О проведении смотра санитарного состояния и благоустройства населенных пунктов области Күшін жойған

Облыс елді мекендерінің көріктендірілуі және санитариялық жай-күйі байқауын өткізу туралы Облыс елді мекендерінің санитарлық жай-күйін жақсарту, халық арасында жұқпалы аурулардың алдын алу мақсатында, Қазақстан Республикасының 2002 жылғы 4 желтоқсандағы №361 «Халықтың санитарлық-эпидемиологиялық салауаттылығы туралы» Заңының 8,9 – баптарына, Қазақстан Республикасының 2001 жылғы 23 қаңтардағы №148-ІІ «Қазақстан Республикасындағы жергілікті мемлекеттік басқару» туралы Заңының 27-бабына сәйкес облыс әкімияты ҚАУЛЫ ЕТЕДІ:

1. 2004 жылғы 10 қыркүйек – 10 қараша аралығында облыс елді мекендерінің көріктендірілуі және санитарлық жай-күйі байқауы жариялансын.

2. Атырау қаласы және аудан әкімдері бөлінген бюджет қаражаты шегінде:

1) кәсіпорындардың, ұйымдар және мекемелердің қатысуымен Атырау қаласы және облыстың елді мекендерін көріктендіру және санитарлық тазалау жөніндегі нақты шараларды әзірлеп, жүзеге асырсын;

2) кәсіпорындарға, ұйымдарға, олардың меншік нысанына қарамастан, аумақтарды, көшелерді, алаңдарды бекітіп беру ұсынылсын;

3) селолық және поселкелік округтердің, кәсіпорындар мен ұйымдардың басшыларына «Таза бейсенбі» ұранымен бекітілген аумақтарды апта сайын жинастыру, көріктендіру және көгалдандыру жұмыстарын жүргізу ұсынылсын;

4) тұрмыстық және басқа беталды пайда болған қоқыс үйінділері түрлерін, металл сынықтарын, құрылыс қалдықтарын елді мекендер аумағынан шығаруды, сондай-ақ бұзылған ғимараттардың орнын тазартуды қамтамасыз етсін;

5) қоқыс жинайтын контейнерлер сатып алсын, қосымша контейнерлік алаңдарды жабдықтасын, бұрынғыларға жөндеу жүргізсін;

6) стихиялық сауда орындары мен автокөлік құралдары тұрақтарына тыйым салу жөніндегі шараларды алсын;

7) үйлердің қоршауларын, тұрғын үйлердің және әлеуметтік-мәдени ғимараттардың қасбеттері мен дәзілдерін тәртіпке келтірсін;

8) көп қабатты үйлердің төлелерін тазалау және кептіру, инженерлік желілердегі апаттарды жою шараларын алсын;

9) бұралқы иттер мен мысықтарды аулауды ұйымдастырсын;

10) барлық елді мекендерде көшелер жарығын, жарнамалық маңдайша жазуларды, билбордтарды тексеріп, жөндеу жүргізсін;

11) жасыл желек егуді және оларға үнемі күтім жасауды қамтамасыз етсін.

3. Атырау облыстық қоршаған ортаны қорғау басқармасы (келісім бойынша), Жайык-Каспий бассейндік су шаруашылығы басқармасы (келісім бойынша) облыстың ашық су қоймаларына теріс әсерлерді болдырмау мақсатында елді мекендер шегіндегі ашық су қоймаларының жаға белдеуін тазалауға бақылау жасауды ұйымдастырсын.

4. Атырау облыстық мемлекеттік санитарлық-эпидемиологиялық қадағалау басқармасы, Атырау облыстық қоршаған ортаны қорғау басқармасы (келісім бойынша), Атырау облысы ішкі істер басқармасы (келісім бойынша) елді мекендерді көректендіру және санитарлық тазалау жұмыстарының жүруіне үнемі бақылау жүргізсін.

5. «Атырау-Ақпарат» мемлекеттік коммуналдық кәсіпорны, «Қазақстан» республикалық телерадиокорпорациясы» жабық акцинерлік қоғамының Атырау облыстық филиалы (келісім бойынша) көріктендіру және санитарлық тазалау байқауы барысын бұқаралық ақпарат құралдарында жүйелі түрде жариялап отырсын.

6. Жайык-Каспий бассейндік су шаруашылығы басқармасы (келісім бойынша), Атырау облысы ішкі істер басқармасы (келісім бойынша), Атырау облыстық қоршаған ортаны қорғау басқармасы (келісім бойынша), Атырау облыстық мемлекеттік санитарлық-эпидемиологиялық қадағалау басқармасы облыстық әкімиятқа жұмыстың жүру барысы байқаудың нәтижелері туралы мәліметтерді 2004 жылдың 10 қазанына жәнет 10 қарашасына берсін.

7. Осы қаулының орындалу барысын бақылау облыс әкімінің орынбасары М.Байғожинге жүктелсін.