Об утверждении Инструкции назначения и выплаты социальной помощи для участников и инвалидов Великой Отечественной войны Күшін жойған

Ұлы Отан соғысының қатысушылары мен мүгедектеріне әлеуметтік көмекті тағайындау және төлеу Нұсқаулығын бекіту туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 31 бабына сәйкес Денисов ауданының әкімияты ҚАУЛЫ ЕТЕДІ:

1. Ұлы Отан соғысына қатысушылары мен мүгедектеріне әлеуметтік көмек тағайындау және төлеу Нұсқаулығы бекітілсін (қосымша беріледі).

2. Ұлы Отан соғысының қатысушылары мен мүгедектеріне ай сайын 500 теңге мөлшерінде материалдық көмек ретінде 2004-2005 жылдарға әлеуметтік қорғаудың қосымша шаралары белгіленсін.

3. Осы қаулының орындалуына бақылау жасау Денисов ауданы әкімінің орынбасары Ж. З. Дүйсенбаевқа жүктелсін.

Қостанай облысы Денисов ауданы әкімиятының 2004 жылғы 14 қазандағы № 172 «Ұлы Отан соғысының қатысушылары мен мүгедектеріне әлеуметтік көмекті тағайындау және төлеу Нұсқаулығын бекіту туралы» қаулысына қосымша Ұлы Отан соғысының қатысушылары мен мүгедектеріне әлеуметтік көмекті тағайындау және төлеу НҰСҚАУЛЫҒЫ Осы Нұсқаулық Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабына сәйкес әзірленді.

Жалпы ережелер Осы Нұсқаулық Ұлы Отан соғысының қатысушылары мен мүгедектеріне әлеуметтік көмек көрсету ережелерін реттейді.

Әлеуметтік көмекті тағайындау нұсқаулығы

1. Әлеуметтік көмек өтініш нысанында беріледі.

2. Әлеуметтік көмек тағайындау туралы өтінішті оны алуға құқығы бар тұлға «Денисов аудандық еңбек, жұмыспен қамту және халықты әлеуметтік қорғау басқармасы» мемлекеттік мекемесіне (бұдан былай - уәкілетті орган) береді.

3. Әлеуметтік көмек тағайындау үшін өтініш беруші тұлға, жылына бір рет белгіленген нысандағы өтініш ұсынады.

4. Әлеуметтік көмек тағайындау туралы өтінішті қарауды әлеуметтік көмек тағайындау жөніндегі комиссия 10 күндік мерзімде жүзеге асырады.

5. Әлеуметтік көмекті тағайындаудан негізделген түрде бас тартқан жағдайда, ол жөнінде өтініш берушіге жазбаша түрде хабарланады.

6. Әлеуметтік көмекті есептеп тағайындау өтініш берген айдан бастап жүзеге асырылады.

7. Өтініш беруші жөніндегі мағлұматтардың дұрыстығына өтінішті қабылдап алған тұлғалар толығынан жауап береді. Төлемдер жүзеге асырылғаннан кейін ақпараттар жөнінде белгілі бір күмәнділіктер туған жағдайда, заңсыз төленген қаражаттар заңда белгіленген тәртіп бойынша кінәлі тұлғалардан өндіріліп алынады.

Әлеуметтік көмектің төленуі

8. Ұлы Отан соғысына қатысушылар мен мүгедектерге әлеуметтік көмекті төлеу жергілікті бюджет есебінен жүзеге асырылады.

9. Комиссияның шешімі негізінде уәкілетті орган есептеу жүргізеді, әлеуметтік көмек тағайындалған азаматтардың тізімдерін жасайды және ай сайын «Денисов аудандық қаржы басқармасы» мемлекеттік мекемесіне қаржыландыру жөнінде тапсырыс ұсынады.

10. Уәкілетті орган ұсынған тізімге сәйкес әлеуметтік көмекті төлеу «Қазақстан Халық банкі» ашық акционерлік қоғамының бөлімшесі мен «Казпочта» ашық акционерлік қоғамның Қостанай облыстық филиалы Денисов аудандық пошта байланыс торабы арқылы жүзеге асырылады.

11. Әлеуметтік көмекті төлеу алушы тұлға қайтыс болған жағдайда сол күннен бастап тоқтатылады.

Әлеуметтік көмектің төленуіне бақылау жасау

12. Уәкілетті орган ай сайын зейнетақы төлеу жөніндегі мемлекеттік орталықтың аудандық бөлімшесінен Қазақстан Республикасының аумағынан тысқары жерлерге кеткен және қайтыс болған Ұлы Отан соғысына қатысушылар мен мүгедектер туралы мәліметтерге сұрау салып, ақпараттар алып отырады.

13. Дұрыс рәсімделмеген құжаттар бойынша заңсыз әлеуметтік көмек төленіп кетсе, осыған кінәлі лауазымды адамдар заңмен белгіленген тәртіп бойынша жауап береді.

14. Төленген сомаларға бақылау жасау ай сайын «Қазақстан Халық Банкі» ашық акционерлік қоғамының бөлімшесі, «Казпочта» ашық акционерлік қоғамының Қостанай облыстық филиалы Денисов аудандық пошта байланыс торабы және уәкілетті органы арасындағы салыстырып тексеру актілері негізінде жүргізіледі.

15. «Денисов аудандық қаржы басқармасы» мемлекеттік мекеме әлеуметтік көмекке босатылған бюджеттік қаржылардың дұрыс жұмсалуына тексерулер жүргізіп отырады.