Об установлении публичного сервитута Қолданыста

Қауымдық сервитут белгілеу туралы Қазақстан Республикасы Жер кодексінің 17-бабының 5-1) тармақшасына, 69-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 31 – бабына сәйкес 2025 жылғы 4 қарашадағы № 23 Әулиекөл аудандық жер учаскелерін беру жөніндегі жер комиссиясы отырысының хаттамасы және беру схемасы негізінде осы жер учаскесінің мәліметтері, Әулиекөл ауданының әкімдігі ҚАУЛЫ ЕТЕДІ:

1. «Алюминий Казахстана» АҚ пайдалы қазбаларды барлау жөніндегі операцияларды жүргізу үшін ауданы – 16,8568 гектар Қостанай облысы, Әулиекөл ауданы, Көктал ауылының аумағында (елді мекен шегінен тыс) орналасқан жер учаскесіне қауымдық сервитут белгіленсін.

2. «Әулиекөл ауданы әкімдігінің ауыл шаруашылығы және жер қатынастары бөлімі» мемлекеттік мекемесі Қазақстан Республикасының заңнамасында белгіленген тәртіпте:

1) осы қаулыға қол қойылғаннан кейін бес жұмыс күні ішінде оның көшірмелері Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің Қостанай облысы бойынша "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнының филиалына қазақ және орыс тілдерінде электрондық түрде жіберілсін;

2) Осы қаулы ресми жарияланғанынан кейін Әулиекөл ауданы әкімдігінің интернет-ресурсында орналастырылуын қамтамасыз етсін.

3. Осы қаулының орындалуын бақылау Әулиекөл ауданы әкімінің жетекшілік ететін орынбасарына жүктелсін.

4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.