Об установлении категорий автостоянок (паркингов) и увеличении базовых ставок налога на земли, выделенные под автостоянки (паркинги) Қолданыста

Автотұрақтар (паркингтер) санаттарын белгілеу және автотұрақтарға (паркингтерге) бөлінген жерлерге базалық салық мөлшерлемелерін ұлғайту туралы «Қазақстан Республикасының Салық Кодексі» Қазақстан Республикасының Кодексінің 577 - бабына, 581 - бабының 3 - тармағына сәйкес Риддер қалалық мәслихаты ШЕШІМ ҚАБЫЛДАДЫ:

1. Риддер қаласында автотұрақтар (паркингтер) санаттары 1-қосымшаға сәйкес белгіленсін және автотұрақтарға (паркингтерге) бөлінген жерлерге базалық салық мөлшерлемелері 2-қосымшаға сәйкес ұлғайтылсын.

2. Риддер қаласы салықты есептеу кезінде жерлеріне базалық мөлшерлемелері қолданылатын жақын жатқан елді мекен болып айқындалсын.

3. Риддер қалалық маслихатының 2018 жылғы 12 наурыздағы № 19/17-VІ «Автотұрақтар (паркингтер) үшін бөлінген жерлерге базалық салық ставкаларын ұлғайту туралы» (нормативтік құқықтық актілерді мемлекеттік тіркеу Тізілімінде 5558 болып тіркелген) шешімінің күші жойылды деп танылсын.

4. Осы шешім 2026 жылғы 1 қаңтардан бастап қолданысқа енгізіледі.

Риддер қалалық мәслихаттың 2025 жылғы «19» желтоқсандағы № 33/7-VIII шешіміне 1-қосымша Автотұрақтар (паркингтер) санаттары № Автотұрақтар (паркингтер) түрлері Санаттар 1 Жер үсті шатырмен жабылған автотұрақтар, шатырмен жабылмаған автотұрақтар. 1-санат 2 Басқа мақсатқа арналған ғимараттарға жапсарлай салынған автотұрақтар, басқа мақсаттарға салынған ғимараттарға ішкери салынған автотұрақтар. 2-санат 3 Ғимараттардың жер асты, жертөле, цокольды немесе жерүсті төменгі қабаттарда орналасқан автотұрақтар. 3-санат

Риддер қалалық мәслихаттың 2025 жылғы «19» желтоқсандағы № 33/7-VIII шешіміне 2-қосымша Автотұрақтарға (паркингтерге) бөлінген жерлерге базалық салық мөлшерлемелері № Автотұрақтар санаттары Автотұрақтарға (паркингтерге) бөлінген жерлерге базалық салық мөлшерлемелері Базалық мөлшерлемелердің ұлғаюы 1 1-санат 8,2025 10 есе 2 2-санат 8,2025 9 есе 3 3-санат 8,2025 8 есе