Об объявлении на территории Бурабайского района чрезвычайной ситуации техногенного характера объектового масштаба Қолданыста

Бурабай ауданының аумағында объектілік масштабтағы ауқымдағы техногендік сипаттағы төтенше жағдай жариялау туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына, «Азаматтық қорғау туралы» Қазақстан Республикасының Заңына, «Табиғи және техногендік сипаттағы төтенше жағдайлардың сыныптамасын белгілеу туралы» Қазақстан Республикасы Үкіметінің 2014 жылғы 2 шілдедегі № 756 қаулысына сәйкес, төтенше жағдайлардың алдын алу және жою бойынша аудандық комиссияның кезектен тыс отырысының 2026 жылғы 27 ақпандағы хаттамасы негізінде, Бурабай ауданының әкімі ШЕШІМ ҚАБЫЛДАДЫ:

1. Бурабай ауданының аумағында объектілік масштабтағы техногендік сипаттағы төтенше жағдай жариялансын.

2. Бурабай ауданы әкімінің орынбасары Б.Қ. Молдаханов төтенше жағдайларды жоюдың басшысы болып тағайындалсын және осы шешімнен туындайтын тиісті іс-шараларды жүргізу тапсырылсын.

3. Осы шешімнің орындалуын бақылау Бурабай ауданы әкімінің орынбасары Б.Қ. Молдахановқа жүктелсін.

4. Осы шешім ресми жарияланған күнінен бастап қолданысқа енгізіледі.