Об установлении публичного сервитута Қолданыста
Басқа 0
Жер учаскеге жария сервитут белгілеу туралы
Қазақстан Республикасының Жер Кодексіне, Қазақстан Республикасының «Қазақстан Республикасындағы жергілікті мемлекеттік басқару және өзін - өзі басқару туралы» Заңына сәйкес, 2025 жылғы 31 желтоқсандағы № ЗТ-2025-04633756 «IRKAZ Metal Corporation» жауапкершілігі шектеулі серіктестігінің өтінішін қарастырып, Балқаш қаласының әкімдігі ҚАУЛЫ ЕТЕДІ:
Тармақ 1
1. «IRKAZ Metal Corporation» жауапкершілігі шектеулі серіктестігіне 110 кВ ӘЖ инфрақұрылымын салу және пайдалану үшін Балқаш қаласының аумағында орналасқан ауданы 31,0826 гектар жер учаскесінде жер пайдаланушылардан жер учаскелерін алып қоймай, 2028 жылғы 29 қыркүйекке дейінгі мерзімге жария сервитут белгіленсін.
Тармақ 2
2. «IRKAZ Metal Corporation» жауапкершілігі шектеулі серіктестігі траншеясыз кабель төсеу әдісімен жұмыс жүргізсін (келісім бойынша).
Тармақ 3
3. «Балқаш қаласының жер қатынастары бөлімі» мемлекеттік мекемесі осы қаулыдан туындайтын шараларды қабылдасын.
Тармақ 4
4. Осы қаулының орындалуын бақылау Балқаш қаласы әкімінің орынбасары Руслан Косемгалиулы Сыздыковқа жүктелсін.
Тармақ 5
5. Осы қаулы оның алғашқы ресми жарияланған күннен бастап қолданысқа енгізіледі.