О создании районного совета по делам инвалидов Қолданыста

Мүгедектердің ісі жөніндегі аудандық кеңес құру туралы Қазақстан Республикасының 2001 жылғы 23 қаңтардағы «Қазақстан Республикасында жергілікті мемлекеттік басқару туралы» Заңына сәйкес және Қазақстан Республика Үкіметінің 2001 жылғы 29 желтоқсандағы № 1758 қаулысымен бекітілген мүгедектерді оңалтудың 2002 – 2005 жылдарға арналған Бағдарламасын іске асыру жөніндегі іс-шаралар жоспарын іске асыру мақсатында аудан әкімдігі ҚАУЛЫ ЕТЕДІ:

1. Мүгедектер ісі жөніндегі аудандық кеңес (бұдан әрі кеңес) құрылсын.

2. Кеңестің қоса беріліп отырған Ережесі бекітілсін.

3. Кеңестің дербес құрамы заңнамада белгіленген тәртіпте аудандық мәслихаттың сессиясына бекітуге берілсін.

4. Осы қаулының орындалуына бақылау жасау аудан әкімінің орынбасары Н.В. Вострейкоға жүктелсін.

Качир аудан әкімдігінің 2004 жылғы 5 тамыздағы «Мүгедектер ісі жөніндегі аудандық кеңес құру туралы» № 226/7 қаулысымен бекітілген Мүгедектер ісі жөніндегі аудандық Кеңестің Ережесі

1. Жалпы ережелер

1. Мүгедектер ісі жөніндегі аудандық Кеңестің (бұдан әрі - Кеңес) аудан әкімдігі жанындағы консультативтік – кеңес беруші орган болып табылады. Кеңесті құрудағы мақсат мүгедектерді әлеуметтік қорғау мәселелерді мемлекеттік органдардың, қоғамдық және қайырымдылық ұйымдардың қызметтерін үйлестіру жөніндегі ұсыныстарды пысықтау болып табылады.

2. Кеңес өз қызметінде Қазақстан Республикасының Конституциясын, Қазақстан Республикасының Заңдарын, Қазақстан Республикасы Президенті мен Үкіметінің, әкімдіктің және аудан әкімінің актілерін, басқа да нормативтік құқықтық актілерді, сондай-ақ осы Ережені басшылыққа алады.

2. Кеңестің негізгі міндеттері мен функциялары

3. Мыналар:

1) қоғамда мүгедектерді оңалту үшін жағдайлар жасау және мүгедектің деңгейін төмендету;

2) мүгедектік және мүгедектер мәселелерімен айналысатын қоғамдық ұйымдармен өзара іс-қимыл жасау;

3) мүгедек мәселелері жөнінде ұсыныстар дайындау.

4. Кеңестің негізгі міндеттері мыналар:

1) мүгедектерге кешенді оңалтуды қамтамасыз ету, практикалық іс-шараларды қамтамасыз ету;

2) жергілікті мемлекеттік органдардың мүгедектердің алдын - алу, оңалту, әлеуметтік қорғалуы, білім алуы кәсіптік даярлануы, мүгедектердің жұмыспен қамтылуы мәселелері жөніндегі іс-қимылын үйлестіру үшін ұсыныстарды пысықтау;

3) білім, денсаулық сақтау, еңбек және халықты әлеуметтік қорғау, туризм және спорт жүйелері ұйымдарының мүгедектерді оңалту мәселелері жөнінде жұмыстың нысандары мен әдістерін жетілдіру;

4) мүгедектерді оңалтудың 2004 – 2005 жылдарға арналған аудандық бағдарламасының жүзеге асырылуын бақылау.

3. Кеңестің негізгі құқықтары

5. Кеңес:

1) мүгедектерді әлеуметтік қорғау мәселелерінде жергілікті бюджеттерден қаржыландырылатын атқарушы органдардың, қоғамдық және қайырымдылық ұйымдардың қызметін үйлестіру жөнінде ұсыныстарды әзірлеуге;

2) мүгедектік және мүгедектер проблемаларымен айналысатын қоғамдық ұйымдармен өзара іс-қимыл жасауға;

3) жергілікті бюджеттерден қаржыландырылатын атқарушы органдардан, қоғамдық ұйымдардан, кәсіподақ бірліктері мен жұмыс берушілерден (келісім бойынша) мүгедектік және мүгедектер проблемалары жөнінде ұсынымдар мен ұсыныстар әзірлеу мақсатында ақпарат сұратуға және алуға;

4) өз шешімдерінің орындалуына бақылау жасауға;

5) жергілікті бюджеттерден қаржыландырылатын атқарушы органдар, кәсіподақ бірлестіктер, жұмыс берушілер, қоғамдық ұйымдар (келісім бойынша) белгіленген мерзімде қарау және жүзеге асыру үшін міндетті келісілген ұсыныстарды қабылдауға.

4. Кеңес қызметін ұйымдастыру

6. Кеңесті төраға басқарады. Кеңес отырыстарын қажетіне қарай, кем дегенде тоқсанына бір рет төраға немесе оның тапсырмасы бойынша төрағаның орынбасары шақырады.

7. Кеңестің жұмысын ұйымдастыруды, тиісті материалдар мен ұсыныстарды дайындауды кеңес хатшысы қамтамасыз етеді. Кеңес өз қызметін қоғамдық негізде жүзеге асырады.

8. Кеңес шешімі ашық дауыспен қабылданады және егер кеңес мүшесінің жалпы санына көбі дауыс берсе ғана қабылданады деп септеледі. Дауыстар тең болған жағдайда төраға дауыс берген жақтың шешімі қабылданған болып есептеледі.

9. Мәжіліс отырыстарының жүргізу нәтижесі бойынша хаттама жасалады, оған отырыста болған кеңес мүшелері қол қояды. Кеңес шешімі ұсынымдық сипатта болады.

10. Аудан еңбек, жұмыспен қамту және халықты әлеуметтік қорғау бөлімі кеңестің жұмыс органы болып табылады.