Об участии центрального депозитария в создании и деятельности юридических лиц Күшін жойған

Орталық депозитарийдiң заңды тұлғаларды құру мен олардың қызметiне қатысуы туралы "Бағалы қағаздар рыногы туралы" Қазақстан Республикасы Заңының 82-бабына сәйкес Қазақстан Республикасының Қаржы нарығын және қаржы ұйымдарын реттеу мен қадағалау жөнiндегi агенттiгiнiң Басқармасы ҚАУЛЫ ЕТЕДI :

1. Құрылуы мен қызметiне орталық депозитарий қатысуға құқылы екендiгi белгiленсiн:

1) рейтингтiк агенттiктердiң;

2) ақпараттық-талдау қызметiн көрсететiн ұйымдардың;

3) орталық депозитарийдiң қызметiне техникалық қызмет көрсетудi жүзеге асыратын ұйымдардың;

4) клиринг және есеп айырысу ұйымдарының;

5) сауда-саттықты ұйымдастырушылардың;

6) бағалы қағаздарды ұстаушылар тiзiлiмiнiң жүйесiн жүргiзу жөнiндегi қызметтi жүзеге асыратын ұйымдардың.

2. Осы қаулы Қазақстан Республикасының Әдiлет министрлiгiнде мемлекеттiк тiркеуден өткен күннен бастап он төрт күн өткеннен кейiн қолданысқа енедi.

3. Бағалы қағаздар нарығының субъектiлерiн және жинақтаушы зейнетақы қорларын қадағалау департаментi:

1) Заң департаментiмен (Байсынов М.Б.) бiрлесiп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қолға алсын;

2) осы қаулы Қазақстан Республикасының Әдiлет министрлiгiнде мемлекеттiк тiркелген күннен бастап он күндiк мерзiмде оны Агенттiктiң мүдделi бөлiмшелерi мен орталық депозитарийге жiберсiн.

4. Агенттiктiң қызметiн қамтамасыз ету департаментi (Несiпбаев Р.Р) осы қаулыны Қазақстан Республикасының бұқаралық ақпарат құралдарында жариялау шараларын қолға алсын.

5. Осы қаулының орындалуын бақылау Агенттiк Төрағасының орынбасары Е.Л.Бахмутоваға жүктелсiн.