетті құжаттарды, материалдарды және ақпаратты сұратуға;

3) осы Ереженің 10-тармағында көрсетiлген адамдардан ауызша және жазбаша түсіндiрме талап етуге;

4) осы Ереженің 10-тармағында көрсетiлген адамдардың сыбайлас жемқорлыққа қарсы күрес заңнама нормаларын және Қызметтiк этика ережесін бұзуы фактілері бойынша тексерулер және қызметтік тергеулер жүргiзу туралы мемлекеттік органдар басшыларына ұсыныстар енгізуге;

5) қорытынды беру үшін сарапшылар мен мамандарды, мемлекеттік органдар қызметкерлерін тартуға;

6) Агенттік аумақтық органдарымен сыбайлас жемқорлыққа қарсы теріс қылықтарды қарау мәселелері бойынша өзара іс-қимылды жүзеге асыруға.

9. Хатшылықтың меңгерушісі қз құзыреті шегінде кеңес төрағасының өкімімен тексерулер жүргізеді, осы Ереженің 10 тармағында көрсетілген адамдарға қатысты тәртіптік істерді қарау үшін материалдар дайындайды және Кеңес алдында тұрған міндеттерді қамтамасыз ету үшін өзге де функцияларды жүзеге асырады.

10. Кеңес сыбайлас жемқорлыққа қарсы заңнаманы және Қызметші этика ережесiн бұзуға жол берген аудандарды (облыстық маңызы бар қалалар), аудандық маңызы бар қалаларды, поселкелерді, селоларды (ауылдарды), селолық (ауылдық) округтерді әкімдеріне; орталық мемлекеттік органдарды аумақтық бөлімшелерінің және жергілікті сот кеңселерінің (басшылар мен олардың орынбасарларынан басқа), жергілікті бюджеттен қаржыландырылатын мемлекеттік органдардың, әкімшілік мемлекеттік қызметшілеріне, сондай-ақ тәртіптік жауапкершілікке әкеп соғатын сыбайлас жемқорлыққа құқық бұзушылығын жасаған мемлекеттiк органдарды мен мемлекеттік ұйымдардағы немесе жарғылық капиталындағы мемлекеттік меншіктің жалпы үлесі кемiнде отыз бес пайыз құрайтын ұйымдардағы мемлекеттік функцияларды орындауға уәкілетті өзге де адамдарға және оларға теңестірілген адамдарға, аумақтық құқық қорғау органдары мен арнайы қызметтердің лауазымды адамдарына қатысты тәртіптiк істерді қарайды. Кеңес прокуратура, ұлттық қауіпсіздік органдары қызметкерлеріне қатысты тәртіптік істерді қарамайды.

11. Қазақстан Республикасы Президентінің жанындағы Сыбайлас жемқорлыққа қарсы күрес және мемлекеттік қызметшілердің қызметтік этиканы сақтауы мәселелері жөніндегі комиссияның және Агенттіктің тапсырмаларын, азаматтар мен заңды тұлғалардың арыздарын, сондай-ақ бұқаралық ақпарат құралдарының хабарламаларын қарауды, қорытындылары бойынша Кеңес уәкілетті органға немесе лауазымды адамға тексеру жүргізудi ұсынуы мүмкiн.

12. Кеңес төрағасы қозғаған тәртіптік істi ол іс қозғауға қабылданған күнiнен бастап екі аптаға дейінгі мерзімде Кеңес қарауы тиіс. Кеңестің мәжілiсiнде тәртіптік істі қарағанға дейін оның хатшылықтың меңгерушісі алдын-ала бір айға дейінгі мерзімде іске қатысы мән-жайлар мен мәліметтер зерделенетін тексеру жүргізіледі, тәртіптік жауапкершiлiкке тартылатын адамдардан жазбаша түсінiктемелер талап етiледi, ал Кеңестiң мәжілiсiнде тәртіптік істі қарау, әдетте, оларды қатысуымен өтедi.

13. Тәртіптік істі қараудың қорытындылары бойынша Кеңес мынадай шешімдердің біреуін шығаруы мүмкін:

1) мемлекеттік органдар мен мемлекеттік ұйымдардың басшыларына осы Ережені 10-тармағында көрсетілген адамдарға тиісті тәртіптік жаза қолдануды ұсынады;

2) мәнiсті шешім қабылдау үшін тәртіптік іс материалдарын құзыреттi мемлекеттік органның немесе лауазымды адамның қарауына жібередi;

3) тәртіптік істі тоқтатады.

14. Осы Ереженің 10-тармағында көрсетiлген адамның iс-әрекетінде қылмыс белгілері болған жағдайда, Кеңес тиісті құжаттар мен материалдарды белгіленген тәртіппен осы адамды қылмыстық жауапкершiлiкке тарту туралы мәселені шешу үшін құқық қорғау органдарына жібереді. Кеңес материалдар мен құжаттардың құқық қорғау органдарына жіберілгені туралы Агенттікті хабардар етеді.

15. Кеңес қабылдаған шешіммен келіспеген мемлекеттiк қызметшілер мен осы Ережені 10-тармағында көрсетiлген өзге де адамдар, оған Қазақстан Республикасының қолданыстағы заңнамасына сәйкес шағым беруге құқылы.

16. Кеңес пен оның хатшылықты меңгерушісі қызметін материалдық-техникалық, ұйымдастырушылық және ақпараттық-талдамалық қамтамасыз етуді облыс әкімінің аппараты жүзеге асырады.