Об утверждении Порядка включения в (электротехнического происхождения), черного (рельсов, элементов железнодорожного полотна и подвижного состава, бывших в употреблении) лома Қолданыста

Түсті (электротехникалық текті), қара (рельстер, темір ол төсеніштері мен жылжымалы құрамның қолданыстан шыққан элементтері) металдардың сынықтарын тапсыруды жүзеге асыратын мамандандырылған қызмет ұйымдары Тізбесіне енгізу Тәртібін бекіту туралы Қазақстан Республикасы Үкіметінің 2000 жылғы 13 наурыз № 383 қаулысымен бекітілген қара және түсті металдар сынықтары мен қалдықтарын жинау (дайындау), сақтау, қайта өңдеу және сату бойынша қызметті лицензиялау Ережесiнің 4 қосымшасын орындау үшін және 2004 жылғы 29 шілдедегі қайталама қара және т'сті металдар рыногын тәртіпке келтіру мәселелері жөніндегі кеңестің хаттамалық шешімінің 5 тармағы негізінде, ШЕШЕМІН:

1. Қоса беріліп отырған түсті (электротехникалық текті), қара (рельстер, темір ол төсеніштері мен жылжымалы құрамның қолданыстан шыққан элементтері) металдардың сынықтарын тапсыруды жүзеге асыратын мамандандырылған қызмет ұйымдары Тізбесіне енгізудің Тәртібі бекітілсін.

2. Осы шешімнің орындалысын бақылау облыс әкімінің орынбасары А.С.Қасабековке жүктелсін.

Маңғыстау облысы әкімінің 2004 жылғы 14 қыркүйектегі № 54 шешіміне қосымша Түсті (электротехникалық текті), қара (рельстер, темір ол төсеніштері мен жылжымалы құрамның қолданыстан шыққан элементтері) металдардың сынықтарын тапсыруды жүзеге асыратын мамандандырылған қызмет ұйымдары Тізбесіне енгізу Тәртібі (одан әрі - Тізбе)

I Тарау. Ұсынылатын құжаттар тізбесі

1. Заңды тұлғалар, олардың филиалдары мен өкілдіктері (одан әрі - өтініш беруші) облыстық экономика, өнеркәсіп және сауда басқармасына (одан әрі - Жұмысшы орган) арызымен бірге нотариалды куәландырылған мынадай құжаттарды ұсынады:

1) заңды тұлғаның мемлекеттік тіркелуі туралы куәлігі немесе филиалдың есептік тіркелуі туралы куәлігі;

2) статистикалық карта;

3) заңды тұлғаның жарғысы немесе ережесі (филиалдар үшін);

4) салық төлеушінің куәлігі;

5) кәсіпорында жыл бойы жинақталған металдар сынықтарының жағдайы мен көлемін растайтын құжаттар (металдар сынығының санын көрсете отырып жабдықтардың істеп шығару акті, жабдықтар паспорты, металдар сынығының жинақталуының жыл сайынғы жоспарлы көлемі);

6) Қазақстан Республикасы көлік және коммуникация Министрлігінің немесе Қазақстан Республикасы энергетика және минералды ресурстар Министрлігінің ұсынысы;

7) кәсіпорын жүргізетін, металдар сынығын жинақтаушы факторы болып табылатын машиналар мен құжаттардың растайтын құжаттары.

2. Ұсынылған құжаттар бет санын көрсете отырып тігілген, мөрмен бекітілген бірінші басшысының қолы қоюлы болуы тиіс.

II Тарау. Арызды қарау мерзімі

3. Жұмысшы орган құжаттарды қабылдауды, қажетті құжаттар қосымшаларымен қоса арызды тіркеген күннен 30 күн ішінде оларға талдау жасауды және сараптауды жүзеге асырады.

4. Құжаттарды толық көлемде ұсынбау немесе өтініш берушінің сенімсіз мәліметтер ұсыну себептері бойынша Тізбеге енгізуге бас тартқан жағдайда Жұмысшы орган қайтару себебін көрсете отырып, құжаттарды өтініш берушіге кейін қайтарады. Өтініш беруші көрсетілген ескертулерді жойған соң, оны Тізбеге енгізу туралы арызымен қайтадан хабарласуға құқықты.

5. Тізбе Жұмысшы орган жетекшілік жасайтын облыс әкімінің орынбасарымен бекітіледі.

6. Тізбе, оған жаңа субъект енгізу туралы шешім қабылданған шаралар бойынша жаңаланады.

III Тарау. Есептілік

7. Тізімге енгізілген ұйымдардың міндеттері: Жұмысшы органға тоқсан сайын кәсіпорынның металдар сынығын тапсыру жағдайы және көлемі туралы есеп тапсыру; жыл сайын 1 сәуірге дейін Тізбедегі жағдайды растау мақсатында өткен жылғы есепті және металдар сынығын тапсырудың жоспарланған көлемін ұсына отырып, арыз тапсыру.

8. Түсті (электротехникалық текті), қара (рельстер, темір ол төсеніштері мен жылжымалы құрамның қолданыстан шыққан элементтері) металдардың сынықтарын тапсыруды жүзеге асыратын мамандандырылған қызмет ұйымдары Тізбесіне енген ұйымдар аталған Тізбеден мынадай жағдайда шығарылады: оны Тізбеден шығару туралы арыз бергенде; Тізбедегі жағдайды растау мақсатында өткен жылғы есебіне қоса берілген арызды өз уақытында тапсырмағанда.

IV Тарау. Жауапкершілігі

9. Ұсынылған мәліметтер мен материалдардың дұрыстығын өтінім беруші-кәсіпорын толық көлемде жауапкершілігіне алады.

10. Жұмысшы орган белгіленген заң ретімен сұраным бойынша тиісті мемлекеттік органдарды Тізбеге енген кәсіпорындар тізімі туралы хабардар етеді.