Об утверждении Правил регистрации иммигрантов в Республике Казахстан Қолданыста

Қазақстан Республикасында көшіп келушілерді тіркеу қағидаларын бекіту туралы «Халықтың көші-қоны туралы» Қазақстан Республикасы Заңының 9-бабының 6-4) тармақшасына сәйкес БҰЙЫРАМЫН:

1. Қоса беріліп отырған Қазақстан Республикасында көшіп келушілерді тіркеу қағидалары бекітілсін.

2. Қазақстан Республикасы Ішкі істер министрлігінің Көші-қон қызметі комитеті заңнамада белгіленген тәртіпте:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жарияланғаннан кейін оны Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына жүктелсін.

4. Осы бұйрық 2026 жылғы 1 шілдеден бастап қолданысқа енгізіледі және ресми жариялануға жатады.

Қазақстан Республикасы ішкі істер министрі 2025 жылғы 17 қарашадағы № 923 бұйрығына қосымша Қазақстан Республикасында көшіп келушілерді тіркеу тәртібі

1-тарау. Жалпы ережелер

1. Осы Қазақстан Республикасында көшіп келушілерді тіркеу қағидалары (бұдан әрі - Қағидалар) «Халықтың көші-қоны туралы» Қазақстан Республикасы Заңының 9-бабының 6-4) тармақшасына сәйкес әзірленді және Қазақстан Республикасында көшіп келушілерді тіркеу тәртібін айқындайды.

2. Осы Қағидаларда мынадай негізгі ұғымдар пайдаланылады:

1) көшіп келуші - Қазақстан Республикасына уақытша немесе тұрақты тұру үшін келген шетелдік немесе азаматтығы жоқ адам;

2) көшіп келушіні тіркеу - Қазақстан Республикасы ішкі істер органдарының көшіп келушінің уақытша болатын жері мен мерзімі туралы мәліметтерді ақпараттық жүйеде белгілеуі;

3) көші-қон полициясының ақпараттық жүйесі (бұдан әрі – КҚП АЖ) – Ішкі істер министрлігінің ішкі және сыртқы көші-қон процестері дерекқорын қалыптастыру бойынша, сондай-ақ «электронды үкімет» шеңберінде құрылып жатқан басқа ақпараттық жүйелермен және деректер базаларымен интеграциялық қарым-қатынас процестерін автоматтандыратын ақпараттық жүйесі.

4) уақытша болатын (тұратын) жер - тұрғылықты жер болып табылмайтын және адам уақытша болатын (тұратын), мекенжайы бар ғимарат, үй-жай не тұрғынжай.

2-тарау. Қазақстан Республикасында көшіп келушілерді тіркеу тәртібі

3. Қазақстан Республикасына тоқсан тәулікке дейінгі мерзімге болу тәртібі белгіленген мемлекеттерден келетін көшіп келушілер, егер Қазақстан Республикасы ратификациялаған халықаралық шарттарда өзгеше көзделмесе, Қазақстан Республикасының Мемлекеттік шекарасын кесіп өткен күннен бастап күнтізбелік отызыншы күннен кешіктірмей Қазақстан Республикасының ішкі істер органдарында тіркелуге жатады. Қазақстан Республикасының ішкі істер органдарында тіркеу үшін көшіп келуші КҚП АЖ-ға мынадай мәліметтерді енгізеді: тегі, аты, әкесінің аты (бар болса), туған күні, төлкұжат деректері, болуға (тұруға) орын ұсынатын адамның деректері, уақытша болатын (тұратын) мекенжайы. Деректерді енгізгеннен кейін болуға (тұруға) орын ұсынатын адам мобильді қосымшада көшіп келушіні тіркелгені туралы хабарлама алып, оның болатын (тұратын) жері бойынша тіркелуіне келісім береді не тіркеуден бас тартады. Болатын (тұратын) жері бойынша тіркеу расталғаннан кейін көшіп келушінің КҚП АЖ жеке кабинетінде осы Қағидаларға қосымшаға сәйкес тіркеу туралы анықтама қалыптастырылады.

4. Көшіп келушіні КҚП АЖ тіркеуден бас тартудың негіздері:

1) тіркеу үшін көшіп келуші ұсынған мәліметтердің дұрыс еместігін анықтау;

2) көшіп келушінің Қазақстан Республикасында болу мерзімін бұзуы;

3) болу (тұру) орнын ұсынған адамның өтініш берілген мекенжайы бойынша көшіп келушіні тіркеуден бас тартуы.

5. Көшіп келуші мекенжайын өз бетінше өзгерткен жағдайда бес жұмыс күні ішінде осы Қағидалардың 3-тармағында белгіленген тәртіпте жаңа болу (тұру) мекенжайы бойынша тіркеу жүргізіледі.

6. Жаңа болатын (тұратын) жері бойынша тіркеу кезінде бұрынғы мекенжайынан шығару автоматты түрде жүзеге асырылады.

7. Қазақстан Республикасында көшіп келушілерді болатын (тұратын) жері бойынша тіркеу тұрғын үйлерде, пәтерлерде, жатақханаларда, қонақ үйлерде, демалыс үйлерде, шипажайларда, сондай-ақ адамдардың тұруы үшін пайдаланатын ғимараттар мен үй-жайларда жүзеге асырылады.

Қазақстан Республикасынында көшіп келушілерді тіркеу қағидаларына қосымша Қа­зақ­стан Рес­пуб­ли­ка­сы­ның Іш­кі іс­тер ми­ни­стр­лі­гі Ми­ни­стер­ство внут­рен­них дел Рес­пуб­ли­ки Ка­зах­стан Тір­кеу ту­ра­лы анық­та­ма Справ­ка о ре­ги­стра­ции өті­ніш нө­ме­рі (ге­не­ри­ру­ет­ся си­сте­мой по­ряд­ко­вый но­мер) но­мер за­яв­ле­ния те­гі аты әке­сі­нің аты (бар бол­са) фа­ми­лия имя оте­че­ство (при на­ли­чии) төл­кұ­жат­тың се­ри­я­сы мен нө­ме­рі: се­рия и но­мер пас­пор­та: аза­мат­тығы: граж­дан­ство: ҚР бо­ла­тын (тұ­ра­тын) ме­кен­жайы: ад­рес пре­бы­ва­ния (про­жи­ва­ния) в РК: тұ­ру мер­зі­мі: сро­ки пре­бы­ва­ния (про­жи­ва­ния): Қа­был­да­у­шы тұл­ға­ның ЖСН ИИН при­ни­ма­ю­ще­го ли­ца Қа­был­да­у­шы адам­ның те­гі аты әке­сі­нің аты (бар бол­са) фа­ми­лия имя от­че­ство (при на­ли­чии) при­ни­ма­ю­ще­го ли­ца QR - КОД