Об установлении границ некоторых сел Жетитобинского сельского округа Жуалынского района Жамбылской области Қолданыста

Жамбыл облысы Жуалы ауданы Жетітөбе ауылдық округінің кейбір ауылдарының шекараларын белгілеу туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 31-бабының 1-тармағының 10) тармақшасына және «Қазақстан Республикасының әкiмшiлiк-аумақтық құрылысы туралы» Қазақстан Республикасының Заңының 12-бабының 3) тармақшасына сәйкес Жуалы ауданының әкімдігі ҚАУЛЫ ЕТЕДІ және Жуалы аудандық мәслихаты ШЕШІМ ҚАБЫЛДАДЫ:

1. Жетітөбе ауылдық округі Кәріқорған ауылының шекараларының жалпы көлемі 889,0456 гектар болып белгіленсін.

2. Жетітөбе ауылдық округі Шыңбұлақ ауылының шекараларының жалпы көлемі 1399,5868 гектар болып белгіленсін.

3. Осы бірлескен әкімдіктің қаулысы мен мәслихат шешімінің орындалуын бақылау аудан әкімінің жетекшілік ететін орынбасарына және аудандық мәслихаттың әкімшілік-аумақтық құрылым, аумақты әлеуметтік-экономикалық дамыту, бюджет және жергілікті салықтар мәселелері, адамдардың құқығын қорғау жөніндегі тұрақты комиссиясына жүктелсін.

4. Осы бірлескен әкімдіктің қаулысы және мәслихаттың шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.