Об утверждении Правил общего водопользования в городе Астане Қолданыста
Басқа 0
Астана қаласында ортақ су пайдалану
қағидаларын бекіту туралы
Қазақстан Республикасы Су кодексі 26-бабы 1-тармағының 2)-тармақшасына сәйкес Астана қаласының мәслихаты ШЕШІМ ҚАБЫЛДАДЫ:
Тармақ 1
1. Астана қаласында ортақ су пайдалану қағидалары осы шешімнің қосымшасына сәйкес бекітілсін.
Тармақ 2
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Басқа 1. Астана қаласында ортақ су пайдалану қағидалары
Астана қаласы мәслихатының
2025 жылғы 12 қарашадағы
№ 339/45-VIII шешіміне
қосымша
Астана қаласында ортақ су пайдалану қағидалары
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. Осы Астана қаласында ортақ су пайдалану қағидалары Қазақстан Республикасы Су кодексі 26-бабы 1-тармағының 2)-тармақшасына сәйкес әзірленді және жеке тұлғалардың Астана қаласының аумағында ортақ пайдаланылатын су объектілерінде ортақ су пайдалануды жүзеге асыру тәртібін айқындайды.
Тармақ 2
2. Ортақ су пайдалануды жеке тұлғалар рекреацияға, туризмге, әуесқойлық (спорттық) балық аулауға және шаруашылық немесе кәсіпкерлік қызметті жүзеге асыруға байланысты емес бос уақыттың өзге де нысандарына, сондай-ақ жайылымдарда ауыл шаруашылығы жануарларын суаруға деген жеке қажеттіліктерін қанағаттандыру үшін жүзеге асырады.
Тармақ 3
3. Ортақ су пайдалануды жүзеге асыру үшін арнайы рұқсат талап етілмейді.
Тармақ 4
4. Ортақ су пайдалану кезінде су объектілерін пайдалану су объектісінің ажырамас бөлігі болып табылатын жария су сервитуты шеңберінде жүзеге асырылады.
Тарау 2. 2-тарау. Ортақ су пайдалану тәртібі
2-тарау. Ортақ су пайдалану тәртібі
Тармақ 5
5. Астана қаласының әкімдігі жеке тұлғалардың ортақ су пайдалану құқығын жүзеге асыру мақсатында:
Тармақша 1
1) су обьектілеріне кедергісіз қолжетімділікті қамтамасыз етеді;
Тармақша 2
2) ортақ су пайдалану су объектілерінде жаппай демалуға, туризмге және спортқа арналған орындарды айқындайды;
Тармақша 3
3) әуесқойлық (спорттық) балық аулауды жүзеге асыру үшін балық шаруашылығы су объектілерінің учаскелерін және (немесе) және іргелес жағалау белдеуінің учаскелерін айқындайды;
Тармақша 4
4) халыққа ортақ су пайдалану бойынша орнатылған шектеулер мен тыйымдар туралы хабарлауды қамтамасыз етеді.
Тармақ 6
6. Су объектісіне тікелей қолжетімділік болмаған жағдайда жергілікті атқарушы органдар Қазақстан Республикасы Жер кодексінің 69-бабына сәйкес қоғамдық сервитут орнатады.
Тармақ 7
7. Шектеулер немесе тыйымдар туралы ақпарат бұқаралық ақпарат құралдарында, мемлекеттік органдардың интернет-ресурстарында жариялануға жатады және су объектілерінің жағалауында арнайы ақпараттық белгілер орнату арқылы танысуға қолжетімді болуға тиіс.
Тармақ 8
8. Ауыл шаруашылығы жануарларын суару үшін су объектілерін пайдалану санитарлық қорғау аймағынан тыс жерде және суару алаңдары мен су объектілерін ластау мен кірлетудің алдын алатын басқа да құралдар болған жағдайда ғана рұқсат етіледі.
Тармақ 9
9. Балық шаруашылығы су объектілерінде әуесқойлық (спорттық) балық аулау жеке және (немесе) заңды тұлғаларға, аталмыш су объектісінде көл-тауар шаруашылығын жүргізу құқығы берілген тұлғаларға ұйымдастырылады.
Тармақ 10
10. Ортақ су пайдалану су объектілерін пайдалану кезінде мыналарға жол берілмейді:
Тармақша 1
1) су объектілеріне жеке тұлғалардың қолжетімділігін шектейтін қоршауларды, шлагбаумдарды, тыйым салатын белгілерді және басқа да құралдарды өздігінен орнату;
Тармақша 2
2) су объектілерін ластау және кірлету;
Тармақша 3
3) шомылуға арналған жерлерде көлікті жуу, киім жуу және жануарларды шомылдыру;
Тармақша 4
4) арнайы ақпараттық белгілер орнатылған, ескерту немесе тыйым салу жазулары бар жерлерде шомылу;
Тармақша 5
5) арнайы ақпараттық белгілерді өздігінен алып тастау, зақымдау немесе жою;
Тармақша 6
6) аумақта жанармай және майлау материалдарын сақтау;
Тармақша 7
7) көлікті жанармаймен қамтамасыз ету, жуу және жөндеу жұмыстарын жүргізу;
Тармақша 8
8) су объектілерінде және олардың жанында кәмелетке толмаған балаларды ересектерсіз қалдыру.
_____________________________