Об установлении публичного сервитута Қолданыста

Қауымдық сервитут белгілеу туралы Қазақстан Республикасы Жер Кодексінің 17, 69 және 71-1 баптарына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 – бабына сәйкес аудан әкімдігі ҚАУЛЫ ЕТЕДІ:

1. Осы қаулының қосымшасына сәйкес «Актас Энерджи» жауапкершілігі шектеулі серіктестігіне Жамбыл облысы Шу ауданы аумағындағы шаруашылық субъектілерінің жерлерінен «Солтүстік Мирный» ҚС-нан «Шу» ҚС-на дейін 1ГВт қуат беретін 500кВ әуе желісінің құрылысын жүргізу үшін жалпы алаңы 1146,1916 гектар жер учаскесінде 25 жыл мерзімге қауымдық сервитут белгіленсін.

2. «Актас Энерджи» жауапкершілігі шектеулі серіктестігінеәуе желісінің құрылысын жүргізуден келтірілген шығынды толық көлемде өтеуді қамтамасыз етсін және әуе желісінің құрылысын жүргізу жұмыстары аяқталғаннан кейін бүлінген жерді қалпына келтіру жұмыстарын жүргізсін.

3. Осы қаулының орындалуын бақылау аудан әкімінің жетекшілік ететін орынбасарына жүктелсін.

4. Осы қаулы оның алғашқы ресми жарияланған күнінен кейін қолданысқа енгізіледі.