О декларировании отдельных категорий товаров в определенном таможенном органе Республики Казахстан Күшін жойған

Қазақстан Республикасының белгіленген кеден органдарында тауарлардың жекелеген санаттарын декларациялау туралы ҚР Кеден кодексінің 373-бабына сәйкес, тауарлар мен көлік құралдарын қазақстан-қытай шекарасы арқылы өткізу кезінде кедендік бақылауды және кедендік төлемдер мен салықтарды өндіріп алудың толықтығын күшейту мақсатында БҰЙЫРАМЫН:

1. Қытай Халық Республикасынан Қазақстан Республикасына "Қорғас" өткізу пункті арқылы автомобиль көлігімен әкелінетін тауарлар мен көлік құралдарын декларациялау және кедендік ресімдеу "Қорғас" кеденінде жүргізілсін.

2. Қазақстан Республикасының Қаржы министрлігі Кедендік бақылау комитетінің баспасөз қызметі осы бұйрықтың бұқаралық ақпарат құралдарында жариялануын қамтамасыз етсін.

3. Кедендік бақылауды ұйымдастыру басқармасы (И.В.Тен) осы бұйрықты Қазақстан Республикасының Әділет министрлігінде мемлекеттік тіркелуін қамтамасыз етсін.

4. "Қорғас" кеденінің бастығы (С.А.Дынбаев) осы бұйрықтың орындалуын қамтамасыз етсін.

5. Кедендік бақылау департаменттері мен кедендердің бастықтары осы бұйрықты декларанттардың және өзге де мүдделі адамдардың назарына жеткізсін.

6. Осы бұйрықтың орындалуын бақылау Қазақстан Республикасының Қаржы министрлігі Кедендік бақылау комитеті төрағасының бірінші орынбасары А.Қ.Ержановқа жүктелсін.

7. Осы бұйрық мемлекеттік тіркелген күнінен бастап күшіне енеді.